Magnifico viro domino Matheus de Paloch, regni Hungarie palatino et iudici Comanorum, domino et amico eorum honorando conventus monasterii Sancti Martini Sacri Montis Pannonie debitum amicitie et honoris continuum incrementum. Vestra noverit magnificentia nos reverendissimi in Christo patris domini et domini Georgii, archiepiscopi Strigoniensis, litteras arbitrative dispositionis in presentia palatinali vertentis recepisse in hec verba:||
Nos Georgius, archiepiscopus ecclesie Strigoniensis, iudexque in causis in presentia palatinali vertendis per dominum Sigismundum Romanorum imperatorem ac regni Hungarie etc. regem deputatus, memorie commendamus, quod religiosus vir dominus frater Michael, abbas ecclesie de Beel, personaliter ab una, parte vero ab alia Basy et Thomas, filii Benedicti, filii Hym, de Debrente, onera nobilis domine matris ac Ladislai, Emerici, Iohannis, fratrum eorumdem carnalium, in subnotandis super se assumpmendo coram nobis personaliter constituti sunt confessi in hunc modum, ut ipsi super universis dampnis, factis, iniuriis, nocumentis et aliis maleficiorum generibus per ipsos nobiles de dicta Debrente adversus iam dictum dominum Michaelem abbatem et ad eundem pertinentes qualitercunque usque ad hec tempora illatis et inrogatis, ratione quorum idem dominus abbas contra prefatos Basy et Thomam legittima citatione mediante nunc is presentia domini nostri Sigismundi imperatoris actionem movisset, se arbitrio octo proborum et nobilium virorum per partes equali numero eligendorum submisissent, immo antefatus dominus Michael abbas, necnon predicti Basy et Thomas suis et aliorum, quorum supra, nominibus submiserint coram nobis eo modo, ut quidquit (!) idem octo proborum (!) et nobiles viri octavo die festi Beati Georgii martiris nunc affuturi [1435. máj. 1.] in opido Papa coram testimonio conventus ecclesie Sancti Martini Sacri Montis Pannonie, quod per ipsum conventum illuc serie presentium destinare petimus, auditis partium propositionibus, visisque et examinatis universis litteris eorum causalibus et aliis quibuscunque litteralibus instrumentis ac evidentibus documentis, inter easdem partes in premissis facerent, disponerent et arbitrarent, hoc ambe partes acceptare tenerentur tali vinculo interposito, quod, si prefati nobiles de Debrenthe ac nobilis domina, mater eorumdem, ad locum prescripti arbitri (!) die et loco in prefixis celebrandi accedere vel legittimos procuratores destinare aut dictam arbitrativam dispositionem prescriptorum octo proborum acceptare recusarent, ex tunc idem in quinquaginta marcarum denariorum convincerentur ipso facto. Cuius quidem arbitrative dispositionis seriem tandem, ut fuerit expediens, eedem partes ad octavas dicti festi Beati Georgii martiris legitime perdurando in litteris prefati conventus nobis reportare teneantur. Datum Posonii, in festo Kathedre Beati Petri apostoli, anno Domini millesinio quadringentesimo trecesimo quinto. [1435. febr. 22.]||
Unde nos mandatis vestris in omnibus obedire cupientes, ut tenemur, nostrum hominem, videlicet religiosum virum fratrem Iohannem presbiterum, unum ex nostris fratribus conventualibus, ad infrascriptam arbitrativam dispositionem fideliter peragendam nostro pro testimonio, fide dignum duximus transmittendum. Qui tandem exinde ad nos reversus nobis retulit, quod Thomas et Basy, filii Benedicti, dicti Hym, de Debrenthe pro se personaliter et pro relicta domina matre ac Ladislao, Emerico et Iohanne fratribus suis carnalibus onus et gravamen, si in infrascriptis persistere nollent, super se assumpmendo, quod licet inter ipsos ex parte iobagionum ipsarum partium litis materia exorta et aliquamdiu ventilata extiterit, tamen eedem partes compositionem et ordinationem octo proborum virorum per easdem partes eligendorum super premissis taliter inter se concordassent, immo concordarunt coram nostro testimonio, quod prescripti Basy et Thomas filii Benedicti et relicta domina mater eorumdem ac Ladislaus, Emericus et Iohannes fratres carnales primo octavo die festi Beati Iohannis Baptiste proxime venturi [1435. júl. 1.] quilibet ipsorum in civitate Wesprimiensi et nostro testimonio presente vigesimo quinto se nobilibus sibi similibus, deinde octavo die Nativitatis Virginis gloriose [1435. szept. 15.] similiter quilibet ipsorum vigesimo quinto se nobilibus, demum vero octavo die festi Beati Michaelis archangeli proxime nunc venturi [1435. okt. 6.] in eadem civitate Wesprimiensi similiter nostro testimonio iuramentum deponere debeant et teneantur; postremo vero ipsorum iobagiones singuli et singulariter universi octavo die post eorumdem iuramentum in eadem civitate Wesprimiensi nostro testimonio deponere debeant et teneantur tali vinculo moderaminis inserto, quod, si idem Basy et alii prescripti dictam compositionem et ordinationem eorum, scilicet octo proborum virorum, in aliquo infringere aut alia pars nollet, ex tunc talis pars contradicens et ipsam compositionem non servans in quinquaginta marcis denariorum presentis monete regalis convinci debeat eo facto; insuper prefatus Basy onus et gravamen relicte domine et fratrum suorum carnalium in se assumpmendo, ut, si ad villam Vasar nunccupatam (!) super inde novis actibus ex post alias secutis per cosdem Basy et alios supradictos ipsi domino abbati illatis et hactenus irrogatis, videlicet octavo die Beati Martini confessoris [1435. nov. 18.] in prefixis celebrandi accedere aut dictam composutionem arbitrativam octorum proborum virorum acceptare recusarent, ex tunc talis pars non retinens in quinquaginta marcis denariorum convinceretur ipso facto, salvis aliis processibus causalibus illabate (!) permanentibus. Ad que omnia premissa prefatus Basy una cum fratribus sponte se obligarunt nostro testimonio et vigore mediante. Datum in vigilia Beatorum Petri et Pauli apostolorum, anno Domini millesimo quadringentesimo tricesimo quinto. [1435. jún. 28.]