Gregorius episcopus etc. Dilectis filiis de ... Bochon et de ... Tichon abbatibus et ... archidiacono de Roba Vesprimiensis et Iauriensis diocesis salutem etc. Tempore ... I(nnocentii) pape ... (Urias) abbas Sancti Martini de Pannonia ab episcopo et canonicis Zagrabiensis ecclesie ... decimas frugum et aliarum rerum partis comitatus Simigiensis qui est ultra fluvium Dravam, necnon et capellarum Sancti Barnabe, Sancti Crucis et Sancte Trinitatis existentium in Vesprimiensi diocesi citra Dravam ... et omne ius suum in iudicium circa premissa deducens ... privilegium Sancti Stephani regis et confirmationes ... Alexandri, Urbani et Clementis Romanorum pontificum, ad intentionem suam fundandam super principale produxit ... Post longi temporis tractum ... tandem ad apostolice sedis examen partes negotium reduxerat, cui finem sententia dare non potuit, eo quod litis contestationem legitimam acta iudicii non habebant ... Partes ... ad huiusmodi compositionem pervenerunt, videlicet quod abbas pro se ac monasterio decimas et omnia alia ... ultra fluvium Dravam infra Zagrabiensem diocesim versus Sclavoniam episcopo et ecclesie Zagrabiensi ... dimisit; ... episcopus vero pro se et ecclesia sua decimas quatuor capellarum, scilicet Sancte Marie, Sancte Trinitatis, Sancti Barnabe et Sancte Crucis versus Ungariam et quicquid iuris in eisdem capellis habebat, abbati et monasterio memorato dimisit ... Compositionem huiusmodi ... gratam et ratam habentes, ... mandamus quatenus ... faciatis inviolabiliter observari ... Datum Reate, decimo Kalendas Augusti, pontificatus nostri anno sexto.