Nos Michael Anios de Fayz, castellanus castri Wesprimiensis ac vicecomes et iudices nobilium comitatus Wesprimiensis damus pro memoria, quod iuxta nostram adiudicationem Paulus, filius Francissi, de Segwar, Ladislaus et Thomas, filius Iohannis, filii Laurentii, de Chekveh ac Briccius Sykwsd de Koronchal et Blasius de Ech contra religiosum virum dominum fratrem Michaelem, abbatem de Beel, super eo, ut Andreas filius Nicolai litterati, Georgius, Gregorius, filii Mauritii, Michael dictus Mood, Thomas, filius Iohannis et Iohannes, filius eiusdem Thome de Bogdan iobagiones ipsorum Pauli, Ladislai et Thome in festo Nativitatis Beati Iohannis Baptiste [1429. jún. 24.] ex conmissione et mandato prescriptorum Pauli, Ladislai, Thome ac instigante et consilio Briccii Sikws (!) et Blasio de Ech prenominatorum manibus armatis et potentiariis ad possessionem ipsius domini abbatis Polyan appellatam non irruissent, ibique Demetrium sartorem in eadem Polyan iobagionem ipsius domini miserabili nece non interemissent, quintodecimo die festi Passce Domini nunc affuturo [1430. ápr. 30.] coram nostro testimonio per nos ad id eisdem deputando hic in Vasarhel quilibet eorum vigesimo quinto se sibi similibus sacramentum prestare debeant et teneantur. Item die in eodem [1430. ápr. 30.] prefati Andreas, filius Nicolai litterati, Georgius, Gregorius, filius Mauricii, Michael dictus Mood, Thomas, filius Iohannis et Iohannes, filius eiusdem Thome de Bogdan, quilibet eorum vigesimo se super eo, ut ipsi in predicto festo Nativitatis Beati Iohannis Baptiste [1429. jún. 28.] ex conmissione prenominatorum Pauli, Ladislai et Thome ac instigatione et consilio predictorum Bricctii Sykws et Blasii manibus armatis et potentiariis ad prescriptam possessionem Polyan non venissent seu non transivissent, ibique Demetrium sartorem, iobagionem eiusdem domini abbatis miserabili nece non interemissent in preiudicium ipsius domini abbatis, sacramentum prestare debeant et teneantur sub tali dispositione, ut unus penes alium iurare non valeat.||
Item vice secundaria prefati Paulus, Ladislaus et Thomas, filii Iohannis, filii Laurentii, de Chekweh ac Briccius Sykwsd de Koronchal et Blasius de Ech super eo, quod, dum feria quinta proxima post predictum festum Nativitatis Beati Iohannis Baptiste [1429. jún. 30.] Bartholomeus et Anthonius officiales ac Thomas villicus de opido (!) Vasarhel in libera via domum proficissci voluissent et ad possessionem Bogdan pervenissent, tunc Blasius de Ech, Sebastianus dictus Zewre de Lerenthe, Mathias, filius Iohannis, Dominicus sartor, Iohannes, filius Nicolai, Laurentius Kazdagh, Petrus, filius Andree, Benedictus, filius Gregorii, Fabianus, Andreas villicus Damianus, filius eiusdeni, Mathe, filius Benedicti, Georgius dictus Dobay, Iacobus carnifex, Andreas, filius Georgii, Anthonius, filius Blasii, Iohannes, filius Petri, Stephanus, Thomas, Petrus, Bechen, Iohannes, filius Georgii, faber dictus Thukus, Dominicus Pinther Nicolaus Bako, Petrus similiter Bako, Franciscus, filius eiusdem, Petrus, Thomas dictus Lewkws, Georgius, Michael, filius Laurentii, Nicolaus faber, Emericus dictus Kadagh (!), alter Emericus, filius eiusdem, Iohannes, filius Mathie, Stephanus villicus, Iohannes, filius Francisci, Petrus frater eiusdem, Gregorius, Andreas, filius Nicolai, Walentinus, filius Nicolai et Vincentius, filius Mauritii, iobagiones ipsorum Pauli, Ladislai et Thome in prefata possessione Bagdan coninorantes, iidem Paulus, Ladislaus et Thomas ex consensu et instigatione prefati Briccii Sykws super ipsos Bartholomeum, Anonium (!) et Thomam insurgere non fecissent, equos ipsorum cum ipsis recipere et abduci et ipsos morti tradere non fecissent et pluribus ictibus sagitarum, bicellorum et securium pertractare non fecissent vigesimo quinto die festi Beati Georgii martiris [1430. máj. 18.] hic in opido Vasarhel coram eodem nostro testimonio quilibet eorum vigesimo quinto se nobilibus sacramentum prestare debeant et teneantur; item die in eodem [1430. máj. 18.] universi et singuli iobagiones prefatorum Pauli, Ladislai et Thome in possessione ipsorum Bagdan conmorantes quilibet eorum vigesimo se super eo, ut ipsi feria quinta proxima post predictum festum Nativitatis Beati Iohannis Baptiste [1429. jún. 30.] dum Bartholomeus, Anthonius, Thomas, villicus de opido Vasarhel in libera via domum venire voluissent, tunc ipsi manibus armatis et potentiariis super ipsos non irruissent et equos ipsorum ab ipsis more predonico non recepissent et abduci non fecissent, ictibusque sagittarum, bicellorum, securium contra ipsos non fulminassent et ipsos morti tradere noluissent in preiudicium ipsius abbatis coram nostro testimonio sacramentum prestare debeant et teneantur.||
Item religiosus vir dominus frater Michael, abbas de Beel, contra Paulum, filium Francissci, de Segwar super eo, ut, dum Georgius dictus Cher, iobagio ipsius Pauli de Bogdan conmorans feria quinta proxime post festum Nativitatis Beati Iohannis Baptiste in anno pro tunc proximo preterito [1429. jún. 30.] de opido Vasarhel versus propria proficisci voluisset, tunc Marcus, Anianus, Lampertus villicus, Georgius sclavus, Georgius, Blasius, Fabianus, Egidius faber, Iohannes Cassa, Ladislaus, Blasius Pinter, Iohannes, filius Anthonii, Georgius, filius Benedicti, Georgius villicus, Stephanus Parvus, Benedictus, Gregorius Vissy, Gregorius, filius Emerici de Polyan, item Matheus villicus, villicus Lucas, Dominicus, Anthonius, filius Benedicti, Lampertus, filius Nicolai, Iohannes, filius Valentini, Anthonius iudex, Iohannes, Thomas dictus Thoth, Thomas sartor, Petrus filius Gregorii, Iacobus Parvus, Nicolaus Beby et Michael sclavus de Bursud iobagiones ipsius domini abbatis super ipsum Georgium irrui non fecisset et ipsum diris verberibus et vulnerum plagis affici non fecisset, octavo die festi Penthecostes [1430. jún. 11.] in suo monasterio et suo stallo sola sua in persona sacramentum prestare debeat et teneatur et duo nobiles, videlicet sui coniuratores octavo die diei iuramentalis depositionis [1430. jún. 18.] ipsius domini abbatis in opido Vasarhel, universique et singuli iobagiones in possessionibus Polyan et Bursud conmorantes, quilibet eorum sexto se sibi similibus super eo, ut ipsi feria quinta proxima post festum Nativitatis Beati Iohannis Baptiste tunc preterito, [1429. jún. 30.] (cum) versus propria in libera via proficissci habuisset super ipsum Georgium non irruissent, verbis illicitis et vituperosis ac vulnerum plagis non afficissent (!), in possessione Bagdan providas dominas pectoribus equorum ex consortibus iobagionum suorum hinc inde trucidari et verbis illicitis potentialiter non pertractassent in preiudicium ipsius Pauli, sacramentum prestare debeant et teneantur tali modo, ut unus penes alium iurare non possit, aut valeat.||
Item idem dominus Michael abbas octavo die diei iuramentalis depositionis [1430. jún. 25.] iobagionum ipsius domini abbatis de Polyan et Bursud super facto tricentenorum (!) florenorum puri auri dampnorum per ipsum Paulum filium Franscissci et Fabianum Zewre iobagionem suum sepissime illatas et factas (!) in suo monasterio et stallo sola sua in persona coram homine nostro pro decim (!) marcis sacramentum prestare debeat et teneatur, ceterique nobiles, videlicet sui coniuratores octavo die diei iuramentalis depositionis [1430. júl. 1.] eiusdem domini abbatis hic in Vasarhel coram eodem nostro testimonio, iuratores videlicet ipsius domini abbatis, si idem dominus abbas illos tricentos florenos puri auri in toto aut minus habere voluerit, quilibet nobilis cum suo iuramento unam marcam recipere valeat et teneatur.||
Item etiam feria quinta proxima post festum Conversionis Beati Pauli apostoli [1430. jan. 26.] iudicantes conmisimus eo modo, ut idem Paulus, filius Francissci, de Segwar iuxta fassionem Georgii litterati de Choltha et Thome Parvi de Kapulch quintodecimo die ferie quinte proxime post festum Conversionis Beati Pauli apostoli [1430. febr. 9.] coram nobis hic in Vasarhel equum Thome villici de Bursud iobagionis ipsius domini abbatis, si in specie valuerit, tum Fabiano dicto Zewre reddere et restituere teneatur; si autem in specie ipsum equum tum eidem Fabiano reddere et restitui facere non potuerit, ex tunc estimationem equi propememorati cum denariis absque iuramento ipsius Thome eidem idem Paulus reddere et restituere faciat; ipseque Thomas de Bursud pro suo dampno iuxta estimationem equi sui cum suis iuratoribus die in eodem quantum habere voluerit, recipere debeat et teneatur. Datum in Vasarhel feria quinta proxima post festum Conversionis Beati Pauli apostoli, anno Domini millesimo, quadringentesimo tricesimo. [1430. jan. 26.]