Serenissimo principi domino Sigismundo, Dei gratia Hungarie, Dalmatie, Croatie etc. regi illustri, marchionique Brandenburgensi etc., sacri Romani imperii vicario generali et regni Bohemie gubernatori, domino ipsorum metuendo, capitulum ecclesie Wesprimiensis orationes in Domino debitas et devotas. Vestra noverit celsitudo litteras vestras mediocris (!) sigillo vestro consignatas, nobisque preceptorie transmissas omni cum reverentia, quo decuit, nos recepisse in hec verba:||
Sigismundus, Dei gratia rex Hungarie, Dalmatie, Croatie etc., marchioque Brandenburgie etc. sacri Romani imperii vicarius generalis et regmi Bohemie gubernator, fidelibus suis capitulo ecclesie Wesprimiensis salutem et gratiam. Dicitur nobis in persona religiosi viri. domini fratris Martini, abbatis de Beel, quomodo Petrus et Mauritius de Reepas sabbato proximo post festum Visitationis Virginis gloriose proxime preteritum [1409. júl. 6.] duos boves bonos ipsius domini Martini abbatis in territorio eiusdem possessionis Beel repertos potentionaliter depulissent, quod etiam coram vestris et conventus ecclesie Beati Martini Sacri Montis Pannonie testimoniis ac vicecastellano de Cesnek aliisque quam pluribus nobilibus attestari et fassi fuissent, in preiudicium ipsius domini Martini abbatis valde magnum, lite tamen inter partes pendente. Super quo fidelitati vestre firmiter precipiendo mandamus, qzatenus vestrum mittatis hominem pro testimonio fidedignum, quo presente Iohannes de Somorog (!) vel Georgius de Kouachy aut Michael de Archay sive alter Michael de Gechy seu Franciscus de eadem aliis absentibus homo noster scita premissorum mera verita, evocet prefatos Petrum, Mauricium contra annotatum dominum Martinum abbatem nostram in presentiam ad terminum conpetentem rationem de premissis reddituros, premissa lite inter ipsos habita non abstante (!). Et post hec ipsam inquisitionis et evocationis seriem cum nominibus evocatarum (!), terminoque assignato nobis fideliter rescribatis. Datum Bude, feria tertia proxime post festum Divisionis Apostolorum, anno Domini millesimo quadringentesimo nono. [1409. júl. 16.]||
Itacque (!) mandatis vestre sublimitatis semper obedire cupientes, ut tenemur, una cum prefato Iohanne de Sumuirag, homine vestro, nostrum hominem, videlicet discretum virum magistrum Michaelem de Bya, socium et concanonicum nostrum, ad premissa peragenda pro nostro testimonio fide dignum duximus destinandum. Qui demum exinde ad nos reversi nobis concorditer retulerunt, ut predictus homo vester simul cum eodem testimonio nostro sabbato proximo post festum Ad Vincula Sancti Petri de novo elapsum [1409. aug. 3.] in comitatu Wesprimiensi procedendo ab omnibus, quibus decuisset et licuisset, nobilibus videlicet et ignobilibus ac aliis cuiusvis status et conditionis dicti comitatus hominibus palam et oculte diligenter de premissis investigando omnia premissa et quevis premissorum singula sic esse, fuisse et facta fore scivissent, prout vestre dictum extitisset maiestati et quemadmodum tenor litterarum per omnia continet prescriptarum; scitaque premissorum mera veritate iidem homo vester presente eodem nostro testimonio die in prefixo Petrum et Mauritium in faciebus portionum ipsorum possessionariarum in eadem dicta possessione Reepas nuncupata habitarum contra annotatum dominum Martinum abbatem rationem de premissis reddituros ad octavas festi Beati regis Stephani [1409. aug. 27.] in vestre excellentie presentiam evocasset premisse litis pendentia, si qua foret inter partes, non obstante. Datum tertio die dicte inquisitionis et evocationis presctiptarum, anno Domini supradicto. [1409. aug. 5.]