Nos Michael litteratus de Myske vicecomes et iudices nobilium comitatus Wesprimiensis memorie commendamus, quod cum (!) nos ad legitimam petitionem venerabilis domini Gregorii episcopi, gubernatoris abbatie ecclesie Sancti Mauricii de Beel, unum ex nobis, videlicet Iohannem, filium Mychaelis, de Kowacz ad infrascriptam prohibitionem faciendam transmisissemus, qui tandem exinde ad nos reversus retulit nobis eo modo, ut ipse die dominico proximo ante festum Beati Augustini episcopi proxime preterito [1452. aug. 27.] (ad) faciem possessionis Polyan et Borsad accessisset, ibique religiosum virum dominum Mychaelem, priorem de Leueld, facie ad faciem reperiendo ab occupatione detentione portionum possessionariarum in possessione Borsad, Polyan vocatorum habitarum et suarum pertinentiarum, usu fructuum et quarumlibet utilitatum perceptione seu percipi factione prohibuisset sicuti inibi, sic et coram nobis prohibuit in persona prefati domini episcopi, domini sui, prohibuit contradicendo et contradixit inibendo (!) coram nobis testimonio presentium mediante. Datum in opido Vasarhel, feria quinta post festum Beati Augustini episcopi, anno Domini millesimo quadringentesimo quinquagesimo secundo. [1452. aug. 31.]||
[Item villicus de Cayar dedit duos florenos et centum denarios.||
Item de Ganna centum et octo denarios.||
Item duos florenos pro casula.||
Itent sales pro L-ta denariis.||
Item pro itinere ad Strigonium centum absque XII.||
Item pro pipere ducentos denarios et pro crocis.]