Charter: Pannonhalma, Bences - Capsarium (1000-1526) 1412 VII 08
Signature: 1412 VII 08
Add bookmark
Edit charter (old editor)
8. Juli 1412
Zsigmond király a béli apátság bírságait, törvénykezési terheit elengedi s az ország bíróinak meghagyja, hogy minden az apátság ellen indított vagy indítandó pert azon időre halasszanak, mikor az apátságnak kánonszerűleg választott apátja lesz. Current repository:
PannH OSB
PannH OSB
- notes extra sigillum:
- 207590
Relatio magistri Benedicti de Sachalker.||
Sigismundus, Dei gratia Romanorum rex semper augustus ac Hungarie etc. rex, fidelibus nostris et magnificis viris palatino et iudici curie nostre, ipsorumque vices in iudicatu gerentibus, cunctis etiam aliis regni nostri iudicibus et iusticiariis tam ecclesiasticis, quam secularibus cuiuscumque dignitatis et condicionis existant, quibus presentes ostendentur salutem et gratiam. Cum nos universas et singulas causas seu litium materias primum inter religiosos viros abbates ecclesie seu monasterii Sancti Mauricii de Beel, predecessores scilicet reverendissimi in Christo patris domini Andree, archiepiscopi Spalatensis, legum doctoris ac gubernatoris et comendatoris (!) dicte abbatie Sancti Mauricii de Beel et consequenter eundem dominum archiepiscopum et iobagiones eiusdem monasterii et nonnullos regnicolas nostros ecclesiasticos et seculares ab alia partibus ratione cuiuscumque actionis facti seu debiti aut solutionis iudiciorum gravaminum seu birsagiorum tam iudiciariam quam partis adverse quomodolibet portiones tangentium coram vobis seu altero vestrum motas et movendas tamdiu, quousque eidem monasterio de legitimo abbate canonice providebitur, ex certe nostra scientia et de regie potestatis plenitudine vigore presentium duxerimus prorogandas consuetudinibus regni nostri, si que fortassis harum in contrarium possent allegari, non obstantibus in hac parte. Igitur vestre universitati et cuilibet vestrum fidelitati firmo et preciso mandamus regio sub edicto, quatenus agnitis presentium continentiis universas et singulas causas premissas simul cum omnibus earum dependentiis et connexis ratione cuiuscumque rei seu facti aut actionis et debiti vel solutionis et birsagiorum et aliorum quorumcumque coram vobis seu altero vestrum actenus motas et vertentes seu movendas et vertendas ad tempus prefixum absque omni gravamine et variatione aliquali prorogare et differre debeatis. Aliud, prout nostram gratiam graviter offendere formidatis facere non ausuri in premissis. Presentes etiam post earum lecturam semper reddi iubemus presentanti. Datum Bude feria sexta proxima ante festum Beate Margarite virginis et martiris, anno Domini millesimo quadringentesimo duodecimo, regnorum nostrorum anno Ungarie etc. XXV., Romanorum vero secundo. [1412. júl. 8.]
Sigismundus, Dei gratia Romanorum rex semper augustus ac Hungarie etc. rex, fidelibus nostris et magnificis viris palatino et iudici curie nostre, ipsorumque vices in iudicatu gerentibus, cunctis etiam aliis regni nostri iudicibus et iusticiariis tam ecclesiasticis, quam secularibus cuiuscumque dignitatis et condicionis existant, quibus presentes ostendentur salutem et gratiam. Cum nos universas et singulas causas seu litium materias primum inter religiosos viros abbates ecclesie seu monasterii Sancti Mauricii de Beel, predecessores scilicet reverendissimi in Christo patris domini Andree, archiepiscopi Spalatensis, legum doctoris ac gubernatoris et comendatoris (!) dicte abbatie Sancti Mauricii de Beel et consequenter eundem dominum archiepiscopum et iobagiones eiusdem monasterii et nonnullos regnicolas nostros ecclesiasticos et seculares ab alia partibus ratione cuiuscumque actionis facti seu debiti aut solutionis iudiciorum gravaminum seu birsagiorum tam iudiciariam quam partis adverse quomodolibet portiones tangentium coram vobis seu altero vestrum motas et movendas tamdiu, quousque eidem monasterio de legitimo abbate canonice providebitur, ex certe nostra scientia et de regie potestatis plenitudine vigore presentium duxerimus prorogandas consuetudinibus regni nostri, si que fortassis harum in contrarium possent allegari, non obstantibus in hac parte. Igitur vestre universitati et cuilibet vestrum fidelitati firmo et preciso mandamus regio sub edicto, quatenus agnitis presentium continentiis universas et singulas causas premissas simul cum omnibus earum dependentiis et connexis ratione cuiuscumque rei seu facti aut actionis et debiti vel solutionis et birsagiorum et aliorum quorumcumque coram vobis seu altero vestrum actenus motas et vertentes seu movendas et vertendas ad tempus prefixum absque omni gravamine et variatione aliquali prorogare et differre debeatis. Aliud, prout nostram gratiam graviter offendere formidatis facere non ausuri in premissis. Presentes etiam post earum lecturam semper reddi iubemus presentanti. Datum Bude feria sexta proxima ante festum Beate Margarite virginis et martiris, anno Domini millesimo quadringentesimo duodecimo, regnorum nostrorum anno Ungarie etc. XXV., Romanorum vero secundo. [1412. júl. 8.]
Comment
Eredeti
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}