Vniuersis et singulis presentem paginam inspecturis. Iohannes, dei et apostolice sedis gracia episcopus Segniensis, notum facimus per eandem, quod congregato capitulo nostre ecclesie Segniensis in sacristia predicte ecclesie ad sonum campane, prout moriš est, in quo quidem capitulo interfuerunt Georgius archipresbiter, Mathias primicerius, Andreas Martini, Ivancolus, Petrus Pellenouiz, presbiteri et canonici ipsius ecclesie, qui omnes faciunt maiorem et saniorem partem ipsius capituli, habito maturo tractatu et deliberato cum eisdem comparuit coram nobis venerabilis et discretus vir dominus Raddouan, archidiaconus predicte ecclesie nostre Segniensis, asserens, quod cum dudum Luchas, pater eius, ecclesiam sancte Elene sitam in Vlascha diocesi Segniensi nulla sibi dote assignata fundasset, ex qua fundacione ius patronatus eidem condam patri suo et successoribus suis noscitur aquisitum et post hec per temporum curricula eadem ecclesia sancte Elene per nos Iohannem episcopum ordinarium loci fuit sibi rite collata, consideransque nichilominus, quod minimum uel modicum profectum ex tali simplici fundacione animabus defunctorum suorum hucusque prouenit et proueniet in futurum, cum nulla ibi diuina celebrentur, et quod parum prodest ecclesias fundare nisi de dote congrua ad substencionem clericorum prouideretur eisdem, pro remedio anime sue parentumque et consanguineorum suorum predicte ecclesie sancte Elene de bonis sibi a deo colatis, in quantum f acultates sibi supeterent, etsi non in totum, de dote aliquali prouidere vellet, vt eadem ecclesia ad vsum fratrum ordinis sancti Pauli primi heremite per nos assignari deberet humiliter suplicauit. Nos autem considerantes, quod iusta poscentibus non est denegandus asensus et quod dudum temporibus retroactis ex fundacione ipsius ecclesie cultus diuinus nullum recepit augmentům, cum nil possit ecclesias fundare nisi pro victu clericorum prouideatur eisdem, affectuoso et iusto uoto dicti domini Radouani, quod religioni congruit et cultum diuinum discernitur augere, benignum prebemus assensum concedentes ex nunc, vt dicta ecclesia sancte Elene ad všum predictorum fratrum ordinis sancti Pauli primi heremite deputata sit, in ea et in omnibus in posterům hedificandis liberę habitare possint et valeant auctoritate nostra mediante. In quarum omnium testimonium presentes litteras sibi iussimus dari et sigilli nostri maioris pendentis munimine roborari. Datum in nostra episcopali curia die decimo mensis ianuarii M° CCC° nonagesimo, indiccione VIII.