Nos capitulum ecclesie Iauriensis memorie commendamus, quod venerabilis et religiosus frater Sebastianus ordinis Sancti Agustini regulam professus, prior claustri Beate Marie Magdalene de Nádasd suo ac totius ordinis ipsius Sancti Augustini nominibus cum literis sew speciali mandato sui superioris, quorum onera et singula gravamina super se assumendo coram nobis personaliter constitutus sponte et libere confessus extitit in hunc modum: quomodo ipse quoddam fenile seu pratum in territorio possessionis Felsewkalthaza in comitatu Wesprimiensi existentis habitum, ad duodecim falcastra pro nunc se extendens, Fyzeegh vocatum, alias videlicet per egregium condam Michaelem Erkffy nuncupatum in sortem et recompensam rerum parauffernialium (!) iuxta regni Hungarie consuetudinem consorti sue proveniencium in quinquaginta quinque florenis Hungaricalibus testamentaliter caustro prefato legatum, cui ab oriente quedam piscina Barathok thawa dicta circa terram spectabilium et magnificorum dominorum comitum Iohannis et Georgii comitatus terre Scepusiensis Nyék appellatam, a meridionali Nicolai Kalthy et Luce similiter Kalthy, ab aquilone Emerici pariter Kalthy et ab occidentali fenilia iobagionum monasterii Sancti Martini in possessione eiusdem Barsonyos vocata commorancium contigue dicuntur vicinari, reverendo domino Matheo abbati pro tempore constituto et conventui monasterii prelibati Sancti Martini Sacri Montis Pannonie presentibus pariter et futuris pro prefatis quinquaginta quinque florenis Hungaricalibus auri puri, boni et iusti ponderis plene, ut dixit, persolutis, levatis et ad se receptis dedisset, vendidisset et perpetuasset, immo dedit, vendidit et perpetuavit coram nobis iure perpetuo ... harum nostrarum vigore et testimonio literarum mediante. Datum in festo Beate Scolastice virginis et martyris anno MDXII. [1512. febr. 10.]