Serenissimo principi domino Lodovico, Dei gratia regi Hungarie, domino suo conventus monasterii Sancti Martini de Sacro Monte Pannonie orationum in Christo suffragia devotarum. Vestra noverit serenitas, quod, cum nos iuxta continentiam litterarum magnifici viri comitis Stephani Bubeek, iudicis curie vestre, quas vestre maiestati una cum presentibus capite sigilli nostri reinclusas remittimus, simul cum Iohanne, filio Luce, de Fenyeufeu, homine vestro, discretum virum Georgium, plebanum ecciesie de Olsuk, hominem nostrum ad infrascriptam statutionem possessionariam faciendam pro testimonio misissemus, tandem iidem ad nos reversi nobis concorditer retulerunt, quod ipsi feria tertia proxima post dominicam Oculi nunc preterita [1368. márc. 14.] ad faciem possessionis Nyul vocate et monticuli Feelkeert dicti, inter metas ipsius possessionis Nyul cum suis pertinentiis siti, vicinis et conmetaneis suis legitime convocatis accedendo, ipsum monticulum Feelkert (!) cum omnibus appendiciis suis sub limitibus et terminis, quibus hactenus habitus extitit et possessus, religioso viro domino fratri Paulo, abbati de Beel et suo monasterio eo iure, quo ipsis attinere dinosscitur, statuissent perpetuo possidendum pariter et habendum, nullo penitus contradictore existente in hac parte. Datum feria tertia proxima post dominicam Palmarum, anno Domini millesimo trecentesimo sexagesimo octavo. [1368. ápr. 4.]