Nos Georgius litteratus de Nema, vicecomes et iudices nobilium comitatus Iauriensis damus pro memoria, quod sabbato proximo ante festum Nativitatis Beati Iohannis Baptiste, [1517. jún. 20.] die videlicet sedis nostre iudiciarie nobis una cum nonnullis nobilibus huius comitatus Iauriensis pro faciendo moderativo iudicio causantibus Iaurini in loco sedis nostre iudiciarie sedentibus egregius Valentinus litteratus de Tharyan exhibuit et presentavit nobis quasdam litteras nostras adiudicatorias, alias in curiam regiam in presentiam scilicet personalis presentie regie maiestatis de presentia nostra apperatione interveniente transmissas et per magnificum dominum comitem Petrum, comitem de Sancto Georgio et de Bozyn, iudicem curie serenissimi principis et domini domini Lodovici, Dei gratia Hungarie et Bohemie etc. regis, domini nostri gratiosissimi approbatas et in omni sui parte roboratas, nobisque ad demandandum debite executioni remissas, iuxta quarum continentiam die dominico proximo post festum Visitationis Beatissime Marie virginis proxime preteritum [1517. júl. 5.] accessimus ad possessionem Tharyan predictam, consequenterque portionem possessionariam venerabilis fratris Iacobi, abbatis monasterii Beati Mauricii de Beel, in eadem habitam, ibique providos Iohannem Warga et Barnabam Madaraz alias per eundem fratrem Iacobum abbatem de portione prefati Valeatini litterati ibidem habita preter omnem viam iuris abductos cum omnibus eorum rebus et bonis et ad pristina eorundem habitacula, unde videlicet abducti fuerant, reduximus et pro violenta eorum abductione iuxta contenta novissimi dicti regni super inde editi quatuor sessiones iobagionales populosas et duas desertas prefati fratris Iacobi abbatis in eadem possessione Tharyan existentes habitas cum omnibus earundem utilitatibus et pertinentiis quibuslibet in et pro byrsagiis iudicialibus, in quibus videlicet idem frater Iacobus abbas ob eorundem iobagionum indebitam abductionem secundum contenta predicti decreti convictus extiterat, partim nobis vicecomiti et iudicum nobilium, partim vero prefato Valentino litterato veluti actori titulo pignoris infra earundem redemptionem possidendas statuimus, utendasque reliquimus vigore et testimonio presentium harum nostrarum mediante. Datum Iaurini in generali congratione nostra die dominico proximo ante festum Beati Laurentii martiris, anno Domini millesimo quingentesimo decimo septimo. [1517. aug. 9.]