Excellentissimo principi et domino suo gratioso, domino Lodovico, Dei gratia inclito regi Hungarie, Polonie, Dalmatie, etc., conventus monasterii Sancti Martini de Sacro Monte Pannonie orationes in Christo debitas et devotas. Vestra serenitas nosse velit, quod, cum nos secundum continentiam litterarum viri magnifici comitis Iacobi de Scepus, iudicis curie vestre, modum et formam sue iudiciarie conmissionis inter religiosum virum dominum Paulum, abbatem de Beel, actorem ab una et nobilem dominam, filiam Pauli Magni de Nog-Ech ac Gregorium dictum Contra in causam attractos parte ex altera late exprimentium pro parte dicti domini abbatis nobis exhibitarum, quas capitis sigilli nostri impressione more solito reinclusas vestre cum presentibus remittimus maiestati, ipsis domina et Gregorio nec copiam earumdem nobis exhibentibus, nec hominem nostrum pro parte sua recipientibus, sed eodem Gregorio se ipsum et eandem dominam de hominibus tam vestro, quam nostro, quos dictus dominus abbas pro se adduceret, contentari referente, una cum Thoma, filio Pauli, de Peech, homine sublimitatis vestre, fratrem Martinum, sacerdotem conmonachum, notariumque nostrum ad exequendum negotium conmunis inquisitionis in premissis litteris declarate transmisissemus pro testimonio fide dignum, tandem iidem ad nos reversi nobis uniformiter retulerunt, quod ipsi in quindenis festi Beati Iacobi apostoli nunc preteritis [1373. aug. 8.] ad faciem possessionis Tarian vocata vicinis et commetaneis eiusdem universis legitime convocatis et ipsis, prefatoque domino Paulo abbate ac dicto Gregorio personaliter, nec non magistro Blasio, canonico ecclesie Iauriensis, pro prescripta nobili domina cum procuratoriis litteris nostris presentibus accessissent; ubi primo Iohannes, filius Benedicti, Georgius, filius Iohannis, Nicolaus, filius Ladizlai et Abraham, filius Stephani, nobiles de Gych, inmediati conmetanei dicte possessionis Tarian, item Nicolaus dictus Nemes de Azzunfolva similiter conmetaneus, item Gregorius filius Iohannis, fratris eiusdem Nicolai, similiter commetaneus et in territorio predicti domini abbatis de Beel in Tarian partem vinee sue habens, item Andreas, filius Beke, iobagio noster de Olsuk in eodem territorio vineam habens, item Paulus filius Beke iobagio noster de Kys-Tarian similiter vineam ibi habens, nec non Iacobus Rufus de Lazy in commetaneitate eiusdem territorii, in terra scilicet ecclesie nostre, vineam habens, item dominus Michael, plebanus ecclesie nostre de Rovazd, item Gregorius, filius Egidii, de eadem Rovazd, omnes commetanei, item Andreas filius Andree, de predicta Kys-Tarian vineam ibi habens et Iohannes, filius Nicolai, commetaneus, item Nicolaus, filius Stephani et Iohannes, filius Peteuch, de Repas propinquiores vicini, item Emericus nobilis de Lyukywosyan similiter vicinus, item Nicolaus de Pachnan, Paulus Barbatus et Thomas, filius Damiani, de Wosyan ac Symon de Lazy, ecclesie nostre iobagiones exercituales, item Stephanus, filius Blasii, de Peech, Stephanus, filius Pauli, de Zerechen, Ladizlaus, filius Valentini, de Nema, Blasius, filius Iohannis et Thomas dictus Chech de Taap, Martinus, filius Iacobi, de Kyseech et Nicolaus dictus Sumugy de eadem, iobagio noster, item Stephanus, filius Salomonis, predialis noster de Kyspaznan, conprovinciales non remoti, nec non Briccius, filius Andree, de Zenthyuan, comitatus Vesprimiensis, similiter non remotus, hii omnes per predictum dominum Paulum abbatem ad huc adducti ad fidem eorum Deo debitam et fidelitatem vestre maiestati, sacreque corone regie conservandam per ipsos vestrum et nostrum homines requisiti conformiter affirmassent, quod ad ipsorum scitum et memoriam decime vini in territorio memorato de Tarian dicti domini abbatis de Beel procreati semper et ab antiquo per decimatores seu ministros predecessorum abbatum de Beel, nunquam autem per decimatores dominorum episcoporum Iauriensium aut quoslibet alios exacte recepte et levate fuissent, ipsique domini abbates in earumdem dominio pacifice extitissent tamdiu, donec tandem Paulus Magnus, pater nobilis domine, predictum territorium cum suis pertinentiis propria temeritate occupans decimas quoque vini de vineis inibi plantatis modo simili occupasset, occupatasque detinuisset tempore vite sue, quas eodem mortuo subsequenter nobilis domina filia et gener eiusdem prenotati similiter detinuissent et easdem tempore vindemie nunc preterite nec ex parte sua persolvissent, nec alios et specialiter iobagiones ipsorum de Tarian Paulo, filio Thome, decimatori dicti domini Pauli abbatis nomine eiusdem persolvere premisissent pro se ipsis easdem vi tollendo, seu tolli faciendo etiam et detinendo nullo penitus ad ipsas decimas nomine domini episcopi Iauriensis exigendas vel petendas conparente, predictumque decimatorem prefatus Gregorius cum suis in exactione earumdem decimarum male tractando impedisset et turbasset, omniaque ac singula intulisset ac inferri fecisset, que et quemadmodum in primaria inquisitione in predictis litteris adiudicatoriis serietenus conprehensa lucidius exprimuntur; in horum itaque contrarium Andreas, filius Bartholomei de terra Tarian, Benedictus, filius Iohannis, de eadem et Andreas, filius Petri Rufi, de Azzunfolva commetanei, item Iohannes, filius Nicolai, de Wossyan vicinus, item Dominicus, filius Iohannis Rufi, in predicta Azzunfolva noviter uxoratus, item Briccius, filius Ladizlai et Stephanus, filius Gregorii, nobiles de Nema conprovinciales, item Iohannes, filius Nicolai, Michael, filius Thome, Matheus, filius Iohannis, nobiles de Beun conprovinciales remoti, item Benedictus dictus Woryu de Meger, Nicolaus, filius Chepani, de Mecher conprovinciales remoti, item Iohannes, filius Sebeuk, de Kemne Mossioniensis et Nicolaus, filius Iohannis, de Challokuz Posoniensis comitatuum, Iohannes dictus Feyes de Inse Iauriensis, Petrus, filius Nicolai, de Barbach Supraniensis (!) et Nicolaus litteratus Nitriensis comitatuum, item Ladizlaus de Baych, Iohannes de eadem, Anthonius de eadem Iauriensis, Michael, filius Laurentii, Stephanus, filius Nicolai, de Salamon, Nicolaus de Zyrk, Anthonius de Deem, Dominicus de eadem, comitatus Vesprimiensis, item Stephanus, filius Michaelis, Iacobus, filius Nicolai, Dyonisius sartor de Nog-Ech conprovinciales nobiles, item honorabiles viri domini Stephanus, prepositus de Papuch, Dyonisius cathedralis, Michael Mussoniensis, Dominicus Supruniensis et Iohannes Luchmaniensis archidiaconi pariter et canonici in ecclesia Iauriensi, nec non Stephanus, canonicus eiusdem ecclesie preterea, Iohannes, frater cantoris, Iohannes, filius Stephani, Michael pellifex, Benedictus gener eiusdem, et Nicolaus pellifex ac Franciscus Parvus, cives capituli Iauriensis, item Andreas Barbatus, Georgius de Hamburga, Stephanus dictus Feyes, Stephanus frater Isaak, Blasius, filius Anda et Stephanus, filius Benedicti, cives regales de Iaurino, item Petrus dictus Kuke et Nicolaus de Zalouk Vesprimiensis ac Andreas litteratus de Magas Castri Ferrei comitatuum nobiles, item quatuordecim populares homines de Wamuspaznan, prepositi de Papuch predicti, item octo populates de Molnary domini episcopi Iauriensis, item de Nogech populares circiter quadraginta pro parte predictorum in causam attractorum congregati similiter requisiti concorditer asseruissent, quod iidem in causam attracti, videlicet domina nobilis et maritus eius premissas decimas pretitulati domini abbatis pro se usurpando non occupassent, nec pro se exigi et recipi fecissent, sed eas dominus episcopus Iauriensis pro se exigi mandavisset et fecisset, ipsique domina et Gregorius in totali actione dicti domini abbatis in pretactis litteris adiudicatoriis expressa innocentes existerent penitus et inmunes; nonnulli preterea ex supradictis testibus prelibati domini abbatis vineas in preallegato territorio eiusdem habentes coram nobis specifice sunt confessi, quod per aliquot annos preteritos predictus Gregorius decimas vini ab eis pro se ipso recepisset et tulisset, anno vero proxime nunc elapso, postquam videlicet idem dominus abbas dictum suum territorium a predictis in causam attractis iuris ordine reobtinuit, mediante ipsas decimas decimatori ipsius domini abbatis solvissent et in futurum solvere presto essent, quemadmodum tenerentur. Datum quarto die peractionis processum predictorum, anno Domini millesimo trecentesimo septuagesimo tertio. [1373. aug. 11.]||
Címzése: Domino regi pro religioso viro domino Paulo abbate de Beel contra nobilem dominam filiam Pauli Magni de Nog-Ech et Gregorium Contra dictum, maritum eiusdem, super quadam conmissa inquisitione in quindenis festi Beati Iacobi apostoli per hominem regium et nostrum testimonium in facie possessionis Tarian modo intrascripto facte ad octavas festi Sancti Michaelis archangeli ad iudicem rescriptionalis.