Nos capitulum ecclesie Waciensis memorie commendamus per presentes quod Iohannes de Thold onera et quelibet gravamina nobilium dominarum Dorothee, Thome de Zechen, ac Margarethe, Osualdi Zwnyog dicti de Katha consortum super se assumendo nostram veniens in presenciam viva voce spontaneaque voluntate confessus est in hunc modum, quod quia Georgius Lando dictus de Berczel ac Paulus et Nicolaus fratres eiusdem patrueles de et super dote et rebus parefernalibus nobilis domine relicte Benedicti similiter Lando dicti de eadem Berczel, ac iure quartalicio nobilis domine Elizabeth relicte Martini de dicta Thold sibi plenam et omnimodam impendissent satisfactionem ideo ipse eosdem Georgium ac Paulum et Nicolaum ac alios quoslibet fratres et proximos eorundem racione et pretextu solucionis dictarum dotum et rerum parafernalium ac iuris quartalicii quitos reddidisset et expeditos commisissat reddiditque et commisit coram nobis harum nostrarum vigore et testimonio literarum mediante. -Hátlapján zárópecsét töredékével. VÁCI KÁPTALAN  

Language: Latin