...||
Excellentissimo principi domino Ludovico, Dei gratia inclito regi Hungarie, domino ipsorum, capitulum Iauriensis ecclesie orationes in Domino pias et devotas. Noverit vestra excellentia litteras vestras per annum generales domino Siffrido, abbati ecclesie Sancti Martini de Sacro Monte Pannonie, gratiose concessas ad citationes, inquisitiones, prohibitiones et possessionum propriarum ipsius ecclesie apud manus suas existentium reambulationes, metarumque erectiones cum omni honore nos recepisse. Quibus receptis una cum Mychaele, filio Pauli, de Mendzenth, homine maiestatis vestre, nominatim inter alios in eisdem litteris inscripto, ad reambulationem et metarum erectionem cuiusdam possessionis dicti domini abbatis et ecclesie sue Dyenus vocate, hominem nostrum, scilicet dominum Nicolaum, chori nostri presbiterum, pro testimonio fide dignum duximus destinandum. Qui demum ad nos reversi concorditer nobis retulerunt, quod ipsi feria quarta proxima post dominicam Invocavit proxime preterita [1356. márc. 16.] ad faciem dicte possessionis Dyenus vocate, in comitatu Posoniensi existentis, universis vicinis et conmetaneis presentibus, presente etiam eodem domino abbate, accessissent, ibique accedendo eandem possessionem per veras suas metas et antiquas hoc modo reambulassent, quod primo de aqua Danubii egrediendo venissent ad quandam vallem versus orientem, que vallis a sinistris divideret terram ville Mysser a terra ville Dyenus nuncupate, cuius terra a dextris remansisset, deinde in eadem valle procedendo tendissent ad aquilonem et sic in eadem valle per bonum spatium eundo reflexissent se ad orientem et inde in eadem valle procedendo reflexissent se ad meridiem; exeundo de valle versus orientem in fine cuiusdam terre arabilis invenissent quandam metam terream et circa eandem terram arabilem eundo ad orientem, quantum est iactus lapidis, iterum invenissent unam metam separantem terras villarum Mysser et Dyenus ab aquilone ville Mysser, a meridie vero ville Dyenus, de hinc ad eandam plagam eundo, quantum ad ictum duarum sagitarum, iterum reperissent unam metam terream, deinde iterato eundo ad tantundem spatium ictum duarum sagittarum, pervenissent ad unam metam terream et ab inde ad eandem plagam orientalem eundo ad longitudinem unius iugeris circa prefatam terram arabilem pervenissent ad marginem cuiusdam vallis, in cuius superficie circa fossatum fuisset una meta terrea antiqua, quam renovassent, deinde directe processissent ad orientem saliendo quendam fluvium Dunaaga vocatum retro villas Mysser et Dyenus nuncupatas habitum, ubi in litore eiusdem fluvii esset una meta terrea, quam renovassent; inde procedendo ad eandem plagam orientalem versus ecclesiam Beati Martini in predicta villa Mysser constructa, prope quam ecclesiam invenissent a parte occidentis unam metam, quam renovassent, que quidem meta possessionem Dyenus predictam a meridie, prenotatam vero villam Mysser a plaga septemtrionali seperaret (!), ab hinc directe intrassent in magnam viam Posonwth vocatam in medio eiusdem ville Mysser existentem pro metali distinctione conmissam, que quidem via reflecteretur versus meridiem ad quandam magnam metam antiquam, quam etiam renovassent, deinde ad eandem plagam meridionalem transeundo ad spatium iactus unius lapidis, pervenissent ad tres metas angulares quarum una a parte sinistra orientali separaret possessionem Mysser, due vero, cuius unam renovassent, distingeret a parte dextra occidentali prefatam terram Dyenus a possessione Mysser prenotata; deinde in quadam via publica processissent versus meridiem, ubi esset una meta antiqua distingens a parte sinistra orientali terram ville Tarch, a parte vero dextra terram ville Dyenus prenotate, dehinc semper ad eandem plagam meridionalem procedentes ad predictam villam Tarch, in cuius fine prope quoddam fossatum esset una meta terrea, quam renovare noluissent; inde in eadem via venissent iterum ad unam antiquam metam terream, que a parte orientali sinistra divideret terram Tarch, a parte vero occidentali possessionem Dyenus prenotatam; deinde ad meridiem transeuntes pervenissent ad quendam locum, in quo intratur dicta via predicte ville Tarch in viam, qua itur in possessionem Bechke, ubi antiqua meta haberetur; ab inde ad eandem plagam aliquantulum procedendo venissent ad duas metas, exinde ad iactum unius sagitte ad unam antiquam metam, inde tendendo eandem plagam ad duas metas antiquas circa predictam viam existentes venissent et ab hinc circa eandem viam procedentes venissent ad tres metas angulares, quarum una a parte dextra occidentali seperaret predictam possessionem Dyenus, due vero a parte [sinistra] meridionali possessiones Bechke et Tarch vocatas, inde circa predictam villam Bechke in eadem via processissent versus meridiem, circa quam esset una meta terrea; inde ad aliam metam retro prelibatam villam Bechke existentem, inde ad duas metas terreas prope iuncturas duarum viarum existentes, quarum una divideret terram ville Dyenus a terra nobilium de Bechke, secunda vero divideret terram ville Dyenus et terram magistri Petri de Sancto Georgio, fratris Sebus; deinde ulterius procedentes, ubi una via magna iungeretur predicte vie, essent due mete terree ex utraque parte vie, quarum una a parte sinistra orientali seperat (!) possessionem magistri Petri, fratris Sebus, altera parte dextra occidentali possessionis ville Dyenus distinctam haberetur; deinde ipsa via intraret quam (!) publicam viam, que Zemmaryawth vocaretur et ibi esset una meta; inde ad eandem viam transiret per unam graminosam viam versus terram Cosmafeulde vocatam, ubi esset una meta; inde parumper processissent ad unum angulum, ubi esset una meta cursualis; inde eundo versus orientem ad longitudinem duorum iugerum terre, venissent directe ad quandam metam cursualem, ab hinc reflectendo versus meridiem in spatio dimidii iugeris terre longitudinis circa predictam viam graminosam versus terram Kozmafeulde vocatam, ubi esset una meta; inde ad tres metas angulares pervenissent, quarum una ville Dyenus, altera vero magistro Petro, fratri Sebus, tertia vero nobilibus de Zop pertineret distingendo; inde reflecteretur ad occidentem circa quandam vallem et ibi esset una meta distingens terram Dyenus et terram magistri Petri antedicti et (!) a terra nobilium de Zop predictorum; deinde ad eandem plagam occidentalem venissent in quadam via, que vocaretur Zemmaryawth, ubi in margine unius vallis Syalaza vocate essent quinque mete terree angulares possessiones Dyenus, Kybotur (!) Zenthmaria vocatas et magistri Petri, fratris Sebus, antedicti distingentes et de predictis quinque metis egrediendo in predicta valle Syalaza, cuius medietatis (!) per longitudinem tam in pratis, quam in aliis suis usibus terre Dyenus remansisset, alia vero medietas ipsius vallis a parte meridiei terre Gutur remanente et in ipsa valle pro metali distinctione conmissa, pluribusque metis terreis possessiones Kysgutur et Noggutur distingentibus in rippa eiusdem vallis Syalaza a parte meridiei erectis, transmisissent versus occidentem ad quatuor metas terreas in quodam monticulo, videlicet in capite prenotate vallis aliquantulum saliendo erectas circa quandam rotundam vallem, que quidem quatuor mete separarent predictas possessiones Noggutur, Uduarnok-Zemech et Dyenus vocatas et in quadam via Chelchut vocata processissent versus aquilionem (!) ad duas metas terreas, quarum una terre Dyenus, alia predicte ville Uduarnok-Zemech vocate separaret; de hinc in eadem via per bonum spatium venissent ad unam metam, que distingeret terram ville Dyenus a parte dextra, terra ville Zemech a parte sinistra occidentali remanente; inde in eadem via Chelkut venissent iterum ad aliam metam cursualem et ab hinc relicta ipsa via in terras arabiles ad aquilonem se distulissent similiter ad unam metam terream Dyenus a terra Zemech dividentem et in eisdem terris arabilibus aliquod spacium processissent iterum ad unam metam, ab hinc ad aliam metam pro quandam vallem, deinde ipsam vallem transeundo venissent versus aquilonem ad unam metam et exinde versus occidentem divertissent se prope fluvium Dunaaga vocatam, que retro villas Dyenus et Mysser haberetur, ubi esset sita una meta terre et ab inde transeundo ipsum fluvium directe venissent saliendo ad quandam arborem piri et ibi predicte mete terminarentur; penitus nullo contradictore in omnibus premissis process ibi (!) existente. Datum quarte die diei reambulationis antedicte, anno Domini millesimo trecentesimo quinquagesimo sexto. [1356. márc. 19.]