Nos conventus monasterii Sancti Martini Sacri Montis Pannonie memorie commendamus, quod quia religiosus vir, dominus frater Michael, abbas ecclesie de Beel personaliter ad nos accedens nobis exhibuit quasdam litteras inquisicionales honorabilis capituli ecclesie Iauriensis, necnon Nicolai de Koltha vicecomitis et iudicis nobilium comitatus Wesprimiensis, petens nos debita cum instancia, ut easdem de verbo ad verbum transscribi et transsumi facere, tenoremque earundem presentibus litteris nostris inseri faciendo seu redigendo dare dignaremur ad cautelam iuris uberiorem, quarum tenor talis est:||
Serenissimo principi domino Sigismundo, Dei gracia Romanorum regi semper augusto ac Hungarie, Bohemie, Dalmacie, Croacie etc. regi, domino ipsorum metuendo capitulum ecclesie Iauriensis oraciones in Domino debitas et devotas. Vestra noverit celsitudo, quod cum nos omni reverencia decuit receptis litteris annualibus maiori sigillo vestro consignatis religioso viro, domino fratri Michaeli, abbati de Beel et conventui loci eiusdem ad evocaciones, inquisiciones et prohibiciones, necnon ad omnia alia, que iuxta regni vestri consuetudinem talibus in processibus fieri consueverunt facienda, per anni circulum generaliter datis et graciose concessis nobisque preceptorie transmissis, iuxta earundem continenciam una cum Georgio filio M[...] de Iuthas, homine vestro inter alios homines vestros [...] conscriptos nominaliter expresso, videlicet Ladislaum, chori ecclesie nostre clericum ad infrascriptam inquisicionem faciendam nostro pro testimonio duximus destinandum, [...] exinde ad nos [...] concorditer retulerunt, ut prelibatus homo vester simulcum eodem nostro testimonio, feria quarta proxima post festum Beati Barnabe apostoli proxime preteritum in comitatu Wesprimiensi procedendo ab omnibus, quibus decuit et opportunum fuisset, nobilibus videlicet et ignobilibus ac alterius status et condicionis dicti comitatus hominibus palam et occulte diligenter investigando talem scivissent veritatem, quomodo Georgius Meken de Kovachy, Anthonius de Takachy, Stephanus de Karakozurchek, Matheus de Alsony, Stephanus de Wasarhel, Iacobus de Wyld familiares, Albertus, Anthonius filius Michaelis, Andreas Ruffus, Benedictus dictus Fodor, Petrus, Dominicus filius eiusdem, Stephanus Varga, Deseou, Anthonius, Blasius, alter Blasius Ruffus, Colomanus villicus, Dominicus, alter Iacobus filius Michaelis, Matheus, Damianus Estergar, Blasius Nehez, Andreas, Iohannes filius Nicolai, Elias filius Stephani et Petrus Estergar iobagiones nobilis domine relicte ac Thome, Balisy, Emerici et Ladislai filiorum condam Benedicti Hym de Debrenthe in possesionibus ipsorum de Debrenthe et Iako commorantes ex permissione et voluntate dominorum ipsorum circa festum Beati Iohannis ante portam Latinam proxime preteritum ad possessionem dicte ecclesie et per consequens domini abbatis et conventus predictorum Polyan vocatam manibus armatis et potenciariis irruendo universas res et bona, necnon pecora et pecudes ac animalia iobagionum in predicta possessione Polyan residencium abstulissent et ad castrum seu possessionem Debrenthe deportassent et, quo ipsorum placuisset voluntati, fecissent potencia ipsorum mediante in preiudicium ipsorum exponencium valde magnum. Datum quinto die diei inquisicionis antedicte, anno Domini millesimo quadringentesimo vigesimo sexto.||
Secunde vero littere sequitur tenor et est talis:||
Serenissimo principi domino Sigismundo, Dei gracia Romanorum regi semper augusto ac Hungarie, Bohemie, Dalmacie, Croacie etc. regi, domino ipsorum metuendo Nicolaus de Koltha castellanus castri Wesprimiensis ac vicecomes et iudex nobilium comitatus Wesprimiensis subieccionem humilem cum perpetui fidelis famulatus. Vestra noverit celsitudo, quod litteras vestras mediocri sigillo vestro consignatas, nobisque preceptorie transmissas omni cum reverencia, qua decuit, nos recepisse in hec verba:||
Sigismundus, Dei gracia Romanorum rex semper augustus ac Ungarie, Bohemie etc. et fidelibus suis comiti vel vicecomiti et iudici nobilium comitatus Wesprimiensis salutem et graciam. Dicitur nobis in personis religiosi viri, domini fratris Michaelis, abbatis ecclesie Beati Mauricii de Beel et conventu loci eiusdem, quomodo Georgius Bwken de Kovachy, Anthonius de Thakachy, Stephanus de Karakuzurchak, Matheus de Alasony, Stephanus de Waserhel, Iacobus de Wyld familiares, Albertus, Anthonius filius Michaelis, Andreas Ruffus, Benedictus dictus Fodor, Petrus, Briccius filius eiusdem, Stephanus Varga, Desew, Anthonius, Blasius alter Blasius Ruffus, Colomanus villicus, Dominicus, alter Iacobus filius Michaelis, Matheus, Damianus Estergar, Blasius Nehez, Andreas, Iohannes filius Nicolai, Elias filius Stephani et Petrus Estergar iobagiones nobilis domine relicte ac Thome, Basily, Emerici et Ladislai filiorum condam Benedicti Hym de Debrenthe in possessionibus ipsorum Debrenthe et Iako commorantes ex permissione et voluntate dominorum ipsorum circa festum Beati Iohannis ante portam Latinam proxime preteritum ad possessionem dicte ecclesie et per consequens exponencium predictam Polyan vocatam manibus armatis et potenciariis irruendo universas res et bona, necnon pecora et pecudes ac animalia iobagionum in dicta possessione Polyan residencium abstulissent ad castrum seu possessionem Debrenthe deportassent, quo ipsorum placuisset voluntati, fecissent potencia ipsorum mediante in preiudicium ipsorum exponencium valde magnum. Super quo fidelitati vestre firmiter precipiendo mandamus, quatenus unum vel duos ex vobis transmittatis, qui ab omnibus, quibus incumbit, meram de premissis experiatur veritatem, quam tandem nobis fideliter rescribatis. Datum Bude, feria quarta proxima post festum Beate Elene regine, anno Domini millesimo quadringentesimo vigesimo sexto.||
Nos itaque mandatis ipsius vestre serenitatis semper obedire cupientes, ut tenemur, Iohannem filium Emerici de Iuthas, unum ex nobis ad prescriptam inquisicionem faciendam nostrum hominem duxissemus destinandum. Demum idem exinde ad nos reversus nobis retulit eo modo, ut ipse feria tercia proxima ante festum Beati Barnabe apostoli proxime preteritum in comitatu Wesprimiensi procedendo ab omnibus, quibus decuit et opportunum fuisset, nobilibus videlicet et ignobilibus ac alterius status et condicionis dicti comitatus hominibus palam et occulte diligenter de prescriptis [...] omnia premissa et quevis premissorum s[ingula] eidem vestre maiestati dictum extitisset et quemadmodum tenor litterarum vestrarum per omnia continet prescriptarum. Datum Wesprimy, quinto die diei inquisicionis, anno Domini millesimo supradicto.||
Tercie vero tenor talis est:||
Serenissimo principi domino Sigismundo, Dei gracia Romanorum regi semper augusto ac Hungarie, Bohemie, Dalmacie, Croacie etc. regi, domino ipsorum metuendo conventus ecclesie Sancti Martini Sacri Montis Panonie oraciones in Domino debitas et devotas. Vestra noverit celsitudo, quod cum nos omni reverencia qua decuit receptis litteris vestris annualibus maiori sigillo vestro consignatis religioso viro, domino fratre Michaele, abbati de Beel et conventui loci eiusdem ad citaciones, inquisiciones et prohibiciones, necnon ad omnia alia que iuxta regni vestri consuetudinem talibus in processibus fieri consueverunt facienda per anni circulum generaliter datis et graciose concessis, iuxta earundem continenciam una cum Blasio de Gych, homine vestro inter alios homines vestros in eisdem litteris vestris annualibus conscriptos nominaliter expresso, nostrum hominem, videlicet fratrem Iohannem sacerdotem ad infrascriptam inquisicionem faciendam pro nostro testimonio fidedignum duxissemus destinandum, demum idem exinde ad nos reversi nobis concorditer retulerunt, ut prelibatus homo vester presente iam fato nostro testimonio, feria quinta proxima ante festum Iohannis Baptiste proxime preteritum in comitatu Wesprimiensi procedendo ab omnibus quibus decens et opportunum fuisset, nobilibus videlicet et ignobilibus ac alterius status et condicionis dicti comitatus hominibus palam et occulte diligenter inquirendo talem scivisset veritatem, quomodo Georgius Buken de Kovachy, Anthonius de Thakachy, Stephanus de Crakozurchek, Matheus de Alason, Stephanus de Wasarhel, Iacobus de Wyld familiares, Albertus, Anthonius filius Michaelis, Andreas filius Benedicti Fodor, Petrus, Dominicus filius eiusdem, Stephanus Varga, Desew, Anthonius, Blasius et alter Blasius Ruffus, Colomanus villicus, Dominicus et alter Iacobus filius Michaelis, Matheus, Damianus Estergar, Blasius Nezhez, Andreas, Iohannes filius Nicolai, Elyas filius Stephani et Petrus Estergar iobagiones nobilis domine relicte, ac Thome Basily, Emerici et Ladislai filiorum condam Benedicti Hym de Debrenthe in possessionibus ipsorum Debrenthe et Iako commorantes ex permissione, voluntate dominorum ipsorum circa festum Beati Iohannis ante portam Latinam proxime preteritum ad possessionem dicte ecclesie et per consequens exponencium predictorum Polyan vocatam manibus armatis et potenciariis irruendo universas res et bona, necnon pecora et pecudes ac animalia iobagionum in dicta possessione Polyan residencium abstulissent et ad castrum seu possessionem Debrenthe deportassent et, quo ipsorum placuisset voluntati, fecissent potencia ipsorum mediante in preiudicium domini abbatis et conventus valde magnum. Datum quarto die diei inquisicionis antedicte, anno Domini millesimo quadringentesimo vigesimo sexto.||
Nos itaque iustis peticionibus prefati domini abbatis nobis porrectis inclinati prefatas litteras de verbo ad verbum transcribi et transsumi tenoremque earundem litteris nostris reddigendo eidem concessimus ad cautelam uberiorem. Datum in vigilia Beatorum Petri et Pauli apostolorum, anno Domini millesimo quadringentesimo tricesimo quinto.