Serenissimo principi domino Sigismundo, Dei gratia Hungarie, Dalmatie, Croatie etc. regi illustri, marchionique Brandenburgensi etc., sacri Romani imperii vicario generali et regni Bohemie gubernatori, domino ipsorum metuendo capitulum ecclesie Wesprimiensis orationes in domino debitas et devotas. Vestra noverit celsitudo, quod nos omni cum reverentia, qua decuit, receptis litteris vestris adiudicatoriis sigillo venerabilis patris domini Eberhardi, episcopi ecclesie Waradiensis, aule vestre cancellarii, consignatis pro domino fratre Martino, abbate de Beel, contra Gregorium, filium Nicolai, Petrum, filium Iohannis et alterum Gregorium et Elyam de Naztop confectis, nobisque preceptorie transmissis, iuxta earumdem continentiam una cum Iohanne de Somvyragh, homine vestro, inter atios homines vestros in dictis litteris vestris adiudicatoriis conscriptos nominaliter expresso, nostrum hominem videlicet Gregorium, chori eiusdem ecclesie nostre clericum, ad infrascriptam proclamationem faciendam pro nostro testimonio fide dignum duxissemus destinandum. Demum iidem exinde ad nos reversi nobis concorditer retulerunt, ut predictus homo vester presente eodem testimonio nostro memoratos Gregorium, filium Nicolai, Petrum, filium Iohannis et alterum Gregorimm ac Elyam de prefata Naztop in causani attractos litteralia eorum instrumenta in iam dictis litteris vestris adiudicatoriis denotata exhibituros ac de iudiciis in toto triginta sex marcas facientibus iudici et parti adverse satisfacturos contra antefatum dominum fratrem Martinum abbatem ad octavas festi Penthecostes nunc affuturas [1409. jún. 2.] in tribus foris conprovincialibus, primo scilicet feria quinta proxima post festum Apparitionis Beati Michaelis archangeli [1409.máj. 9.] in opido Apachawasarhel, demum vero sabbato proximo dictam feriam quintam immediate subsequente [1409. máj. 11.] similiter in opido de Papa, postremo autem et ultimo feria quinta proxima ipsum diem sabbati vicinius subsecuta [1409. máj. 16.] in villa Leweld appellate celebrare consuetis publice et manifeste fecisset proclamare insinuando ibidem, ut si venerint et premissa litteralia eorum instrumenta exhibuerint ac de annotatis iudiciis iudici et parti adverse satisfecerint, bene quidem; alioquin non obstante eorum absentia et rebellione finem debitam et indilatam facietis causa in predicta, prout dictaverit ordo iuris. Datum septimo die predicte ultime diei proclamationis antedicte, anno Domini millesimo quadringentesimo nono. [1409. máj. 22.]