Nos capitulum ecclesie Iauriensis memorie commendamus, quod nobiles Nicolaus et Ladislaus Kalthy de Kalthaza ad nostram personaliter venientes presenciam et idem Nicolaus Kalthy onera et quelibet gravamina Mathie, Oswaldi, Petri filiorum et Katharine, Petronolle et Barbare filiarum suarum aliorumque quorumcunque fratrum, proximorum et consanquineorum suorum quoad infrascripta super se assumendo, prefatus eciam Ladislaus similiter onera et quelibet gravamina universorum fratrum, proximorum et consanguineorum suorum, si in infrascriptis persistere nollent, super se recipiendo ab una parte, si quidem ex altera religiosus frater Michael de Kissomlyo sacerdos cum procuratoriis suffcientibus reverendi domini Mathei abbatis et conventus monasterii Sancti Martini Sacri Montis Pannonie consimiliter oneribus quorumlibet super se assumendo et per prefatos Nicolaum et Ladislaum Kalthy confessum extitit in hunc modum: quomodo ipsi illi permutacioni sew .fassioni, quam nobilis Michael de eadem Kalthaza in porcione sua possessionaria in dicta Kalthaza in comitatu Wesprimiensi existenti habita ac prediali in prediis Felsewkalthaza et Bodonthelek in eodem comitatu Wesprimiensi habitis simul cum cunctis utilitatibus, terris videlicet arabilibus cultis et incultis, pratis, fenetis, pascuis, silvis, nemoribus, rubetis aquis aquarumque decursibus vineis et eorumdem promontoriis generaliter vero cunctis utilitatum integritatibus ad easdem porciones suas spectantibus et pertinere debentibus prefatis domino Matheo abbati et conventui dicti monasterii Sancti Martini factis, habitis certis respectibus salutis animarum ipsius Michaelis et fratrum suorum, consensissent benevole et assensum prebuissent, imo consenserunt et assensum prebuerunt benevolum sub ea condicione, quod quia predicta predia Felsewkalthaza et Bodonthelek nunc in lite existencia, si temporis in eventu per prefatos Nicolaum et Ladislaum auxilio prefatorum domini abbatis et conventus rectificari poterunt, iidem Nicolaus et Ladislaus facta huiusmodi rectificacione eosdem dominum abbatem et conventum in dominium totalis porcionis eiusdem Michaelis in eisdem prediis habitis introducere debebunt et tenebuntur harum literarum nostrarum vigore et testimonio mediante. Datum feria sexta proxima ante festum Pentecostes anno Domini millesimo quingentesimo undecimo. [1511. jún. 6.]