Nos Clemens Zarka de Dewrgetzesenthpeter vicecomes et iudices nobilium comitatus Wesprimiensis damus pro memoria, quod, cum nos ad legitimam petitionem religiosi fratris Mathei, abbatis de Beel, nobilem Gregorium Sebestyen de Wamos unum ex nobis iudicem nobilium ad infrascriptam inquisitionem faciendam duxissemus destinandum, qui tandem exinde ad nos reversus nobis retulit, quomodo ipse feria tertia proxima post festum Epiphaniarum Domini proxime preteritum [1506. jan. 7.] in dicto comitatu Wesprimiensi procedendo ab omnibus nobilibus et ignobilibus boni status et honeste conditionis hominibus, a quibus decens et oportunum fuisset, palam et oculte sub iuramento diligenter inquirendo talem de infrascriptis scivisset veritatem, quomodo diebus proxime elapsis providus Michael Toth, iobagio prefati exponentis in portione sua possessionaria in possessione Kayar habita ac providus Blasius Kepes, iobagio nobilis Ladislai de Saar in portione sua possessionaria in dicta Kayar habita commorantes, in quendam (!) maccello in portione possessionaria prefati exponentis sese mutuo crinibus attraxissent; tandem, dum prefatus Michael Thoth ad iudicem iuratum dicti Ladislai Saary in dicta Kayar constitutum pro exponenda facta premissa (!) ivisset, tunc prefatus Blasius Kepes, Ambrosius et Matheus, filii eiusdem, armatis manibus ad dictam domum prefati iudicis ivissent, ibique enormibus verbis vituperiosis dictum Michaelem Thoth affecissetit et nisi defensio nobilis Barnabe Fwrko affuisset, de ipsa domo iudicis ad propria sua venire ausus minime fuisset; insuper eidem ibidem minas mortis imposuissent; hiis non contenti, dum die eodem, sub tectura domus sue prefatus Michael Thoth sedere habuisset, tunc prefati Ambrosius et Matheum hoc dicto Michaeli dicere habuissent, ut patrem ipsorum percomedisset (!), sciat se certum cum suis comitibus et heredibus in memoriam tradere, potentia mediante in preiudicium et dampnum prefati exponentis manifestum. Datum Wesprimii, feria quarta proxima post festum Conversioni Beati Pauli apostoli, anno Domini millesimo quingentesimo sexto. [1506. jan. 28.]||
[Hátán széljegyzet:] Feria quarta post Inventionis Crucis Ambrosius sexto se sede (?) veniens, ut ad malum non ivisset, sed pro defensione patris (?) ipsorum ivissent.