Nos, conventus Cruciferorum domus hospitalis ecclesie Beati Stephani regis de Alba memorie commendamus, quod nobiles Iohannes Ewrkeny et Ambrosius literatus de Naghech, idem Iohannes Ewrkeny pro se ipso personaliter et pro nobilibus Blasio Wadachy, Christophoro et Alberto Bollobas, Ambrosio Saudor et Blasio Gadoczy de eadem Ewrken unacum prefato Ambrosio literato cum procuratoriis literis honorabilis capituli Iauriensis ab una, parte vero ex altera honorabilis et religiosus frater Michael de Iaurino professus monachus monasterii Sancti Martini Sacri Montis Pannonie similiter pro se ipso personaliter et pro reverendo domino Matheo abbate et conventu eiusdem monasterii Sancti Martini procuratoriis literis eorundem coram nobis personaliter constituti, idem Iohannes Ewrkeny suorum et unacum prefato Ambrosio literato nobilium Stephani Ewrkeny, Mathie Zalay, Thome Ewrkeny aliter Bollobas et Martini similiter Bollobas de predicta Ewrken eorundemque filiorum, filiorum ac fratrum, proximorum et consanguineorum onera et quelibet gravamina super se assumentes sponte et libere sunt confessi in hunc modum, quod quamvis his superioribus temporibus inter ipsas partes racione et pretextu cuiusdam curie nobilitarie, quam alias nobilis quondam domina Elisabeth relicta quondam Pangracii comitis de Ewrken dicto monasterio Sancti Martini in perpetuam eleemosinam contulisset, necnon quorundam prediorum unius Irewn et alterius Dorogd vocatorum ac quarundam unius et medie sessionis nobilitarie ipsos abbatem et conventum et monasterium Sancti Martini ex concambiali permutacione dicti Iohannis Ewrkeny concernencium, omnino in territorio et intra limites dicte possessionis Ewrken in comitatu Iauriensi existencium et adiacencium certe lites et differencie mote fuissent et agitate, tamen ipsi nobiles universa eorum privilegia literasque et literalia instrumenta circumspicientes eosdem abbatem et conventum et monasterium predictum ius veracissimum sincerumque et efficacissimum ad dictas curias nobilitarias et predia habere videntes, tum ex eo, tum vero quia illum diem novissimi iudicii, in quo omnes homines de gestis et actibus eorum strictissimam redituri sunt racionem pensantes et pre oculis habentes, nollentes iam amplius ecclesiam Sancti Martini predictam expensis indebitis aggravare, animo ipsorum deliberato et ex certa eorum sciencia totum et omne ius omnemque iuris et dominii proprietatem, quod et quam in dictis curiis nobilitariis et prediis prenotatis qualitercunque habuissent et habere sperassent et pretendissent sperarentque et pretenderent, in et ad dictos abbatem conventumque et monasterium Sancti Martini transtulissent et transtulerunt pleno cum effectu, universas eciam litteras et quelibet privilegia ac literalia instrumenta factum eorundem curiarum et prediorum tangencia et concernencia, que et quas iidem abbas ac conventus et monasterium Sancti Martini qualitercunque, undecunque ac sub quibuscunque formis verborum haberent confectas et emanata, ratas, gratas et accepta habentes eisdem ipsorum benevolum consensum prebuissent pariter et assensum.||
Et nichilominus iuxta continenciam earundem literarum dum et quandocunque ipsi abbas et conventus voluerint metas eorundem prediorum et curiarum nobilitariarum iuste ac fideliter, quod terre arabiles quotve falcastra fenorum sub limitibus eorundem adiacerent, emonstrare iidem promisissent et promiserunt coram nobis.||
Econverso vero idem frater Michael suo et quorum supra nominibus tot et tantorum beneficiorum ac benevolenciarum prefatorum nobilium erga ipsos et ecclesiam eorum impensorum ingrati esse nolentes, prefatam curiam nobilitarem, quam annotata quondam domina Elisabeth, relicta olim Pongracii comitis, ipsis modo previo contulisset simulcum quadam particula terrarum arabilium intra vias Alapywth et Althalwth vocatas adiacenti, quas eisdem emonstrare literasque ipsorum de et super ipsis terris arabilibus et curia nobilitari prefatis Iohanni Ewrkeny, Blasio Wadachy et aliis predictis nobilibus ipsorumque heredibus et posteritatibus universis idem. frater Michael virtute procuratoria prenarrata dare et concedere asseruisset, prout dedisse, donasse et contulisse retulit deditque et contulit coram nobis, nullum ius, nullamve iuris et dominii proprietatem in eadem curia nobilitaria et particula terrarum arabilium prefato monasterio ipsorum reservans, sed totum et omne ius omnemque iuris et dominii proprietatem, quod et quam iidem conventus et monasterium prenotatum in eisdem habuisset aut in futurum habere speraret, in et ad prefatos Iohannem Ewrkeny ac Blasium Wadachy et alios pretitulatos transferendo pleno iure. Insuper de omnibus dampnis et expensis qualitercunque hucusque previa racione hincinde factis, illatis, patratis irrogatisque et commissis partes prescripte sese mutuo ac vicissim expeditos, quittos modisque omnibus absolutos reddidissent et commisissent, idemque frater Michael prefatos nobiles ipsorumque heredes in tutelam proteccionem specialem ipsius monasterii contra quoslibet inquietatores molestatoresque et perturbatores eorundem nobilium recepisset et pro posse ipsorum eosdem deffendere et manutenere promisisset modo simili nostra in presencia. In quorum omnium et singulorum testimonium firmitatecnque perpetuam presentes liaeras nostras ipsis partibus sub una forma verborum in pargameno confectas pendentis, et autentici sigilli nostri maioris munimine roboratas duximus concedendas. Datum sabbato proximo ante festum Beati Barnabe apostoli anno MDXXVI. [1526. jún. 9.]