Spectabili et magnifico domino Blasio de Raska, thavernicorum regalium magistro ac in causis in presencia palatinali vertentibus per serenissimum principem et dominum dominum Wladislaum, Dei gracia Hungarie, Bohemie etc. regem, dominum nostrum gloriosissimum iudici deputato, domino ipsorum honorando conventus monasterii Beati Adriani martyris de Zala amiticiam paratam cum honore. Vestra noverit ... litteras ... recepisse in hec verba:||
Amicis suis etc. ... Dicitur nobis in persona egregii Osvaldi, castellani illustris et magnifici domini Laurencii, ducis de Wylak per eum in castro suo Zeghlygeth vocato constituti, quod sabbatho proximo post festum Nativitatis Domini in anno eiusdem proxime transacto preteritum [1503. dec. 30.] quidam Benedictus et Anthonius, familiares nobilis condam Dominici vicecastellani dicti exponentis, providos Paulum et Georgium filios ac Paulum familiarem providi Blasii Sawor dicti, iobagionis reverendi domini Mathei archiabbatis et conventus ecclesie Sancti Martini Sacri Montis Pannonie in possessione eorum Isthwand votata in comitatu Zaladiensi existenti commorantis, in nemore prehibito dicti domini Laurencii ducis prope fluvium Lesencze, inter metas possessionis Wyfalw ad prescriptum castrum eiusdem domini Laurencii ducis Zeglygeth (!) pertinentis in eodem comitatu Zaladiensi existentis, adiacens ligna secantes reperissent, eosdemque ibidem iidem Benedictus et Anthonius familiares prefati condam Dominici vicecastellani pro dampnis illatis vadiassent. Cumque pauco momento elapso iidem Benedictus et Anthonius abinde versus propria remeare habuissent, tunc prefatus Blasius Sawor unacum dictis Paulo et Georgio filiis ac Paulo familiare suis manibus armatis et potenciariis in prefatos Benedictum et Anthonium in tenutis dicte possessionis Wyfalw proficiscentes irruendo eosdemque ibidem nullis eorum culpis et demeritis exigentibus diris verberum et vulnerum plagis affecissent, in terramque prostrassent semivivos ibidem reliquendo et dictum vadium una cum una securi dicti condam Dominici vicecastellani aliisque rebus eorundem aput ipsos repertis ab eisdem recepissent et abstulissent et fecissent, quo voluissent.||
Ceterum tempore in eodem iidem Blasius Sawor ac Paulus et Georgius filii et Paulus familiares eiusdem hiis minime contenti, assumptis secum providis Clemente Haynal, Ambrosio et Petro filiis eisdem, Bartholomeo Rygo, Petro filio eiusdem, Iohanne Magyar, Ambrosio Illes, Blasio et Luca Bako, Georgio Raskay, Emerico sposso eiusdem, Nicolao Fekethew, Stephano similiter Fekethew, Gregorio, Georgio, Emerico et Mathia Nyrew, Petro Kalmar, Iohanne Wyncze, Vincentio Thassol, Thoma Kowach, Iohanne, Francisco et Andrea similiter Kovach, Valentino Isthwanffy, Petro, filio eiusdem, Andrea Pap, Gregorio Warga, Barnaba Holdos, Benedicto similiter Holdos, Petro Warga, Paulo Danko, Blasio Hegedews, Anthonio Danko, Andrea Urbely, Iohanne similiter Urbely, Nicolao Was, Vincendo Herman et Iohanne Pap, populis scilicet et iobagionibus prefatorum domini Mathei archiabbatis et conventus dicte ecclesie Sancti Martini in prefata possessione eorundem Isthwand commorantibus de speciali commissione et mandato eorundem dominorum ipsorum armatis manibus et potenciariis noctis in silencio ad domum et curiam predicti condam Dominici vicecastellani penes molendinum Kettews vocatum in territorio sepefate possessionis Wyfalw existens habitas hostiliter irruissent, hostiis domorum confractis et disseratis quendam Benedictum Rezy, familiarem prefati exponentis domibus in eisdem constitutum, emissione unius sagitte letali vulnere sauciassent. Preterea circa festum Beati Stephani regis [1503. aug. 20.] similiter in anno proxime transacto preteritum iidem presctipti populi et iobagiones prelibatorum domini archiabbatis et conventus prefate ecclesie Sancti Martini in prefata possessione Isthwand commorantes modo premisso armatis et potenciariis manibus de commissione et mandato predictorum dominorum ipsorum ad territorium sepefate possessionis Wyfahv consequenterque molendinum iam dictum prefati domini Laurencii ducis Kettews vocatum in fluvio Thaplath votato habitum ibique scenam sew umbram eiusdem molendini distrahendo aggeremque ipsius molendini dissecassent et aquam eiusdem molendini emisissent molendinatorique eiusdem molendini diversa minarum genera imposuissent dicendo eidem, quod, si idem molendino e eodem non exiret, eundem ibidem in eodem molendino conburerent et concremarent. Insuper vas de vineis iobagionum eiusdem domini Laurencii ducis in prefata possessione Wyfalu commorancium in promonthorio predicte possessionis Isthwand habitis furtim exportassent et collegissent, in quibus iidem prefatis iobagionibus annotati domini Laurencii ducis et per consequens dicto exponenti plusquam ducentorum florenorum auri dampna intulissent potencia mediante in preiudicium dampnumque evidentissimum non mediocre.||
Super quo vestram amicitiam ... petimus, ... mittatis hominem pro testimonio, quo presente Iohannes Thyborcz aut Nicolaus similiter Thyborcz de Therdemycz vel Iohannes Synka de Kebelkwth-Gulach seu Nicolaus Peczely de Gulach seu Iohannes Byczo de eadem, aliis absentibus homo noster ... evocet ... Matheum archiabbatem et conventum ... ad tricesimum secundum diem ... insinuando ... etc ... rescribatis. Datum Bude feria sexta proxima ante dominicam Oculi, anno ... MDIIII. [1504. márc. 8.]||
Unde nos ... una cum prefato Nicolao Thyborcz de Therdemycz ... nostrum ... fratrem Benedictum sacerdotem duximus destinendum ... Qui ... retulerunt, ... quod ipsi feria sexta proxima post festum Beati Marci evangeliste proxime preteritum [ápr. 26.] ... omnia... sic ... facta fuisse ... rescivissent ... sicut tenor literarum ... continet ... Habita inquisicione eodem die idem homo vestre magnificencie ... memoratos dominum Matheum arcbiabbatem et conventum ... in possessione eorum Appathy ... contra Osvaldum castellanum ... evocasset in presentiam ...||
Datum octavo die diei inquisicionis, evocacionis et insinuacionis predictarum, anno Domini supradicto. [1504. máj. 3.]