majdnem egyezik az 1213. sz. oklevéllel:||
Nos capitulum ecclesie Wesprimiensis memorie commendamus per presentes, quod religiosus vir frater Nicolaus, custos et cellarius monasterii Sancti Martini Sacri Montis Pannonie in sua ac reverendi in Christo patris domini Mathei, Dei et apostolice sedis gracia abbatis et conventus eiusdem monasterii Sancti Martini Sacri Montis Pannonie personis et nominibus nostram veniendo in presenciam magnificum Franciscum, filium condam Nicolai Hederwari de Hederwara et alios quoslibet a detencione et conservacione possessionis dicti monasterii Sancti Martini Gewnyew vocate, in comitatu Iauriensi existentis omniumque et singularum pertinenciarum eiusdem, ubivis et in quibuscunque comitatibus habitarum, ad eundem possessionem Gewnyew spectancium et pertinere debencium usu fructuumque et quarumlibet utilitatum eiusdem possessionis et pertinenciarum suarum percepcione sew percificacione qualitercunque iam factis vel fiendis prohibuit contradicendo et contradixit inhibendo publice et manifeste coram nobis harum nostrarum vigore et testimonio literarum mediantibus. Datum sabbato proximo ante festum Sancte et Individue Trinitatis, anno Domini millesimo quingentesimo quarto. [1504. jún. 2.]