Relatio magistri Benedicti de Sachalker.||
Nos Sigismundus, Dei gratia Romanorum rex semper augustus etc. ac Hungarie etc. rex, memorie conmendamus, quod tum ex solita regia liberalitatis gratia, tum etenim ad humilime supplicationis instantiam fidelis nostri devoti, dilecti consiliarii, reverendissimi in Christo patris domini Andree, archiepiscopi Spalatensis, legum doctoris, gubernatorisque ac comendatoris (!) abbatie Sancti Mauricii de Beel, ordinis Sancti Benedicti, per ipsum nobis super inde subiective oblatam universa birsagia et quevis iudiciorum gravamina, in quibus sui predecessores, ut puta abbates dicti moriasterii de Beel et per consequens ipse coram quibusvis iudicibus et iudiciariis regni nostri contra quoscunque usque hodiernum diem quomodolibet fuissent et essent convicti et agravati, portionem iudiciariam dumtaxat tangentia, eidem domino archiepiscopo et dicto monasterio gratiose duximus relaxanda, imo relaxamus et liberaliter remittimus presentium testimonio mediante. Quocirca vobis fidelibus nostris magnificis viris palatino et iudici curie nostre, vestrasque vices in iudicatu gerentibus et signanter birsagiorum seu iudiciorum gravaminum exactoribus tam nostris, quam aliorum quorumcumque presentibus et futuris presentium notitiam habituris firmiter edicentes mandamus, quatenus prefatum dominum Andream archiepiscopum, gubernatoremque ac comendatorem abbatie antedicte, nec non iobagiones et homines, resque et bona eiusdem abbatie ad cuiusvis instantiam pretextu premissorum birsagiorum per nos ut supra gratiose relaxatorum intra vel extra iudicium impedire, molestare et quovis modo agravare ac dampnificare nequaquam presumatis, nec sitis ausi modo aliquali nostre gratie sub optentu. Presentibus post earum lecturam exhibenti semper restitutis. Datum Bude, feria sexta proxima ante festum Beate Margarete virginis et martiris, anno Domini millesimo quadringentesimo duodecimo, regnorum nostrorum ano (!) Hungarie etc. XXV-to, Romanorum vero secundo. [1412. júl. 8.]