Nos conventus monasterii Sancti Martini Sacri Montis Pannonie memorie commendamus per presentes, quod iuxta continentiam litterarum serenissimi principi domini et domini Lodovici, Dei gratia regis Hungarie et Bohemie etc, domini nostri gratiosissimi, adiudicatoriarum, pariter et iuramentalium venerabilis et religiosus frater Iacobus abbas monasterii Sancti Mauricii de Beel octavo die festi Beati Michaelis archangeli proxime preteriti [1516. okt. 6.] tertio se nobilibus super factis in dictis litteris dicti domini regis vigesimo die termini festi Nativitatis Beati Iohannis Baptiste similiter proxime preterite, [1517. júl. 13.] ad quem scilicet terminum universe cause- Signaturája: Capsa 50 X2.ntentis contra nobiles Valentinum litteratum de Chaytha et dominam Katharinam consortem eiusdem coram nobis sacramentum prestare et deportare debuisset. Ipso itaque termino adveniente dictus dominus abbas cum dictis suis coniuratoribus tertio scilicet se nobilibus presente etiam nobili Iohanne de Zelesthe, procuratore ipsorum Valentini litterati et domine Katharine, super eo, quod ipse in totali actione et acquisitione eorundem Valentini litterati et domine Katharine in eisdem litteris adiudicatoriis iam dicti domini nostri regis expressatis et contentis innocens esset penitus et immunis sacramentum, prout debebat, deposuit coram nobis. In cuius rei memoriam presentes litteras nostras patenter in papiro confectas, sigilli nostri munimine a tergo consignatas duximus concedendas. Datum quintodecimo die diei dicte iuramentalis depositionis, anno Domini millesimo quingentesimo decimo septimo. [1517. júl. 27.]