Örkényi István és János, Istvánnak fia, Kristóf, a szentmártoni monostor iránti hálából előnyös föltételekkel neki adják meghalt testvérük, Sebestyénnek Örkényen bírt másfél nemesi sessióját, temetkező hely fönntartásával átengedik az örkényi templom kegyuraságát s hozzájárulnak Örkényi Pongrác meghagyott özvegyének bevallásához. A monostor sok jótéteményben részesítette őket, most is ötven, forintot kapnak és két kisécsi szőlő jövedelmét, mely szőlők azonban a család kihaltával a Rendre szállnak vissza.Szöveg: Nos, capitulum ecclesie Iauriensis, memorie commendamus tenore presencium significantes, quibus expedit, universis, quod nobilis Stephanus et Iohannes, filii condam Luce, fili olim Mathie de Ewrken, heredes scilicet et successores olim Pethe dicti de eodem Ewrken et Christophorus filius dicti Stephani ab una, ac religiosus frater Michael de Iaurino presbyter professus monachus monasterii Sancti Martini Sacri Montis Pannonie cum procuratoriis literis eiusdem monasterii in sua ac reverendi domini Mathei abbatis et tocius conventus dicti monasterii Sancti Martini ab alia partibus, coram uobis personaliter constituti, idem Stephanus domine Elisabeth ac puellarum, Elene et Prisce, filiarum suarum, prefatus Iohannes Wolffgangi, Iohannis et Petri, filiorum ac puellarum Margarethe, Sophie et Veronice, filiarum, similiter suorum cunctorum eciam fratrum, proximorum et consanguineorum ipsorum et infrascriptis super se assumentes, sponte et libere sunt confessi in hunc modum, quomodo prefati Stephanus, Iohannes et Christophorus cupientes illis multimodis beneficiorum araciis, quibus predicti abbas et conventus eisdem temporibus opportunis et necessitatibus tum pecuniarum solucioni ac victualium et eciam redempcionum literarum tam privilegialium, quam eciam causalium, tam in curia regia, quam eciam alias, ubivis affuissent et subvenissent, vicem gratitudinis ex sinceritate cordis afectu (!) rependere, ob hoc matura intra sese deliberacione prehabita, totales porciones ipsorum possessionarias, puta unam et mediam sessiones ipsorum desertas nobilitares in dicta possessione Ewrken in comitatu Iauriensi existente habitas, que sessio integra penes sessionem nobilitarem nobilium Petri Byro et filiorum Bekew a meridie usque ad quinque iugerum terrarum arabilium ad eandem sessionem spectancium se protenderet, alias condam Sebastiani Ewrkeny, fratris ipsorum prefuisset, cui scilicet sessioni a meridie eorundem Stephani et Iohannis Ewrkeny sessio nobilitaris deserta vicinarentur; alia vero media scilicet sessio inter sessiones ipsorum Stephani et Iohannis Ewrkeny ac filiorum condam Demetrii de Marczalthew adiaceret, simulcum cunctis earundem utilitatibus et pertinenciis quibuslibet terris etc. et generaliter quarumlibet utilitatum integritatibus quovis nominis vocabulo vocitatis ad easdem de iure et ab antiquo spectantibus pertinereque debentibus ac iure patronatus ipsorum in ecclesia parochialis ipsius possessionis Ewrken, dempta una sepultura ipsis et eorum successoribus et posteritatibus in ipsa ecclesia ante altare Beatissime Marie Virginis reservata, preterea totum et omne ius ipsorum omnemque iuris et dominii proprietatem, quod et quam in illa curia seu sessione nobilitari, quam alias nobilis domina Elisabet relicta condam Pangracii comitis de Ewrken vigore literarum nostrarum annotato monasterio Sancti Martini contulisset, habuissent haberentque in futurum, habere sperassent, levatis eciam nunc ab eisdem Matheo abbate et conventu paratis in pecuniis florenis quinquaginta, tum ex premissarum condicionum intuitu, tum eciam per modum concambialis permutacionis prelibatis abbati et conventui dedissent, permutassent et perpetuo ascripsissent iure perpetuo et irrevocabiliter tenendam, possidendam pariter et habendam. E converso vero prenotatorum abbatis et conventus nominibus annotatus frater Michael virtute procuratoria prenotata totum et omne ius omnemque iuris et domini proprietatem, quod et quam ipsi et monasterium ipsorum in quibusdam duabus vineis una discreti Martini presbyteri plebani ecclesie parochialis de Nagh-Rede et altera providi Petri Thoth de Iaurino in promontorio porcionis ipsorum possessionarie in possessione Kisech in annotato comitatu Iauriensi habitarum haberent aut habere sperarent universosque fructus et quaslibet utilitates prelibatis abbati et conventui provenire debentes pretactis Stephano, Iohanni et Christophoro ipsorumque heredibus et posteritatibus universis similiter per modum concambialis permutacionis dedissent et perpetuo inscripsissent iure perpetuo et irrevocabiliter tenendas, possidendas pariter et habendas, nullum ius, nullamve iuris et dominii proprietatem pariformiter in premissis bonis in alterutrum permutatis sibi ipsis aut ipsorum posteris reservando, sed vicissim et mutuo alterutrum transtulissent et transtulerunt pleno cum effectu tali condicione mediante interposita, quod annotatus Stephanus, Iohannes et Christophorus vel ipsorum heredes ius et dominium predictarum vinearum nemini alteri vel aliis, nisi quibus abbas et conventus predicti monasterii voluerint, vendendi et alienandi habeant potestatis facultatem, isto vinculo obligaminis mediante interposito, quod si predictus Stephanus et alii prescripti predicte concambiali permutacioni contraire attentarent partemque alteram in pacifica possessione sive domino prescriptorum bonorum permutatorum tenere et conservare nollent, non possent, seu non curarent quovis modo, extunc mox in ducentis florenis Hungaricalibus convincantur et convinci debeant ipso facto. Casu vero quo iidem Stephanus, Iohannes et Christophorus absque heredum solacio ab hoc seculo decedere contingat, extunc omne ius et dominium prescriptum simulcum omnibus fructibus et utilitatibus ipsarum vinearum in et ad antedictum conventum sive monasterium devolvi et condescendi debeat. Ad que premissa quidem Stephanus, Iohannes et Christophorus sese et cunctos ipsorum posteritates personali eorum adstancia, annotatus vero frater Michael antedictos abbatem et conventum virtute procuratoria prenotata propria sua obligavit voluntate, harum nostrarum vigore et testimonio literarum mediantibus, quos in formam nostri privilegii redigi faciemus dum nobis in specie fuerint reportate. Datum sabbatho proximo ante dominicam Iudica, anno Domini MDXXV. [1525. ápr. 1.]