Charter: Pannonhalma, Bences - Capsarium (1000-1526) 1476 X 19
Signature: 1476 X 19
Add bookmark
Edit charter (old editor)
19. Oktober 1476
Mátyás király meghagyására László béli apát bizonyos ügyet az egyházi bíróság elől a király elé tesz át. Current repository:
PannH OSB
PannH OSB
- notes extra sigillum:
- 207926
Serenissimo principi et domino domino Mathie, Dei gratia regi Hungarie, Bohemie etc., domino meo metuendo, eiusdem vestre serenitatis fidelis Ladislaus, abbas de Beel, humilis capellanus, orationum suffragia devotarum perpetua cum fidelitate. Litteras eiusdem vestre serenitatis preceptorie michi pro parte venerabilis et religiosi fratris Pauli, prepositi conventus ecclesie de Chorna, die datarum presentium exhibitas reverenter recepi hunc tenorem continentes:||
Mathias, Dei gratia rex Hungarie, Bohemie etc., fideli nostro venerabili et religioso fratri Ladislao, abbati de Beel, salutem et gratiam. Pro parte et in persona fidelis nostri venerabilis et religiosi fratris Pauli, prepositi conventus ecclesie de Chorna, nostre est expositum maiestati gravi sub querela, quomodo vos quendam Thomam Trenk dictum, iobagionem suum in possessione Naghbarathy commorantem, pretextu cuiusdam vinee ad instantiam venerabilis et religiosi fratris Blasy, abbatis de Lyben, qui etiam de eo est ordine quo vos, in quadam causa, que, ut dicitur, non ecclesiasticum, sed seculare concerneret iudicium, in presentiam vestri citatum vexaretis et niteremini perturbare, in qua causa vos ipse exponens ex eo, quod, ut premittitur, et vos de eodem estis ordine, iudice haberet pro suspecto et quia cause seculare concernentes iudicium non in presentiis iudicum spiritualium, sed in curia nostra regia soleant terminari, in presentiis quoque huiusmodi iudicum suspectorum non sit tutum litigare, ideo fidelitati vestre firmiter mandamus, quatenus receptis presentibus causam premissam, ut premittitur, in presentia vestra ortam absque adiudicatione in curiam nostram regiam, nostram scilicet personalem in presentiam, transmittere debeatis definiendam, quod si non ad nostrum seculare et speciale pertinere cognoverimus iudicium, rursum indecisam in presentiam vestri remittemus, partibus quoque predictis coram dicta personali presentia nostra terminum comparendi in litteris vestris prefigendo congruentem; secus non facturi; presentibus perlectis exhibenti restitutis. Datum Bude, feria quarta proxima ante festum Beati Luce evangeliste, anno Domini millesimo quadringentesimo septuagesimo sexto. [1476. okt. 16.]||
Ego vero Ladislaus abbas prefatus, in causa prefata iudex conmissarius per reverendum dominum Gabrielem, Dei et apostolice sedis gratia episcopum Agriensem, eiusdemque sedis apostolice cum potestate legati de latere legatum deputatus, volentes mandatis vestre serenitatis, ut tenemur, obedire, causam prefatam cum tota sua serie in curiam vestre serenitatis, vestre scilicet personalis presentie presentiam transmisi nondum decisam, statuendo partibus prefatis coram eadem vestre personali presentia terminum comparendi quintumdecimum diem datarum presentium. [1479. nov. 2.] Datum in Kayar, die sabbati proxima post festum Beati Luce evangeliste, anno Domini millesimo quadringentesimo septuagesimo sexto. [1479. okt. 19.]
Mathias, Dei gratia rex Hungarie, Bohemie etc., fideli nostro venerabili et religioso fratri Ladislao, abbati de Beel, salutem et gratiam. Pro parte et in persona fidelis nostri venerabilis et religiosi fratris Pauli, prepositi conventus ecclesie de Chorna, nostre est expositum maiestati gravi sub querela, quomodo vos quendam Thomam Trenk dictum, iobagionem suum in possessione Naghbarathy commorantem, pretextu cuiusdam vinee ad instantiam venerabilis et religiosi fratris Blasy, abbatis de Lyben, qui etiam de eo est ordine quo vos, in quadam causa, que, ut dicitur, non ecclesiasticum, sed seculare concerneret iudicium, in presentiam vestri citatum vexaretis et niteremini perturbare, in qua causa vos ipse exponens ex eo, quod, ut premittitur, et vos de eodem estis ordine, iudice haberet pro suspecto et quia cause seculare concernentes iudicium non in presentiis iudicum spiritualium, sed in curia nostra regia soleant terminari, in presentiis quoque huiusmodi iudicum suspectorum non sit tutum litigare, ideo fidelitati vestre firmiter mandamus, quatenus receptis presentibus causam premissam, ut premittitur, in presentia vestra ortam absque adiudicatione in curiam nostram regiam, nostram scilicet personalem in presentiam, transmittere debeatis definiendam, quod si non ad nostrum seculare et speciale pertinere cognoverimus iudicium, rursum indecisam in presentiam vestri remittemus, partibus quoque predictis coram dicta personali presentia nostra terminum comparendi in litteris vestris prefigendo congruentem; secus non facturi; presentibus perlectis exhibenti restitutis. Datum Bude, feria quarta proxima ante festum Beati Luce evangeliste, anno Domini millesimo quadringentesimo septuagesimo sexto. [1476. okt. 16.]||
Ego vero Ladislaus abbas prefatus, in causa prefata iudex conmissarius per reverendum dominum Gabrielem, Dei et apostolice sedis gratia episcopum Agriensem, eiusdemque sedis apostolice cum potestate legati de latere legatum deputatus, volentes mandatis vestre serenitatis, ut tenemur, obedire, causam prefatam cum tota sua serie in curiam vestre serenitatis, vestre scilicet personalis presentie presentiam transmisi nondum decisam, statuendo partibus prefatis coram eadem vestre personali presentia terminum comparendi quintumdecimum diem datarum presentium. [1479. nov. 2.] Datum in Kayar, die sabbati proxima post festum Beati Luce evangeliste, anno Domini millesimo quadringentesimo septuagesimo sexto. [1479. okt. 19.]
Comment
Eredeti
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}