Nos, Matheus abbas et conventus monasterii Sancti Martini memorie commendamus, quod nobilis Andreas Chorom de Dewecher, vicecomes comitatus Wesprimiensis, illos duodecim boves aratores iobagionum nostrorum in possessione nostra Zek vocata in dicto comitatu Wesprimiensi existenti commorancium, quos idem occasione quorundam quinquaginta florenorum Hungaricalium monete presentis ad nos, ut dicitur, per universitatem nobilium eiusdem comitatus in congregacione ipsorum generali feria secunda proxima ante festum Nativitatis Beati Iohannis Baptiste proxime preteritum [1526. jún. 18.] in oppido Leweld appellato in eodem comitatu adiacenti celebrata in medium eiusdem universitatis pro armigeris ipsorum per eandem universitatem solvi debencium impositorum, per nos, quia nobismet ipsis proprios servavimus, tenuimusque armigeros et nunc quoque servamus et tenemus, et quod nunquam antea in medium dicte universitatis quicquam pro armigeris ipsorum solverimus, non solutorum ex commissione auctoritateque annotate universitatis speciali eidem in hac parte attributa de territorio dicte nostre possessionis proprio potencia mediante abigi et abduci in haud mediocre damnum iniuriamque eorundem iobagionum nostrorum et nostram fecerat, eosdem dictis nostris iobagionibus in eodem numero plenarie reddidisset, restituisset et remisisset. Igitur eundem Andream Chorom ... quittum et expeditum ac modis omnibus absolutum ... reddimus ... Datum feria tercia, in vigilia videlicet festi Beati Iacobi apostoli, anno 1526. [1526. júl. 24.]