(N)os Nicolaus de Gara, regni Hungarie palatinus et Comanorum memorie commendamus, quod nobis in octavis diei Medii Quadragesime, in anno Domini millesimo quadringentesimo nono preteritis [1409. márc. 20.] una cum regni nobilibus pro faciendo moderativo iudicio causantibus, in sede nostra iudiciaria sedentibus, Paulus literatus pro domino Iohanne duce, gubernatore abbacie Sancti Martini Sacri Montis Pannonie et conventu loci eiusdem cum procuratoriis literis conventus eiusdem in nostram veniendo presenciam, quasdam tres literas, duas nostras, unam evocatoriam capitulo Posoniensi directam et aliam iudicialem, necnon terciam dicti capituli ex (!) ipsa evocacione rescripcionalem, in diversis terminis emanatas nobis presentaverat declarantes: quod ipse Paulus literatus pro dominis Corardo pridem abbate et conventu ecclesie Sancti Martini cum procuratoriis literis eiusdem conventus iuxta continentiam literarum nostrarum priorum in octavis festi Beati Georgii martyris, in anno Domini millesimo quadringentesimo septimo preteritis [1407. máj. 1.] in figura nostri iudicii conparendo contra Petrum dictum Grofh de Sancto Georgio, Petrum, filium eiusdem ac Eberhardum, filium iunioris Temel de eodem Sancto Georgio quasdam literas dicti capituli evocatorias et inquisitorias, nobis ad regium literatorium mandatum rescriptas tenoremque literarum regalium ipsi capitulo directarum verbaliter in se habentes, asserens accionem et proposicionem dictorum actorum literis contineri in eisdem, nobis presentasset declarantes, quod in personis dictorum conventus et abbatis regie dictum extitisset maiestati, quomodo ipse magister Petrus Grofh de Sancto Georgio sabbato proximo ante festum Omnium Sanctorum in anno Domini millesimo quadringentesimo sexto preteritum [1406. okt. 30.] destinatis et transmissis Petro et Merth, filiis suis ac Eberhardo, filio iunioris Temel de eodem Sancto Georgio, Kapustar, castellano castri Eberharth, Nicolao Ungaro, familiaribus, item Saphar, villico iobagione suis de Mysser, de dominio ipsius possessionis Mysser vocate, ipsis conventui et monasterio Sancti Martini legitime statute, officiales et familiares ipsorum domini Corardi et conventus expelli et excludi ac ibidem in tenutis ipsorum possessionis Genesy (!) vocate Nicolaum parvum, officialem ipsorum de predicta Genesy ac Mathiam, familiarem eiusdem, necnon Iohannem, villicum de dicta Genesy crudeliter et enormiter verberari et vulnerari ac ab eisdem ducentos florenos nove monete pro collectis de possessionibus Genesy et Dyaky nuncupatis exactos ac unam loricam et duos bonos equos, necnon arma, vestes et alias res ac bona ipsorum, pro tunc erga ipsos reperta et inventas ab eisdem more latrocinio recipi et auferri fecissent propria potencia mediante in preiudicium eiusdem Corardi et conventus valde magnum. Super quo fidelitati dicti capituli idem dominus noster rex firmiter precipiendo mandasset, quatenus ipsorum mitterent hominem pro testimonio fide dignum, quo presente homo suus regius, infradeclarandus, scita premissorum mera veritate, evocaret prefatos magistros Petrum, alterum Petrum et Eberhardum contra annotatos abbatem et conventum palatinalem in presenciam ad terminum competentem racionem de premissis reddituros, litis pendencia, si qua foret inter ipsos, non obstante, prefatos populos et iobagiones ipsorum eisdem statuere committendo. Et post hec ipsarum inquisicionis et evocacionis seriem cum nominibus evocatorum et statuere commissorum terminoque assignato, dicto domino palatino more solito rescriberet capitulum prenotatum.||
Ipsum capitulum igitur preceptis ipsius domini nostri regis optemperans, una cum Thoma, filio Simonis de Chepan, homine regis eorum hominem, Nicolaum presbiterum ad premisssa peragenda pro testimonio transmisisset, qui exinde ad ipsum capitulum reversi eidem concorditer retulissent, quod ipsi in festo Beati Thome martyris, tunc in anno Domini millesimo quadringentesimo sexto preterito, [1406. dec. 29.] in comitatu Posoniensi simul procedendo ab omnibus, quibus decuisset nobilibus et ignobilibus ac alterius cuiusvis status eiusdem comitatus hominibus palam et occulte diligenter inquirendo, talem de premissis scivissent veritatem, quod omnia premissa et quevis premissorum singula sic, suo modo acta et perpetrata extitissent, quemadmodum tenor literarum regalium per omnia contineret predictarum, dempto certo numero et quantitate pecuniarum ablatarum. Factaque inquisicione, eodem die prefatos magistrum Petrum ac alterum Petrum et Eberhardum in possessione ipsorum Purk vocata, item annotatos abbatem et conventum Sancti Martini ad octavas festi Epiphaniarum tunc venturas [1407. jan. 13.] palatinalem evocassent in precenciam, prenotatos iobagiones et familiares eorundem eisdem statuere committendo, litis pendencia, si qua foret inter ipsos, non obstante.||
Ad quas quidem octavas festi Beati Georgii martyris Petrus Grofh de Sancto Georgio, alter Petrus, filius eiusdem et Eberhardus, filius Themel iunioris, annotatum procuratorem dictorum actorum in personis eorundem congruis ipsarum octavarum diebus expectati coram nobis, nostram in presenciam non venissent, neque misissent, nec prefatum Saphar eisdem statuere commissum statuissent, se pro eorum non venienciis in iudiciis consuetis et pro non statucione dicti iobagionis ipsorum in una marca mediantibus aliis literis nostris iudicialibus exinde confectis agravari permittendo. Postulans prefatus procurator dictorum actorum eisdem ex parte prefatorum in causam actorum per nos in premissis iuris equitatem impertiri. Et quia iidem in causam attracti ad premissa vice secundaria evocandi visi fuissent, pro eo amiciciam dicti capituli literatorie petivissemus diligenter, quatenus ipsorum mitterent hominem pro testimonio fide dignum, quo presente homo noster memoratos Petrus Grofh, alterum Petrum, filium eiusdem ac Eberhardum filium eiusdem Thumel (!) iunioris de Sancto Georgio in premissis perhemptorie responsuros racionemque efficaciter reddituros contra annotatum dominum Corardum abbatem et conventum Sancti Martini ad octavas festi Beati Iacobi apostoli tunc venturas [1407. aug. 1.] nostram evocaret in presenciam, prefatum Saphar, iobagionem eorundem ipsis statuere committendo. Et post hec ipsius evocacionis seriem cum nominibus evocatorum et statuere commissi ad easdem octavas nobis amicabiliter rescriberet capitulum supradictum.||
Ipsum itaque capitulum receptis dictis literis evocatoriis una cum Michaelo, filio Iohannis de Konthfalva, homine nostro, Clementem, chori clericum ad premissa exequenda pro testimonio transmisisset. Iidem exinde ad ipsum capitulum reversi concorditer retulissent, quod ipsi in festo Beate Margarette virginis, in dicto anno Domini millesimo quadringentesimo septimo predictarum (!) [1407. júl. 13.] prefatos Petrum dictum Grofh, alterum Petrum, filium eiusdem ac Eberhardum, filium iunioris Thumlini (!) in possessione eorum Cheterthek vocata ad premissa contra annotatos dominum Corardum et conventum Sancti Martini ad dictas octavas festi Beati Iacobi apostoli [1407. aug. 1.] nostam in presenciam evocassent, prefatum Saphar iobagionem ipsorum eisdem statuere commitendo.||
Ad quas tandem octavas festi Beati Iacobi apostoli prefati in causam atracti, per Paulum literatum, legitimum procuratorem dictorum actorum, congruis diebus ipsarum octavarum coram nobis expectati, nostram in presenciam non venissent, neque misissent, nec prefatum Saphar iobagionem eorum ipsis statuere commissum statuissent, sed se pro eorum non veniencia in iudiciis consuetis et pro non statucione dicti iobagionis ipsorum in una marca agravari premittendo.||
Quibus quidem literis exhibitis, prefatus procurator dictorum domini Iohannis ducis et conventus, eisdem iudicium per nos pecierat inpertiri. Et quia iidem Petrus, alter Petrus et Eberhardus ad premissa vice tercia evocandi visi fuerant, pro eo amiciciam dicti capituli literatorie pecieramus diligenter, quatenus ipsorum mitterent hominem pro testimonio fide dignum, quo presente homo noster infradeclarandus memoratum Petrum Grofh, alterum Petrum, filium eiusdem et Eberhardum, filium iunioris Themlini de Sancto Georgio in premissis perhemptorie responsuros, rationemque efficaciter reddituros ac de iudicio quadraginta marcarum nobis et parti adverse satisfacturos contra annotatos dominum Iohannem ducem et conventum Sancti Martini ad octavas festi Penthecostes tunc venturas [1409. jún. 2.] nostram evocaret in presenciam, prefatum Sapar (!) iobagionem eorundem eisdem statuere commitendo. Et post hec ipsius evocacionis seriem cum nominibus evocatorum et statuere commissi ad easdem octavas nobis amicabiliter rescriberet capitulum prenotatum.||
Tandem ipsis octavis instantibus, dominus Petrus prepositus pro ipsis domino duce et conventu cum procuratoriis literis eorundem in nostram veniendo presenciam, literas dicti capituli super ipsa evocacione rescripcionales nobis presentarat, in quibus per Nicolaum, filium Thome de Zab, nostrum et magistrum Philippum, dicti capituli homines feria sexta proxima post festum Ascensionis Domini tunc preteritum [1409. máj. 17.] memoratum Petrum dictum Grofh, alterum Petrum, filium eiusdem et Eberhardum filium iunioris Themlini de Sancto Georgio in facie porcionis ipsorum possessionarie in possessione Nemethsok habite ad premissa contra ipsos dominum Iohannem et conventum ad dictas octavas festi Penthecostes nostram in presenciam legitime evocatos extitisse conperieramus seriose. Ad quas quidem octavas [1409. jún. 2.] prefati Petrus et alter Petrus per annotatum procuratorem dictorum actorum in personis eorundem congruis diebus ipsarum octavarum coram nobis expectati nostram in presenciam non venerant, neque miserant, nec dicta iudicia nobis et parti adverse persolvere debentes persolverant, neque prefatum iobagionem eorum eisdem statuere commissum statuerant, se pro eorum non venienciis in iudiciis consuetis et pro non solucione dictorum iudiciorum in dupplo eorundem ac pro non statucione dicti iobagionis eorum in una marca mediantibus literis nostris iudicialibus exinde confectis convinci permittendo. Postulans prefatus procurator dictorum actorum eisdem ex parte prescriptorum in causam atractorum per nos in premissis iuris equitatem impertiri. Et quia iidem in causam atracti adhuc ad premissa in tribus foris comprovincialibus proclamandi fore visi fuerant, pro eo amiciciam ipsius capituli literatorie pecieramus diligenter, quatenus ipsorum mitterent hominem pro testimonio fide dignum, quo presente homo noster infadeclarandus memoratum Petrum dictum Grofh et alterum Petrum, filium eiusdem in premissis perhemptorie responsuros racionemque efficaciter reddituros ac de iudiciis sextaginta sex marcarum ac unius floreni novi et triginta trium denariorum nobis et parti adverse satisfacturos, contra prescriptos dominum ducem et conventum ad octavas festi Beati Iacobis apostoli tunc venturas [1409. aug. 1.] in tribus foris conprovincialibus publice et manifesta nostram faceret proclamari in presenciam, prefatum iobagionem eorum eisdem statuere committendo, insinuando ibidem, ut si venirent et se de premissis bono modo emendarent, de dictisque iudiciis nobis et parti adverse satisfacerent, bene quidem, alioquin non obstante ipsorum absencia et rebellione finem faceremus causa in premissa, prout dictaret ordo iuris. Et post hec ipsius trineforensis proclamacionis seriem cum nominibus proclamatorum et statuere commissi ad easdem octavas nobis amicabiliter rescriberet capitulum supradictum.||
A quibus quidem octavis festi Beati Iacobi apostoli, dum prescripta causa partes inter easdem secundum series literarum nostrarum prorogatoriarum primo de ipsarum parcium voluntate ad octavas festi Beati Michelis archangeli tunc venturas [1409. okt. 6.] et abhinc cum iudicio trium marcarum per ipsos in causam atractos deponendo eo quod Andreas, filius Petri Elewtheied, legitimus procurator eorundem in causam atractorum tunc causa in premissa non responderat et nec dicta iudicia nobis et parti adverse persolvere posse indicarat, ad octavas festi Epiphaniarum Domini proxime preteritas [1410. jan. 13.] duabus partibus dictorum iudiciorum dupplum cum dupplo, tercia vero parte eorundem similiter duplum capientibus prorogative devenissent. Demumque ipsis octavis festi Epiphaniarum Domini instantibus frater Petrus prepositos pro ipsis domino Iohanne et conventu cum procuratoriis literis eiusdem conventus in nostram veniendo presenciam, literas ipsius capituli super ipsa trinaforensi proclamacione rescriptas nobis presentarat, in quibus prenotatos magistrum Petrum dictum Grofh de Szentgywrgh et alterum Petrum, filium eiusdem per Nicolaum, filium Thome de Zab nostrum et Iohannem clericum, eiusdem capituli homines primo feria quarta ante festum Divisionis Apostolorum, proxime preteritum [1409. júl. 10.] in villa Zerdahely ac secundo feria sequenti [1409. júl. 11.] in civitate Posoniensi, tercioque sabbato succedenti [1409. júl. 13.] in villa Marie, tribus scilicet foris conprovincialibus, locis et terminis in eisdem celebrare consuetis ad premissa, item annotatos dominum Iohannem et conventum ad dictas octavas festi Beati Iacobi apostoli [1409. aug. 1.] nostram in presenciam legitime proclamatos fuisse conperieramus seriose, dictum Safar eisdem statuere committendo.||
Ad quas quidem octavas festi Epiphaniarum [1410. jan. 13.] prefati magister Petrus Grofh et alter Petrus, filius suus per predictum Petrum prepositum congruis diebus ipsarum octavarum coram nobis expectati nostram in presenciam non venerant, neque miserant, nec statuerant iobagionem ipsorum prenotatum et nec persolverant iudicia antedicta, se amplius convinci permittendo. Dehinc prefatus procurator ipsorum domini Iohannis et conventus prescriptam possessionem Mysser vocatam et aliam possessionem Tarch nominatam pro quinquaginta marcis denariorum, emenda scilicet capitis condam comitis Thumel de dicto Sancto Georgio, fratris carnalis dicti magistri Petri ac tercia parte estimacionis cunctorum iurium possessionariorum ipsius condam comitis Thumel, item iudiciis duarum marcarum, in quibus dictus Petrus Grofh senior fuisset convictus, cum omnibus suis utilitatibus et pertinenciis quibuslibet dicto conventui Sancti Martini Sacri Montis Pannonie contradiccione quorumlibet non obstante statutas extitisse, exhibicionibus quarundam literarum duarum, unius scilicet nostre occupatorie, hic Bude tricesimo die octavarum diei Medii Quadragesime [1406. ápr. 22.] et alterius capituli ecclesie Iauriensis exinde rescripcionalis tercio die ferie sexte proxime post festum Nativitatis Beate Virginis omnino in anno Domini millesimo quadringentesimo sexto [1406. szept. 12.] subortarum conprobans, eisdem domini Iohanni et conventui iuris equitatem in premissis per nos pecierat impertiri. Verum quia prefati magister Petrus Grofh et alter Petrus, filius suus pro premissa potenciaria exclusione officialium et familiarium predictorum domini Corardi abbatis et conventus de domino dicte possessionis Mysser, prefato conventui legitime statute, irrogari eciam faccione aliorum factuum potenciariorum prenarratorum per predictos famulos et iobagiones eorum dictis abbati et conventui ordine, quo supra, fieri procuratis contra ipsos abbatem ducem et conventum tribus vicibus evocati quartoque et ultimo, contumacia eorum requirente, in tribus foris conprovincialibus ad terminos prefixos proclamati ad nullum eorundem terminorum ipsis iuridice assignatorum, immo ultimati ad dictas octavas festi Epiphaniarum Domini se in premissis racionabiliter emendaturi nostram in presenciam venire vel mittere non curarant, sed se in eorum culpabilitatis indicium a facie iuris et terminis in predictis penitus absentarant, pro eo nolentes ipsorum magistri Petri Grofh et Petri, filii sui huiusmodi actus potenciarios inpune pertransire, ne alii ab ipsis exemplati ad similia perpetranda se opponere presumpmerent, sed pocius eorum pena ceteris transiret in exemplum, eosdem magistrum Petrum Grofh et Petrum, filium suum pro premissis eorum potenciariis actibus contra ipsos dominum ducem et conventum in factis potencialibus ex eoque in sentenciis capitalibus amisioneque cunctorum iurium ipsorum possessionariorum rerumque et bonorum eorum, quorumlibet ipsos proprie contingencium in duabus partibus nostris iudiciariis, in tercia vero parte dicte partis adverse manibus devolvendorum et redundendorum auctoritate nostra iudiciaria mediante convictos atque agravatos extitisse decernentes dictamque possessionem Mysser ipsi conventui restatuere committentes, amiciciam prescripti capituli literatorie pecieramus diligenter, quatenus ipsorum mitterent hominem pro testimono fide dignum, quo presente homo noster de curia regia ad id specialiter transmissus, ad faciem prescripte possessionis Mysser vicinis et commetaneis suis universis inibi legitime convocatis et presentibus accedendo, eandem cum omnibus suis utilitatibus et pertinenciis quibuslibet restatueret ipsis domino duci et conventui possidendam, contradiccione quorumlibet non obstante. Et his habitis ad superficies cunctorum iurium possessionariorum eorundem magistri Petri Grofh et Petri filii sui propriorum, intra ambitum regni ubique existencium, convocatis commetaneis et vicinis eorundem ac filiis, fratribus et generacionis eorundem convictorum hominibus presentibus accedendo, ipsa, exclusis porcionibus quorumlibet aliorum de eisdem, habita prius legitima reambulacione et congrua estimacione eorundem, in duabus partibus nostris iudiciariis, in tercia vero parte dictorum domini ducis et conventus partis scilicet adverse manibus applicaret tam diu per nos et ipsam partem adversam possidenda, tenenda et habenda, donec per eos, quorum redempcioni competeret, in eorum legitima estimacione redimerentur; illis autem, qui dicta iura occupata a nobis et dicta parte adversa redimere velle asserent, ad assumpmendum terminum redempcionis eorundem pro termino coram nobis conparendi octavas festi Beati Georgii martyris tunc venturas [1410. máj. 1.] daret et deputaret. Et post hec ipsius possessionarie restatucionis et occupacionis seriem cum nominibus ipsa iura occupata se redimere velle asserencium ad dictas octavas nobis amicabiliter rescriberet capitulum prenotatum.||
Tandem ipsis octavis festi Beati Georgii martyris instantibus, prefatus Petrus prepositus pro annotatis domino Iohanne duce, gubernatore et conventu ecclesie Sancti Martini Sacri Montis Pannonie cum procuratoriis literis eiusdem conventus in nostram veniendo presenciam, literas dicti capituli super premissis rescripcionales nobis presentavit declarantes, quod ipsum capitulum una cum magistro Blasio de Gench, notario nostro, magistrum Gregorium, canonicum ipsorum, hominem ad premissa peragenda pro testimonio transmisisset, qui reversi uniformiter retulissent, quod ipsi in festo Beati Georgii martyris proxime tunc preterito [1410. ápr. 24.] ad faciem possessionis Mysser vocate, convocatis vicinis et commetaneis, accedendo eandem cum cunctis suis utilitatibus et pertinenciis quibuslibet, contradiccione quorumlibet non obstante, dicto domino Iohanni duci et conventui restatuisset. Et his habitis, sequenti die ad superficiem porcionis possessionarie Petri Grofh de Sancto Georgio et Petri, filii sui in possessione Lacpaka habita quator curias populosas cum allogio (!) magistri Petri predicti, postea in facie possessionarie porcionis eorundem in Eghazakwrth quatuor curias populosas, item in Keralkwrth quinque curias populosas et quatuor desertas, item in possessione Nyarasd viginti duas curias iobagionenales ac decem desertas reperissent, quarum duas partes pro nobis, terciam autem partem earundem pro ipsis domino duce et conventu statuissent, terras autem earundem possessionum et porcionum possessionarium simul cum rubetis, silvis visu considerando ad sex aratra regalis mensuere estimassent. Et cum ad occupandum alia iura possessionaria eorundem Petri Grofh et Petri, filii sui, convictorum accedere voluissent, idem Petrus Grofh occupare non permisisset et sic ipsi propter metum ipsius Petri Grofh premissa exequi non valuissent.||
Quibus quidem literis relacionis presentatis, quia ex serie earundem prefatus Petrus Grofh non advertendo hoc, quod prescripto onere facti potencialis fuerit innodatus, premissam nostram commissionem malum malo superaddendo ad effectum deducere non premisse reperiebatur, nunc eciam, videlicet tempore reportacionis seriei premissorum, dictas possessiones Tarch et Mysser redempturus nemo aparuit, et ne igitur ipse et dictus Petrus, filius suus, in premissis sibi commodum reportasse senciant, prescriptas possessiones Mysser et Tarch vocatas preallegato conventui pro presciptis quinquaginta marcis homagialibus terciaque parte estimacionis cunctorum iurium possessionarium prefati quondam Temel senioris statutas, sicuti pro eisdem oneribus sic et pro aliis oneribus in preallegatos Petrum Grofh et alterum Petrum, filium suum ordine, quo supra, acumulatis, centum scilicet marcis homagialibus ac tercia parte estimacionis universorum iurium eorundem utrorumque Petri possessionarium intra ambitum dicti regni habitorum propriorum relinquimus et committimus dicto domino duci, gubernatori conventique antedicto titulo pignoris tenere et habere auctoritate nostra iudiciaria mediante. Datum Bude quinquagesimo die octavarum festi Beati Georgii martyris predictarum anno Domini millesimo quadringentesimo decimo. [1410. jún. 19.]||
[Külzetén:] Amicis suis reverendis capitulo ecclesie Posoniensis pro domino Iohanne duce gubernatoreque abbacie ecclesie Sancti Martini Sacri Montis Pannonie et conventu loci eisdem super quadam possessionaria restitucione, occupacione, rerumque et bonorum ablacione per nostrum et vestrum homines modo intrascripto fiendis et ad octavas festi Beati Georgii martyris ad iudicem.