Nos conventus monasterii Sancti Martini de Sacro Monte Pannonie memorie conmendamus, quod, cum nos ad percipiendum quoddam iuramentum, per magistrum Ioannem filium condam Symonis bani, de Moruchyda octavo die festi Beati Georgii martiris proxime preterito [1409. máj. 1.] iuxta formam iudiciariam deponere dispositum religiosum virum fratrem Gallum sacerdotem, umum ex nobis ad ecclesiam nostram parohialem (!) de Alsok in honore (!) Beate Virginis constructam, pro testimonio transmisissemus, tandem idem homo noster ad nos reversus nobis retulit inter cetera seriose, ut die et loco in predictis religiosus vir dominus Martinus, abbas monasterii de Beel, suo et totius conventus ipsius sui monasterii nominibus supradictum magistrum Iohannem, filium condam Symonis bani, necnon religiosum virum dominum Iohannem, prepositum de predicta Moruchyda, facie ad faciem coram ipso nostro testimonio et quam pluribus nobilibus coniuratoribus dicti magistri Iohannis repertos ab usu et perceptione quorumlibet fructuum et utilitatum, tributi, molendini ac iurium possessionariorum in dicta Moruchyda ad prefatum monasterium de Beel pertinentium prohibuisset contradicendo et contradixisset inhibendo manifeste. Datum secundo die octavi diei festi Beati Georgii martiris supradicti, anno Domini millesimo quadringentesimo nono. [1409. máj. 2.]