Charter: Pannonhalma, Bences - Capsarium (1000-1526) 1227 VIII 20
Signature: 1227 VIII 20
Add bookmark
Edit charter (old editor)
20. August 1227
IX. Gergely pápa megbízza a váci és nyitrai püspököket a (pécs)váradi apáttal együtt, hogy kényszerítsék a fehérvári prépostot és káptalant vagy azon egyezség megtartására, melyet a veszprémi püspök és társai mint választott bírák hoztak létre köztük és a szentmártoni apátság közt, vagy arra, hogy fizessék meg a kikötött pénzbüntetést; és megvizsgálván az ügyet, idézzék meg a feleket a szentszék elé. Current repository:
PannH OSB
PannH OSB
- notes extra sigillum:
- 206890
Gregorius episcopus, servus servorum Dei, venerabilibus fratribus ... Waciensi et ... Nitriensi episcopis et dilecto filio ... abbati Waradiensi Quinqueecclesiensis diocesis salutem et apostolicam benedictionem. Dilecti filii ... abbas et conventus Sancti Martini de Pannonia sua nobis insinuatione monstrarunt, quod cum causam, que inter ipsos ex parte una et ... prepositum et canonicos Albenses diocesis Vesprimiensis ex altera super quibusdam decimis et rebus aliis vertitur, bone memorie H(onorius) papa predecessor noster olim vobis duxerit committendam, et processum fuerit in negotio coram vobis; tandem de assensu vestro in venerabilem fratrem nostrum ... archiepiscopum Strigoniensem, tunc Vesprimiensem episcopum et eius collegas sic extitit sub certa pena a partibus compromissum, ut si alterutra partium nollet arbitrium observare, ipsa solvente penam procederetur in figura iudicii super negotio principali; et licet iidem arbitri ad arbitrandum processerint, et arbitrio ipsorum non fuerit per annum et amplius contradictum, illud tamen observare pars adversa recusat. Quare postularunt a nobis, ut iuxta formam compromissi, si predicti prepositus et canonici solvere penam, quam arbitrio parere maluerint, procedi per vos in negotio mandaremus. Quocirca discretioni vestre per apostolica scripta mandamus, quatinus dictos prepositum et canonicos ad observationem arbitrii per penam in compromisso expressam, sicut est equum, appellatione remota cogatis. Quod si maluerint penam persolvere, quam arbitrio prolato parere in causa ipsa iuxta priorum continentiam litterarum, servato priori processu, iudicii ratione previa, remoto cuiuslibet contradictionis et appellationis obstaculo, procedentes infra annum, ad nos remittatis causam sufficienter instructam, prefigendo partibus terminum peremptorium, quo cum omnibus munimentis et rationibus suis per se vel procuratores idoneos compareant coram nobis iustam auctore Domino sententiam recepture. Quicquid autem super hoc feceritis, per vestras nobis litteras intimetis. Quod si non omnes hiis exequendis potueritis interesse, duo vestrum ea nichilominus exequantur. Datum Anagnie XIII. Kalendas Septembris, pontificatus nostri anno primo. [1227. aug. 20.]
Comment
Eredeti
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}