Nos capitulum ecclesie Iauriensis memorie commendamus, quod religiosus vir Deoque devotus, frater Iohannes Bonita, custos monasterii Sancti Martini Sacri Montis Pannonie, ad nostram veniens presentiam nominibus et in personis religiosorum virorum dominorum abbatis et conventus dicti monasterii Sacri Montis Pannonie serenissimum principem et dominum dominum Sigismundum, Dei gratia Romanorum imperatorem semper augustum ac Hungarie etc. ... regem a donatione, collatione, traditione et quavis alia alienatione castri Genyew et quarumlibet pertinentiarum ipsius castri, signanter aquarum, piscaturarum Danubii, captionum usonum, fenetorum, silvarum, terrarum arabilium, dictos dominum abbatem et conventum omnis iuris titulo concernentium, item egregium virum Laurentium de Hederwara et qualibet alios ab impetratione, occupatione, detentione et metarum erectione et sibi ipsis apropriatione, necnon statuifactione predicti castri Gennew (!) et pertinentiarum eiusdem predictarum, fructuum et utilitatum perceptione seu quovis quesito colore in dominium eorundem intromissione qualiter cunque factis vel faciendis nominibus predictis prohibuit contradicendo et contradixit inhibendo coram nobis presentium testimonio mediante. Datum tertio die Ascensionis Domini, anno Domini MCCCCXXXIV. [1434. máj. 8.]