Nos, Ladislaus de Gara, regni Hungarie palatinus ac iudex Cumanorum, memorie commendamus presentes, quod reverendus in Christo pater dominus Thomas de Debrenthe, gubernator abbatia Sancti Martini Sacri Montis Pannonie personaliter veniens in nostram presenciam, presente ac coram nobis personaliter astante et audiente egregio Sebastiano, filio Stephani de Rozgon suo ac conventus sui nominibus per modum protestacionis nobis curavit significare, quomodo idem Sebastianus de Rozgon terciam partem tributi Wereknye vocati in comitatu Posoniensi, in portu Danubii exigi soliti ad ecclesiam suam Sancti Martini ab antiquo vigore efficacium literarum vel literalium instrumentorum pertinentem ab ipso et dicta ecclesia indebite et sine lege occupasset et occupatam conservaret de presenti, ipsos dominum Thomam et cgnventum de eadem excludens potencia mediante in preiudicium eorundem et dampnum valde magnum. Unde facta huiusmodi protestacione idem dominus Thomas pretactum Sebastianum personaliter, ut prefertur, coram nobis repertum ab occupacione et detencione tercie partis tributi in ipso portu Danubiali Wereknye exigi consueti fructuumque et utilitatum eiusdem percepcione prohibuit coram nobis testimonio presencium nostrarum mediante. Datum Posonii in festo Purificationis Virginis gloriose. Anno Domini MCCCCLIII. [1453. febr. 2.]