Serenissimo principi domino Sigismundo, Dei gratia Romanorum regi ... etc., capitulum Wesprimiensis orationes in Domino debitas et devotas. Noverit celsitudo, quod, cum nos honore, quo decuit, receptis litteris magnifici viri comitis Stephani Kompolth de Nana, iudicis curie vestre, adiudicatoriis formam iudicarie sue conmissionis in se exprimentibus pro patte Elye, filii Andree de Nozlop actoris ab una ac religiosi viri domini fratris Michaelis, abbatis ecclesie de Beel, in causam atracti loquentibus, nobisque amicabiliter directis iuxta earumdem continentiam una cum magistro Paulo de Pernez, curie vestre notario, homine vestro de curia vestra per ipsum comitem Stephanum ad infrascripta specialiter, deputato, nostros homines, videlicet Matheum, chori ecclesie nostre clericum pro parte dicti actoris et magistrum Andream, socium et concanonicum nostrum, pro parte dicti in causam atracti ad ea, que iudicis litteris adiudicatoriis continentur, nostris pro testimoniis duxissemus destinandos: tandem iidem exinde ad nos reversi nobis uniformiter retulerunt, quod ipsi vigesimo quinto die festi Beati Michaelis archangeli proxime preteriti [1423. okt. 23.] et aliis diebus ad id sufficientibus ad faciem dicte possessionis Nozlop vocate vicinis et conmetaneis suis universis inibi legitime convocatis et prefato Elya, filio Andree, personaliter ac dicto domino Michaele, fratre abbate ecclesie Beel, similiter personaliter adherentibus presentibus accedendo primo portionem possessionariam annotati Elye, filii Andree et fratrum suorum per iudiciariam et diffinitavam sententiam [prefate vestre] serenitatis ab ipsis alienatam cum omnibus suis utilitatibus et pertinentiis eidem Elye et fratribus suis, quibus congruisset, eorumque heredibus, prout in quodam registro per vestrum et nostros homines nobis presentato videmus contineri, hoc modo et ordine restatuissent et conmisissent iure cis incombenti (!) perpetuo possidendam; et tandem ibidem in possessione palatinali ac aliis villis circumiacentibus cunctorum sessiones populates mediocri statu habentes et terram singulorum aratris mediocri usu et moderamine arantium et feneta et silvam ad sessiones singulares uti et frui solitorum revidissent, conspexissent et examinassent; quibus revisis et examinatis portionem dicte ecclesie de Beel in eadem Nozlop habitam, puta in locis sessionalibus pro octo aratoribus octo sessiones in ea parte, ubi ante inchouationem (!) presentis litis ipsa ecclesia de Beel loca sessionum pacifice possedisset ad quantitatem aliarum sessionum inibi in vicinitate mediocri qualitate adiacentium ac terram aratrorum usualium adinstar aliorum circumiacentium iobagionum singulis aratris mediocri usu arantium, videlicet centum et sexaginta iugera, ad quodlibet aratrum quadraginta, fenilia autem ad singulas sessiones quinque falcastra, prout alii similiter iobagiones viciniores utuntur et fruuntur, semper tamen mensura usuali et non regali, silvam autem usualem et permissionaliter pacificam apud manus dicti domini abbatis repertam et inventam integraliter predictis octo aratoribus seu sessionibus mediocri usu sufficientem semper tamen a parte occidentali circa metas possessionis Merete ad meridionalem et orientalem partes mensurando et signis sequestrando prefato domino fratri Michaeli, abbati ecclesie de Beel, dictas autem octo sessiones et terras arabiles cum dicta pacifica portione dicte ecclesie conplere nequivissent, sed deficientiam eorumdem cum portione dicte Elye et fratrum suorum conplevissent, de feneto autem apud manus ipsius domini abbatis habito unam particulam superfluam reperissent,et eandam similiter sequestrando eidem Elye et fratribus suis reliquissent et conmisissent perpetuo possidendam contradictione ipsarum partium et aliorum quorumlibet non obstante. Datum sexto die diei prelibati vigesimi quinti diei annotati festi Beati Michaelis archangeli, anno Domini millesimo quadringentesimo vigesimo secundo. [1423. okt. 28.]