Serenissimo principi domino Sigismundo, Dei gracia Romanorum imperatori semper augusto ac Hungarie, Bohemie, Dalmacie, Croacie etc. regi, domino ipsorum metuendo conventus Sancti Martini Sacri Montis Panonie oraciones in Domino debitas ac devotas. Vestra noverit serenitas, quod cum nos receptis litteris vestris annualibus sigillo vestro consignatis pro religioso viro, domino fratre Michaele, abbate ecclesie de Beel conventuique loci eiusdem ad inquisiciones, evocaciones, prohibiciones, necnon ad omnia alia, que talibus in processibus iuxta regni vestri consuetudinem de iure fieri consueverunt facienda per anni circulum generaliter datis et graciose concessis nobisque preceptorie transmissis, iuxta earundem continenciam una cum Michaele de Nema, homine vestro inter alios homines vestros litteris vestris in eisdem conscriptos nominaliter expresso nostrum hominem, videlicet fratrem Damianum sacerdotem, unum ex nobis ad infra scriptam inquisicionem faciendam duxissemus destinandum, qui tandem exinde ad nos reversi nobis concorditer retullerunt, ut ipsi secundo die festi Assumpcionis Virginis gloriose proxime preteritum in comitatu Wesprimiensi procedendo ab omnibus, quibus decens et opportunum fuisset, nobilibus videlicet et ignobilibus ac alterius status et condicionis dicti comitatus hominibus palam et oculte diligenter de subscriptis talem scivisset veritatem, quod Georgius de Vsal, Stephanus de Zerchek, Georgius de Kolcha, Lorandus de Kysfalud, Bartholomeus de eadem, Nicolaus de Koltha, Dominicus dictus Thanbo, Nicolaus de Hollos, Georgius de Sumpach familiares, Petrus Sclavus, Symon, Anthonius, Stephanus Sclavus, Blasius, Gregorius Sartor, Benedictus Swba, Petrus filius Thome, Anthonius filius Mathie, Nicolaus, Iohannes Fekethew, Laurencius, Stephanus filius eiusdem in Debrenthe, Dominicus Carpentarius, Marcus, Blasius, Benedictus, Matheus Estergar, Gregorius, Iohannes, Petrus Carpentarius, Colomanus in Iako possessionibus commorantes, iobagiones nobilis domine relicte ac magistri Thome, Base et Ladislai filiorum condam Benedicti de Debrenthe ex commissione et mandato ipsorum domine relicte ac magistri Thome Blase et Ladislai, feria secunda proxima post festum Francisci confessoris tunc preteritum manibus armatis et potenciariis ad possessionem ipsorum domini abbatis et conventus Ganna apellatam iruendo super domos Anthonii et Alberti iobagionum ipsorum iruendo ipsos acriter et dire verberassent et duos boves ipsorum recepissent, ad Debrenthe deportassent; eo non contenti prefati domina relicta ac magistri Thomas, Base et Ladislaus in medio quadragesime quendam iobagionem ipsorum abbatis et conventus, videlicet Paulum dictum Akly in eadem Ganna commorantem ad castrum ipsorum Debrenthe vocare fecissent et ipsum Paulum de ipso castro non exmisissent, quousque unum vas vini ipsius Pauli decem florenos aureos valentem de domo ipsius Pauli excipere et super currum ad castrum ipsorum portare fecissent, preterea temporibus retractis quasdam terras arabiles inter metas eiusdem possessionis Ganna iobagiones ipsorum de Debrenthe perarari et seminari fecissent, de quibus capecias iudicii ipsius domini abbatis dare et solvere assumpsissent, quas ad plurimas peticiones ipsius iudicis ipsas capecias dare et solvere minime curassent, ymmo quod deterius est, prefati domina relicta ac magistri Thomas, Base et Ladislaus familiares ipsorum demittendo, ut ipsi iobagiones eorundem domini abbatis et conventus in Ganna commorantes per turpissimas minarum ac manus ipsorum permactaciones et captivaciones sepissimarum affugeri et devastari facere anchelando satagentes quidem ex ipsis pre timore de ipsa Gana recessissent potencia ipsorum mediante in preiudicium ipsorum domini abbatis et conventus valde magnum. Datum quinto die diei inquisicionis antedicte, anno Domini millesimo quadringentesimo tricesimo quarto.