Sigismundus etc. fidelibus nostris capitulo ecclesie Posoniensis salutem et graciam. Dicitur nobis in personis religiosorum virorum, fratris Nicolai abbatis et conventus monasterii Beati Martini Sacri Montis Pannonie, quod ipsi in dominium tercie partis cuiusdam tributi in opido (!) Bozen vocato, in comitatu Posoniensi existenti habiti, ipsos iusto iuris titulo concernentis vellent legitime introire. Super quo fidelitati vestre firmiter precipientes mandamus, quatenus vestrum mittatis hominem pro testimonio fide dignum, quo presente Sigismundus, filius Mathie de Saar, aut Franciscus de Madaras, vel Paulus Chymia de Hody, seu Laurentius de Zaz, seu Iohannes dictus Penz, neve Thomas de Ilka aliis absentibus homo noster ad faciem loci exaccionis predicte terre partis tributi prenotati vicinis et conmetaneis suis universis inibi legitime convocatis et presentibus accedendo introducat prefatos Nicolaum abbatem et conventum predicti monasterii Sancti Martini in dominium eiusdem tercie partis tributi antefati, statuatque eandem eisdem iure ipsis incumbenti perpetuo possidendam, si non fuerit contradictum. Contradictores vero, si qui fuerint, evocet ipsos contra annotatos fratrem Nicolaum abbatem et conventum predicti monasterii Sancti Martini nostram in presenciam ad terminum conpetentem racionem contradictionis eorum reddituros efficacem. Et post hec huiusmodi statucionis seriem cum contradictorum et evocatorum, si qui fuerint ac vicinorum et conmetaneorum, qui huiusmodi statucioni interfuerint, nominibus, terminoque assignato nobis fideliter rescribatis. Datum Tyrnavie feria secunda proxima post festum Ascensionis Domini, anno eiusdem MCCCCXXXV. regnorum nostrorum Hungarie etc. quadragesimo nono, Romanorum vicesimo quinto, Bohemie quintodecimo, imperii vero secundo. [1435. máj. 30.]