Capitulum ecclesie Vesprimiensis ...||
Conventus monasterii Beati Michaelis archangeli de Chorna...||
||
Nos Sigismundus Dei gracia Romanorum rex semper augustus ac Hungarie, Dalmacie ... rex ... etc. memorie commendamus per presentes, quod Nicolaus de Zemere procurator religiosorum virorum conventus monasterii Sancti Martini Sacri Montis Pannonie ad nostre maiestatis accedendo presenciam nomine et in persona eiusdem conventus per modum protestacionis et gravis querele nobis significare curavit, quod, quamquam causam inter dictum conventum ab una, parte vero ab altera honorabile capitulum ecclesie Iauriensis in presencia magistri Pauli de Kowar prothonotharii regni nostri palatini super facto possessionis Abda vocate in presentibus octavis Epiphaniarum Domini [1412. jan. 13.] vertentem de presencia eiusdem palatinali ex antiqua consuetudine curie nostre approbata, in presenciam personalem nostre maiestatis prelatorumque et baronum regni nostri appellasset et differri postulasset, tamen idem magister Paulus prothonotarius consuetudinem curie nostre regie favore dicti (!) partis adverse minime advertendo, medietatem dicte possessionis prenotato capitulo minus iuste adiudicasset. Nec eciam ad requisicionem dicti conventus in presenciam sedis apostolice huiusmodi causam, que eciam alias in presencia dicte sedis apostolice diucius extitisset ventillata, transmittere voluisset, communem iusticiam prorsus eidem conventui in hac parte abnegando.||
Unde nos facta et habita huiusmodi protestacione presentes literas nostras eidem duximus concedendas. Datum Bude in dominica Reminiscere, anno Domini MCCCCXII. [1412. febr. 28.]||
||
Nos comes Symon de Rozgon iudex curie domini Sigismundi, Dei gracia Romanorum regis semper augusti ac Hungarie etc. regis memorie commendamus per presentes, quod Nicolaus de Zemere procurator religiosorum virorum conventus monasterii Beati Martini Sacri Montis Pannonie ad nostram veniendo presenciam nomine et in persona eiusdem conventus per modum protestacionis nobis significare curavit, quod in causa, que inter annotatum conventum ab una, parte vero ex altera honorabile capitulum ecclesie Iauriensis in presencia magistri Pauli de Kowar prothonotharii domini Nicolai de Gara regni Hungarie palatini super facto possessionis Abda vocate in presentibus octavis festi Epiphaniarum Domini [1412. jan. 13.] verteretur, de presencia eiusdem palatinali ex antiqua consuetudine in presenciam personalem domini nostri regis prelatorumque et baronum deliberacioni prorogari postulasset, idemque magister Paulus id minime advertens ipsam causam diffinisset, medietatemque dicte possessionis prefato capitulo adiudicasset in preiudicium ipsorum valde magnum. Datum Bude feria tertia proxima post dominicam Reminiscere ann. MCCCCXII. [1412. márc. 1.]||
||
Nos Ladislaus, Dei et apostolice sedis gratia episcopus Wesprimiensis, auleque reginalis cancellarius, memorie commendamus, quod nobis in loco nostro capitulari cum carissimis in Christo fratribus nostris capitulo ecclesie nostre consedentibus venerabilis et religiosus vir dominus Siffridus, eadem gratia abbas monasterii Sancti Martini Sacri Montis Pannonie, ad nostram presentiam personaliter veniendo per modum protestationis nobis significare curavit, quod bone [memorie] Gyullelmus, abbas eiusdem monasterii, predecessor suus immediatus et suus conventus olim honorabiles viros, capitulum Iauriensis ecclesie super possessionaria portione in possessione Abada vocata in comitatu Iauriensi sita ipsum monasterium efficacibus et legittimis causalibus munimentis mediantibus contingente in presentiam magnifici viri domini Nicolai, filii Gelethy, condam regni Hungarie palatini felicis recordationis ... traxissent in causam; qui, dum causam eandem ad communem inquisitionem comprovincialium fieneiam sententionaliter adiudicasset certo ad hoc termino assignato, eodem termino adveniente cum procuratores dicti monasterii homines regium et capituli et (!) testimonium homines comprovinciales, probos viros quam plures adduxissent, predictum capitulum Iauriense per suos procuratores, videlicet multos ex suo collegio inibi destinatos et presentes, [magistrum] Gywke, filium Iohannis, de Pok, concanonicum ipsorum, manibus armatis et verbis turpibus ac etiam emissis sagittis de dicta possessione Abada ipsos procuratores monasterii dicti monasterii cum regio et capituli hominibus et hiis, qui ad ferendum testimonium veritatis pro parte eiusdem monasterii pacifici advenerant, procurassent et fecissent potentionaliter effugari et de inquisitione predicta per enormitatem huiusmodi suam obtinuissent omnimodam voluntatem; cuius quidem inquisitionis serie dicto iudici suo tempore reportata, tandem ipsi capitulo per eundem iudicem iuramentum impositum fuisset certo prefixo termino deponendum; quo iurandi termino veniente, cum ad videndum ordinem ipsius iuramentalis depositionis procuratores dicti monasterii cum regio et capituli hominibus advenissent et interesse voluissent, illi, qui de collegio predicti capituli ad ipsum iuramentum prestandum, advenerant et maxime magister Gyuke prenominatus, modo quo primo, contentionibus ac seditione et vituperiis concitatis et aliis enormitatibus ac mortis periculis attemptatis manibus armatis et sagittarum emissionibus eosdem de facie terre predicte sua absoluta potentia repulissent, sicque super iuramento, de quo, an rite fuerit, an omnino factum non fuerit, Deo constare potest, litteris dicti iudicis ... impetratis memorate possessionarie portionis proprietatem et dominium perpetuum vendicassent et hactenus sic vendicatam, tanquam legittime obtentam illicite et indebite contra Deum et iustitiam detinerent. In cuius protestationis sue testimonium ad ipsius domini abbatis petitionem instantem presentes litteras sibi concessimus communi iustitia requirente. Datum Wesprimii, in festo Sancti Egidii abbatis et confessoris, anno Domino millesimo trecentesimo sexagesimo. [1360. szept. 1.]||
...||
Serenissimo principi domino Lodovico, Dei gratia inclito regi Hungarie, domino [ipsorum], capitulum Wesprimiensis ecclesie orationes in Christo humiles et devotas. Litteris serenitatis vestre per annum generalibus ad inquisitiones inter cetera ficiendas pro domino Siffrido abbate et conventu monasterii Sancti Martini de Sacro Monte Panonie gratiose concessis reverentia condecenti receptis, una cum Petro, filio Iwanka, de Kys-Ech, homine maiestatis vestre, hominem nostrum discretum virum magistrum Petrum, sacerdotem, [soc]ium et concanonicum nostrum, ad infrascripta fideliter exequenda duximus pro testimonio fide dignum. Qui demum ad nos reversi nobis concorditer retulerunt, quod ipsi feria tertia et quarta proximis post festum Beati Andree apostoli proxime preteritis [1359. dec. 3--4.] in comitatu Iauriensi procedendo a nobilibus et ignobilibus ac aliis cuiusvis status et conditionibus hominibus, a quibus decuisset et convenisset inquiri palam et occulte diligenter investigando de infrascriptis rescivisset (!) huiusmodi veritatem, quod in possessionibus Barath, Nyul et Henhalm vocatis, in comitatu Iauriensi predicto existentibus, ubi prenotati abbas et conventus ac monasterium Sancti Martini portiones possessionarias habere dinoscerentur, intra quas diversorum hominum vinee plantate essent et adhuc cottidie plantarentur, de ipsis vineis omnibus et sinaulis ab initio et a tanto tempore, cuius contraria humana memoria nulla esset, eisdem abbati et conventui ac predecessoribus et monasterio eorundem decime plene vinee et denarii sigillares ratione iuris montani in predictis locis exigi consuetis (!) semper pertinuissent et provenissent et per earundem vinearum possessores exolvi et amministrari consuevissent et adhuc solvi et dari eisdem solerent et deberent nullo ad ipsorum scitum, visumque aut auditum in premissis impeditore aut contradictore existente. Datum tertio die ipsius inquisitionis, anno Domini millesimo trecentesimo quinquagesimo nono. [1359. dec. 6.]||
...||
Nos comes Symon de Rozgon iudex curie domini Sigismundi ... damus pro memoria, quod discussionem reportate seriei cuiusdam possessionarie restatucionis, revisionis et occupacionis, quam inter magistrum Iohannem, filium condam Symonis bani de Marochyda, actorem ab una et inter conventum ecclesie Sancti Martini Sacri Montis Pannonie in causam attractum parte ab altera, pro quo dominus Petrus dictus Kwn, prepositus eiusdem ecclesie, cum procuratoriis literis eiusdem conventus comparuit, iuxta continenciam literarum nostrarum adiudicatoriarum et capituli ecclesie Iauriensis rescripcionalium super factis in eisdem contentis in octavis festi Beati Michaelis archangeli [1412. okt. 6.] facere tenebamur, de regio literatorio mandato pro ipso magistro Iohanne nobis allato eo, quod idem in certis serviciis regalibus unacum domino nostro rege foret occupatus, ad octavas festi Epiphaniarum Domini nunc venturas [1413. jan. 13.] produximus prorogandam. Datum in Wysegrad quadragesimo secundo die termini prenotati, anno domini MCCCCXII. [1412. nov. 16.]||
...||
Nos comes Symon de Rozgon iudex curie ... damus pro memoria, quod dominus Petrus prepositus pro conventu ecclesie Sancti Martini Sacri Montis Pannonie cum procuratoriis literis eiusdem contra magistrum Iohannem filium condam Symonis bani de Marochyda ab octavis festi Epiphaniarum triginta septem diebus continuis legitime stetit in termino coram nobis, qui iuxta continenciam literarum nostrarum prorogatoriarum super factis in quibusdam literis nostris adiudicatoriis et capituli ecclesie Iauriensis rescripcionalibus contentis discussionem reportate seriei cuiusdam possessionarie restatucionis, revisionis et occupacionis recepturus actor existens nostram in presenciam non venit, neque misit. Unde ipsum in iudicio commisimus fore convictum, si se rationabiliter non poterit excusare. Datum in Wysegrad tricesimo octavo die termini prenotati, anno MCCCCXIII. [1413. febr. 19.]||
...