Conventus Cruciferorum ordinis Sancti Iohannis Ierosolitani domus hospitalis ecclesie Beati regis Stephani de Alba omnibus Christifidelibus presentibus pariter et futuris presencium noticiam habituris salutem in omnis salutis largitore. Ad universorum noticiam ... volumus pervenire, quod nobilis Uriel de Nagymak onera et quelibet gravamina Emerici filii ac puelle Anne, filie, omniumque fratrum, proximorum et consanguineorum suorum in subscriptis super se assumendo coram nobis personaliter constitutus sponte et libere est confessus in hunc modum: quod ipse matura in se deliberacione prius prehabita pensatis et in animum revocatis multimodis caritativis et meritoriis complacenciis reverendi domini Mathei abbatis et conventus monasterii Sancti Martini Sacri Montis Pannonie sibi temporibus et locis necessarie opportunis et presertim in redempcionibus certarum literarum suarum in conventu ipsorum emanatarum, exhibitis et impensis et in futurum eciam exhibendis, tum ex eo, tum eciam, quia nuperrime certis suis negociis prepeditus ab eisdem domino Matheo abbate et conventu quinquaginta florenos Hungaricales levasset, illum eciam diem novissimi iudicii divini, in quo omnes homines, nedum de pravis suis actibus, verum de quolibet verbo ocioso singulariter reddituri sunt racionem strictissimam, in cordis sui archana inevitabilem fore cognovisset, volens igitur ipse Uriel de Mak de huiusmodi receptis atque assumptis charitativis complacenciarum exhibicionibus gratitudinem condignam demonstrare extremumque sue emigracionis terminum operibus misericordie prevenire atque pro transitoriis eterna commutare, ut tandem ipso die iudicii Sanctorum Benedicti abbatis et Martini episcopi, sub cuius glorioso nominis vocabulo ipsum monasterium in monte super Pannonia fundatum est, gloriosis meritis ad dextris (!) divi Benedicti mereatur collocari, iis et aliis eciam certis ex causis directam et equalem medietatem predii Gwgh vocati, in comitatu Iauriensi existentis habiti simulcum omnibus suis utilitatibus et pertinenciis quibuslibet, terris scilicet arabilibus cultis et incultis, agris, pratis, pascuis, fenetis, campis, silvis, nemoribus, rubetis, dumetis, montibus, vallibus, .vineis vinearumque promontoriis, aquis, fluviis, piscinis, piscaturis, lacubus, molendinis et eorundem locis, generaliter vero quarumlibet utilitatum et pertinencium suarum integritatibus, quovis nominis vocabulo vocitatis et appellatis ad eandem medietatem dicte totalis predii Gwgh de iure et ab antiquo spectantibus, pertinereque debentibus annotatis domino Matheo abbate et conventu (!) dicti monasterii Sancti Martini eorundemque successoribus, fratribus pro ipsis quinquaginta florenis, ut premissum est, Hungaricalibus et potissimum, ut premittitur, ob sue et parentum suorum animarum salutis refrigerio dedisset, donasset, contulisset, vendidisset et in elemosinam perpetuam inscripsisset et disposuisset, imo dedit, donavit, contulit, vendidit et in elemosinam perpetuam eisdem domino Matheo abbati et conventui Sancti Martini inscripsit et disposuit per eosdem tenendam, possidendam pariter et habendam iure perpetuo et irrevocabiliter, nullum ius, nullamve iuris et dominii proprietatem idem Uriel Makky sibi ipsi aut suis heredibus reservando, sed totum et omne ius omnemque iuris et domini proprietatem, quod et quam in ipsa medietate sepefati predii Gwgh habuisset, aut in futurum habere sperasset, in et ad dictos dominum Matheum abbatem et conventum dicti monasterii Sancti Martini transtulisset, prout coram nobis transtulit pleno iure. Assumendo insuper idem Uriel Makkv oneribus omnibus premissis ultro in se levatis memoratum dominum Matheum abbatem et conventum dicti monasterii eorundemque pro tempore successorum processu temporum contra quoslibet impetitores, causidicos et actores propriis suis laboribus et expensis ac fatigiis in pacifico dominio ipsius medietatis annotati predii Gwgh defensando conservare, hac condicione per expressum declarata, quod si ipse Uriel de Mak aut heredes sui eventu temporum memoratos dominum Matheum abbatem et conventum de dominio antefate medietatis predii secludere et eicere vellent aut tempore statucionis ipsius ipseUper se vel per hominem suum in sua propria vel filiorum suorum personis contradiceret, extunc in centum florenis auri ac in estimacione sepefate medietatis annotati totalis predii Gwgh convincatur, aut ille talis suus heres in cuius nomine ipsa contradiccio fieret, ante cuiuslibet litis ingressum convincatur et convicti habeantur ipso facto. Ad que premissa observanda idem Uriel se et suos heredes coram nobis personali sua astancia propria obligavit voluntate. In cuius rei etc. ... Datum in festo Decollacionis Beati Iohannis Baptiste, anno Domi MDXV. [1515. aug . 29.]