Nos capitulum ecclesie Budensis memorie commendamus tenore presentium significantes, quibus expedit universis, quod prudentes et circumspecti magistri 388 Wolffgangus litteratus et Iohannes Chwz, magistri czehe seu confraternitatis magistrorum carnificum in suburbio civitatis Budensis residentium, necnon Nicolaus Rahel, Iohannes Thorma, et alter Iohannes Bodo, similiter magistri carnifices modo simili in eodem suburbio dicte civitatis Budensis residentes in ipsorum, ac aliorum universorum magistrorum carnificum et dicte totius czehe seu confraternitatis eorum in eodem loco residentium et ad macellam theutunicorum spectantium, consociorum scilicet ipsorum nominibus et personis nostram personaliter venientes in presentiam exhibuerunt nobis et presentaverunt quasdam litteras confirmationales serenissimi principis condam domini Wladislai Dei gratia regis Hungarie et Bohemie etc. felicis reminiscentiae, in pargameno in modum libelli scriptas, dupplicisque et autentici secreti sigilli sui inpendentis munimine roboratas, tenores infrascripti petentes nos iidem magistri czehe ac alii prenominati magistri carnificum in ipsorum, ac universorum magistrorum carnificum, et totius czehe seu confraternitatis ipsorum personis, ut tenores earundem de verbo ad verbum transcribi et transsummi ac presentibus litteris nostris privilegialibus similiter in modum libelli scriptis redigi faciendo earundem tenores in transcripto seu transsumpto presentium litterarum nostrarum eisdem magistris czehe carnificum, ac aliis prenominatis magistris et toti czehe seu confraternitatis ipsorum, iurium eorundem ad cautelam dare et concedere dignaremur, quarum tenor talis est. – – – Következik II. Ulászló 1514. augusztus 5-én kiadott oklevele. (Lásd 16. sz. alatt) / Es folgt die am 5. August 1514 ausgestellte Urkunde von König Wladislaus II. (siehe Nr. 16) – – – In fine vero earundem litterarum tales habebantur dictiones: Relatio venerabilis magistri Francisci prepositi Posoniensis secretarii regie maiestatis. Nos itaque iustis et rationabilibus petitionibus prefatorum Wolffgangi litterati et Iohannis Chwz magistrorum dicte czehe seu confraternitatis carnificum et aliorum prenominatorum magistrorum nobis in ipsorum, ut prefertur, et aliorum quorum supra nominibus et personis porrectis favorabiliter inclinati prescriptas litteras prelibati quondam domini Wladislai regis confirmationales non abrasas, non cancellatas, nec in aliqua sui parte suspectas, sed omni prorsus vitio et suspicione carentes, nil addendo nilque diminuendo de verbo ad verbum transcribi et transsummi ac presentibus litteris nostris in modum, ut premittitur, libelli scriptis redigi faciendo, earundem tenores in transcripto seu transsumpto presentium litterarum nostrarum in modum libelli scriptarum annotatis magistris czehe ceterisque magistris carnificum et toti czehe seu confraternitatis ipsorum iurium eorundem ad cautelam communi iustitia suadente duximus concedendas. Datum in festo Ascensionis Domini, anno eiusdem millesimo quingentesimo decimo nono.