In nomine Domini amen. Anno a nativitate eiusdem millesimo quingentesimo undecimo, indiccione terciadecima, die vero vigesima octava mensis Iunii, [1511. jún. 28.] hora vesperarum vel quasi, in domo habitacionis mei notarii in area capitulari Iauriensis fundata, pontificatus siquidem sanctissimi in Christo patris et domini nostri domini Iulii providencia divina pape secundi, anno eius octavo, constituti personaliter in mei notarii publici subscripti ac connotariorum meorum et testium infrascriptorum ad hec specialiter vocatorum et rogatorum presencia reverendi patres domini, Iohannes, Sancti Benedicti de Iuxta Gron et Georgius, Beate Marie Virginis de Colos abbates Ordinis Sancti Benedicti dixerunt et exposuerunt: nuperrime ad ipsorum noticiam devenisse, quod reverendissimus in Christo pater et dominus dominus Petrus, miseracione divina tituli Sancti Ciriaci in Thermis presbyter cardinalis Reginus ac abbaciarum Sancte Marie de Pechwaradino et Sancti Salvatoris de Saxardia Ordinis Sancti Benedicti perpetuus commendatarius et administrator, omnes et singulos fructus, redditus et proventus et emolumenta universa dictarum abbaciarum arendasse et in arendam concessisse pro aliis tribus annis incipientibus in fine prime arendacionis, que erit prima dies mensis Iulii, proxime futuri, anni a nativitate Domini 1511. pro summa et quantitate duorum milium florenorum auri in auro camere pro quolibet anno solvendo Rome, hoc modo videlicet, duo millia in mense Ianuario, proxime preterito, anni a nativitate Domini millesimi quingentesimi undecimi pro primo anno scilicet triennii, que iam sunt soluta, alia duo milia similiter in mense Ianuario futuri videlicet anni a Nativitate Domini milesimi quingentesimi duodecimi pro secundo anno scilicet triennii et alia duo millia similiter in mense Ianuario anni a nativitate Domini millesimi quingentesimi tredecimi pro tercio et ultimo anno scilicet triennii reverendis dominis Matheo Sancti Martini, Gregorio de Simigio, Blasio de Koppanmonostra, altero Gregorio de Thatha, Michaeli de Silizio, Iohanni de Batha, Michaeli de Sancta Trinitate ac dictis Iohanni Sancti Benedicti et Georgio de Colos ceterisque abbatibus dicti Ordinis Sancti Benedicti in regno Hungarie consistentibus et pro eis honorabili domino Petro Iohannis de Crovacia, monacho professo dicti monasterii Sancti Martini, dictorum dominorum Mathei, Gregorii, Blasii, alterius Gregorii, Michaelis, Iohannis, alterius Michaelis necnon Iohannis et Georgii ac ceterorum abbatum et capituli generalis legitimi procuratori et quod omnia contenta in instrumento arendacionis alias facte de dictis monasteriis, prout constat, manu venerabilis viri domini Simonis Regni firma et rata habeantur ac si de omnibus fieret expresse mencio et quod desuper omnia gesta per dictum dominum Petrum monachum eorum procuratorem per totum mensem Decembris proxime futuri aprobare et ratificare prefati domini Matheus, Gregorius, Blasius, alter Gregorius, Michael, Iohannes, alter Michael, necnon Iohannes et Georgius et ceteri abbates haberent ac observare (!) omnia, que ipse dominus Petrus procurator cum prefato reverendissimo domino Petro cardinali circa arendacionem fecerit et se sub penis et censuris in pleniori forma camere apostolice contentis, sub pena quatuor milium florenorum auri in auro de de camara (!) pro observacione contentorum in instrumento regestrato per venerabilem virum dominum Vincencium Baldum, canonicum Wesprimiensem obligare tenerentur. Ideo prefati domini Iohannes et Georgius abbates dicti O. S. B. nominibus propriis non vi, dolo, metu, fraude aut aliqua alia sinistra machinacione seducti sew circumventi, sed sponte pure et libere ex eorum spontanea pura et mera voluntate et sciencia instrumentum arendacionis, facte de dictis duobus monasteriis Sancte Marie de Pechwaradino et Sancti Salvatoris de Saxardia prefatis dominis Matheo, Gregorio, Blasio, altero Gregorio, Michaeli, Iohanni altero Michaeli necnon eisdem Iohanni et Georgio ac ceteris abbatibus per prefatum dominum Petrum eorundem procuratorem cum prefato reverendissimo domino Petro cardinali Regino, cum omnibus contentis in eodem, prout constat et apparet, per manus prefati domini Vincentii Rogato in civitate Bononie sub die septimo mensis Octobris anni a Nativitate Domini millesimi quingentesimi decimi [1510. okt. 7.] approbarunt, ratificarunt et confirmarunt ac desuper omnia et singula in eo contenta et ad penas in eo expressas et descriptas sese obligarunt omnibus melioribus modo, via, iure, causa et forma, quibus melius et magis de iure potest et debet, pro quibus omnibus et singulis in dicto instrumento contentis inviolabiliter tenendis et observandis obligarunt se in pleniori forma camere apostolice et more prelatorum manum dexteram pectoribus, ipsorum apponentes iurarunt ea omnia et singula sese observaturos, et ibidem prefati domini Iohannes et Georgius abbates citra quorumcunque procuratorum suorum per eos hactenus quomodolibet constitutorum revocacionem omnibus melioribus modo, via, iure et causa, quibus melius et efficacius de iure potuerunt et debuerunt, constituerunt fecerunt et solemniter ordinarunt suos certos veras legitimos et indubitatos procuratores, actores, factores, negotiorumque suorum infrascriptorum gestores ac nuncios speciales et generales ita tamen, quod specialitas generalitati non deroget nec videlicet reverendos ac venerabiles dominos Philippum de Senis camere apostolice clericum, Michelem Wytez penitenciarium apostolicum, Vincencium Baldum et prefatum Michaelem abbatem Sancti Iacobi de Silizio, fratrem Petrum Crovatum professum Sancti Martini Sacri Montis Pannonie et patrem Augustinum procuratorem congregacionis Sancte Iustine absentes tamquam presentes et eorum quemlibet in solidum ... etc. etc.||
Super quibus omnibus et singulis premissis prefati domini constituti sibi a me, notario publico infrascripto unum vel plura publicum seu publica fieri et tradi pecierunt instrumentum seu instrumenta. Acta sunt hec et facta anno, indiccione, die, mense, hora, loco, pontificatus quibus supra, presentibus ibidem honorabilibus viris, magistro Nicolao de Papa, canonico ecclesie Iauriensis ac Michaele de Loaszpatona, rectore misse defuntorum, necnon Petro et Stephano, literatis de Zala Iauriensis et Wesprimiensis diocesis testibus fidedignis ad premissa et in testimonium premissorum omnium et singulorum vocatis et requisitis.||
||
Et ego Stephanus natus Thome Garazda de Zborlyzko Wesprimiensis diocesis notarius publicus ... obsignavi et roboravi ...||
Et ego Paulus natus Blasii de Labod diocesis Wesprimiensis notarius publicus ... roboravi ...||
Et ego Anthonius natus Mathei Balassa de Kayar diocesis Iauriensis, iurisdictionis Strigoniensis, notarius publicus ... roboravi ...||
Ita est; Iohannes, abbas Sancti Benedicti de Iuxta Gron manu propria scripsit.||
Ita est; Georgius, abbas Beate Marie Virginis de Colos manu propria scripsit.||
Et ego Stephanus natus Thome.||
Et ego Stephanus de Zborlizko notarius.