Conventus monasterii Sancti Egidii de Simigio omnibus Christifidelibus, presentibus pariter et futuris presencium noticiam habituris, visuris, lecturis, pariter et audituris, salutem in omnium Salvatore.||
Solet humana providencia rerum in tempore gestarum seriam apicibus sagaciter commendare actaque modernorum literarum testimonio solidare, ne successorum calumpniosa loquacitas materiam calumpniarum invenire valeat et falsitatem sub velamento veritatis quomodolibet ingerere queat.||
Proinde ad universorum tam presencium, quam futurorum noticiam harum serie volumus pervenire, quod nobiles Petrus Alffewldy de Iaurino et Blasius de Kondakor, familiares et officiales reverendi domini Mathei, archiabbatis ecclesie Sancti Martini Sacri Montis Pannonie in Remethewdwar per eundem constituti pro iam fato domino Matheo archiabbate ac honorabili conventu eiusdem ecclesie Sancti Martini cum procuratoriis literis eorundem, ut actorum, ab una, item discretus Thomas presbyter, necnon nobiles Ambrosius Myklos, Iohannes Ellyesse, Blasius Tholway, Petrus Magnus, Sebastianus Palffy, Iacobus Pooka et Thomas Kalman de Zakachy personaliter pro se, necnon nobilibus Petro Weres, Benedicto Sypos, Dyonisio Bongolyag, Alberto Weres, Iohanne Fabro, Alberto sartore ac discretis Mathia, plebano de dicta Zakachy, necnon Thoma, Amano, Simone presbyteris; item nobilibus Paulo Karay, Thoma Balka, Paulo Korothnay, Michaele Kalman, Andrea Hegedews, Thoma Kewmywes, Benedicto Kys, Stephano Agoston, Petro Thoth, Paulo Kalman, Valentino Kerezthes; item dominabus Elisabet condam Francisci Balka, Katherina olim Georgy Thoth ac Elizabeth condam Petri Kathona relictis, Martino Wydy, Iohanne Palffy, Thoma Agh, Michaele Bellye, Bartholomeo Sartore, Thoma Bogyo, Ladislao Palffy, Nicolao Orros, Iohanne Bessenyey, Michaele Sartore, Valentino Palffy, Stephano Ffekethe, Andrea Kysfalwdy, Stephano Hegedes, Nicolao Sartore, Petro Fachyar, Anthonio Patrohy, Sebastiano Fekethe, Iohanne Debrey et Emerico literato de iam fata Zakachy; item providis Petro Bencze, Gregorio Chyk, Ambrosio Ffa, Thoma Ffwad, Stephano Cheh, Iacobo Zechy, Petro Was, Michaele Kys, Simone Santha, Petro Czelle, Valentino Kewmywes, Nicolao Kalman, Andrea Chawaro, Martino Santha, Petro Bellye, Martino, Luca Thoth dictis, Georgio literato, Blasio Krysthal, Michaele Kozma, Gregorio Ews, Stephano Kozma, Iohanne Zechy, Francisco, Anthonio Sutoribus, Sebastiano Syketh, Gregorio Kathona, altero Gregorio Dobos, Valentino Sartore et Andrea Chendes in eadem Zakachy commorantibus similiter cum procuratoriis literis nostris, pro nobilibus vero Benedicto Zalay, Thoma Kalman, Sigismundo Izdray, Michaele Bogdan, altero Michaele Orros, Iohanne Gondos, Benedicto Gyerghffy, Michaele Nagh, discreto Valentino presbytero et tota communitate universitatis nobilium et ignobilium iam fate possessionis Zakachy sine literis procuratoriis veluti in causam attractis ab alias partibus, coram nobis personaliter constituti sponte et libere sunt confessi, retuleruntque in hunc modum: Quod licet inter ipsos dominum Matheum archiabbatem et conventum dicte ecclesie Sancti Martini ab una ac universitatem dictorum nobilium prefate possessionis Zakachy, cocorum regie maiestatis, partibus ab alia racione non solucionis decimarum ipsius ville Zakachy, certorum eciam promonthoriorum in comitatu Simigiensi existencium eisdem domino Matheo archiabbati et ecclesie eiusdem predicte de iure et ab antiquo provenire debencium earumque occasione nonnulle lites et differencie in curia regia mote extiterint et suscitate, tamen eedem partes, tum certorum proborum nobilium virorum saluberrima disposicione interveniente, tum eciam volentes partes prescripte huiusmodi litibus et contencionibus finem imponere, talem inter se fecissent disposicionem et ordinacionem perpetuo duraturam:||
Quod videlicet singuli nobilium in predicta Zakachy commorancium, tam vineas colencium et araturam exercencium, quam eciam vineas non babencium et aratro non utencium, qui videlicet ab invicem divisi essent et separati proprioque pane singulariter vescerentur, singuli eorum singulariter in singulis festivitatibus Sancti Martini episcopi et confessoris futuris semper perpetuis temporibus singulos duodecim denarios Hungaricales, centum pro uno floreno currentes in sortem huiusmodi decimarum prefatis domino Matheo archiabbati et conventui dicte ecclesie et eiusdem domini Mathei successoribus aut hominibus ipsorum domini archiabbatis et conventus per eosdem aut successores suos abbates ad id deputates et eligendis plenarie et integre dare et persolvere semper deberent et tenerentur.||
Coloni eciam sive iobagiones nobilium eorundem, seu eciam alie quevis persone singulares culturam vinearum simul cum agricultura exercentes, tam in domibus ipsorum nobilium, quam eciam propriis domiciliis, in iam fata possessione Zakachy commorantes, similiter singulos duodecim denarios.||
Tales autem persone, vidue ut pota mulieres et alie quelibet, que propriis manibus seu falce victum acquirerent, solummodo singulos sex denarios Hungaricales, qui communi vocabulo pecunie Christianitatis vocitare dicuntur, iuxta decretum regnicolarum prefato domino Matheo archiabatti ac conventui ecclesie sue predicte et eiusdem domini Mathei successoribus abbatibus seu hominibus eorundem in dictis similiter singulis festivitatibus Sancti Martini plenarie solvere debebunt et tenebuntur, tali obligaminis vinculo interiecto mediante, ut dum et quando homines prefatorum domini Mathei et conventus ecclesie eiusdem, aut succesorum abbatum pro exigendis huiusmodi pecuniis in medio dictorum nobilium et ignobilim universitatis predicte possessionis Zakachy constituti fuerint, extunc iidem nobiles unum eorum hominem fidelem e medio ipsorum dictis hominibus eorundem abbatum et conventus dicte ecclesie Sancti Martini previa racione per eosdem ad eos transmissis pro adiutorio dare deberent et tenerentur, ipsique homines eorundem domini Mathei ac successorum suorum abbatum et conventus eiusdem ecclesie Sancti Martini eundem hominem eisdem sic asignatum medio iuramento de veritate dicenda, qui utpote dictis pecuniis obligentur, astringere valeant atque possint.||
Hoc eciam adiecto, quod si dicti nobiles, aut eorum iobagiones dictos singulos duodecim denarios prefatis domino Matheo, ac eiusdem successoribus abbatibus et conventui ecclesie predicte sive hominibus eorundem [in] prescriptis festivitatibus Sancti Martini episcopi et confessoris plenarie et integre dare aut solvere nollent, non possent, aut quovis modo recusarent, extunc solum vigore presencium et absque strepito cuiuslibet iudicii, tam dicti [nobile]s, quam eciam iobagiones eorundem tam de vineis eorum, quam eciam novarum frugum germinibus veras et integras decimas dare et solvere deberent et tenerentur.||
Ad que omnia et singula premissa observanda prenominati Petrus Alffewldy et B1asius Kondakory memoratos dominum Matheum archiabbatem et conventum predicte ecclesie Sancti Martini, annotati vero Thomas prespyter, Ambrosius Miklos, Iohannes Ellyessy (!), Blasius Tholvay, Petrus Magnus, Sebastiamus Palffy, Iacobus Poka et Thomas Kalman se personalibus eorum astinciis, memoratos vero nobiles et ignobiles dicte possessionis Zakachy, pro quibus, ut premissum est, cum literis procuratoriis astiterunt, virtute et auctoritate procuratoria prenotata, alios siquidem pro quibus, ut puta sine literis procuratoriis comparuerunt, simpliciter sponte obligassent, immo obligarunt coram nobis.||
In cuius rei testimonium firmitatemque prepetuam presentes literas nostras privilegiales pendentis et authentici sigilli nostri munimine roboratas eisdem domino Matheo archiabbati et conventui dicte ecclesie Sancti Martini ac prenominatis nobilibus et ignobilibus antefate possessions Zakachy duximus concedendas communi suadente iusticia. Datum die dominica proxima ante festum Epiphaniarum Domini, anno eiusdem MDV. [1505. jan. 5.]