Iulius episcopus, servus servorum Dei dilectis filiis abbati et conventui monasterii Sancti Martini de Sacro Monte Pannonie Ordinis Santi Benedicti Iauriensis diocesis ad Romanam ecclesiam nullo mediante pertinentis salutem et apostolicam benediccionem. Cum sicut ex parte vestra fuit expositum coram nobis, vos et predecessores vestri, qui fuerunt pro tempore, quibusdam privilegiis et indultis a predecessoribus nostris, Romanis pontificibus monasterio vestro concessis propter simplicitatem aut iuris ignoranciam seu aliqua legitima impedimenta usi non fueritis temporibus retroactis, nos vestris supplicacionibus inclinati eiusdem monasterii indemnitati imposterum precavere volentes, utendi decetero eisdem privilegiis et indultis non obstantibus obmissionibus huiusmodi, dummodo eis non sit per prescripcionem vel alias legitime derogatum, auctoritate presencium vobis concedimus facultatem. Nulli ergo omnium hominum liceat hanc paginam nostre concessionis infringere vel ei ausu temerario contraire. Si quis etc.||
Datum Rome apud Sanctum Petrum anno incarnacionis dominice millesimo quingentesimpo quinto, quarto Kalendas Iunii, pontificatus nostri anno secundo. [1505. máj. 29.]