Nos conventus monasterii Sancti Benedicti de Iuxtagron memorie conmendamus, quod religiosus vir frater Petrus, presbiter monasterii Sancti Mauritii martiris de Beel, pro religioso viro fratre Michaele, abbate de eadem Bel (!), cum litteris procuratoriis honorabilis conventus monasterii Sancti Martini Sacri Montis Pannonie ab una, parte vero ab altera providus vir Gallus, theloniator de Foro Dominarum alio nomine Bath vocate in personis omnium civium predicte civitatis Baath (!) alio nomine Forum Dominarum coram nobis personaliter constituti per prefatum fratrem Petrum confessum extitit oraculo vive vocis isto modo, quod ipse theloneum sive tributum in eadem civitate Baath habitum ad ipsum dominum fratrem Michaelem abbatem et ad monasterium suum predictum Bel de iure pertinentem (!) pro conservatione anuali (!) in decem et septem florenorum puri auri, videlicet in festo Sancti Michaelis archangeli proxime venturo [1426. szept. 29.] eidem domino fratri Michaeli abbati et suo monasterio solvere debeant et teneantur. Si autem solvere nollent vel non possent, ex tunc ipsi cives de Bath contra eundem dominum fratrem Michaelem abbatem de Beel in duplo convinci debeant et convincantur in eo facto, quod idem Gallus theloniator in personis omnium civium est confessus vigore presentium mediante. Datum secundo die festi Sancte Elyzabeth vidue, anno Domini millesimo quadringentesimo vigesimo quinto. [1425. nov. 20.]