Asserendo ibidem prefatus dominus Matheus abbas ad sui noticiam noviter pervenisse quosdam novicios vel eciam [...] effrenatos abbates comprovinciales ipsius domini abbatis prefati disciplinacioni et correccioni s[ubiectos?] ac subditos, qui per ambiciosam inportunitatem, ut liberius eorum insolenciis et vanitatibus secularibus retro aspiciendo petulancius vacare possint et sic se incorrigibiles efficere valeant, principibusque curiarum. secularium magis adaptare et adunare possint, quorum tuicionibus se protectos ac defensos utcunque et qualitercunque reddere securiores possint et valeant eorum eciam monasteria et ecclesias despoliando sese in episcopum titularem promovere contendant et moliuntur. Eosdem autem aut alterum eorum, sic, ut premittitur, ab eorum promocione et pronunciacione coram prefato sanctissimo domino papa ac eius consistorio ac alios ubicunque, ubi de iure fieri debet et potest inhibere et impedire literasque ad huiusmodi promocionem ab emanacione et extradacione tam apostolicas, tam graciosus, quam eciam confirmatorias et alias qualescunque arestare inhibere et inpugnare, prout de iure possint et valeant in cancellaria quam alias ubicunque, literasque apostolicas tam graciosas, quam eciam confirmatorias et alias qualescunque impetrandas et obtinentes impugnando ...