Serenissimo principi et domino, domino Ludovico, Dei gracia regi Hungarie ... conventus Cruciferorum ... de Alba ... Vestra noverit serenitas nos literas eiusdem exhibitorias, admonitorias et certificatorias ... recepisse in hec verba:||
Ludovicus etc. ... Dicitur nobis in personis ... fratrum Mathei abbatis et conventus monasterii Sancti Martini Sacri Montis Pannonie ac nobilis domine Sophie, relicta quondam Gregorii literati de Zolgagyewr, qualiter circa festum Beati Gregorii pape proxime preteritum egregius Stephanus Ezeny de Ozthar, nescitur unde motus, assumptis secum providis ... iobagionibus suis in possessione sua Ozthar in comitatu Wesprimiensi existenti et habita commorantibus manibus armatis et potenciariis in et ad silvam ipsorum exponencium condivisionalem in territorio predii ipsorum exponencium Zolgagyewr vocati in comitatu Wesprimiensi habiti irruendo ibique certam partem ipsius silve igne succendi et concremari, aliam vero partem succidi et ligna succissa, quo sue placuisset voluntati, fecisset potencia mediante in preiudicium et dampnum ipsorum exponencium valde magnum.||
Cum autem iuxta constitucionem universorum dominorum prelatorum et baronum ac regni nostri nobilium in dieta et conventu eorum generali profesto Beati Georgii martyris in anno Domini MDXXIII. transacto preterito, [1523. ápr. 23.] hic Bude de mandato nostro regio celebrata factam ac per maiestatem nostram approbatam et ratificatam universi actus potenciarii a festo Beate Margarethe virginis et martyris in anno Domini MDXXI. evoluto, [1521. júl. 13.] a tempore videlicet mocionis generalis expedicionis contra Turcos per maiestatem nostram instaurate per quoslibet et contra quoslibet illati et commissi et de cetero quoque durante huiusmodi expedicione qualitercunque inferendi atque comnittendi ad instar brevis brevium evocacionum pro quinto decimo die diei admonicionis extunc fiende computando discuti debeant et adiudicari, pro eo fidelitati vestre harum serie firmiter committimus et mandamus, quatenus presentes literas nostras prenominato Stephano Ezeny, premissi videlicet actus potenciarii patratori, per vestrum testimonium fide dignum exhiberi et presentari faciatis. Qui si personaliter reperiri poterit, ibidem personaliter, alioquin de domo habitacionis sive solite eiusdem residencie admoneat eundem dicatque et committat eidem verbo nostro regio, ut ipse prescripto quinto decimo die a die exhibicionis presencium literarum nostrarum ipsi extunc fiende computando personaliter, vel per procuratorem suum legitimum coram nostra personali presencia comparere prescriptosque iobagiones suos modis omnibus statuere debeat et teneatur ad querimonias accionesque et acquisiciones prenominatorum exponencium predeclaratas responsuros, exindeque iudicium et iusticiam recepturos. Certificando eundem ibidem, ut sive ipse termino in predicto coram dicta nostra personali presencia compareat predictosque iobagiones suos statuat, sive non, eadem ad partis comparentis instanciam id faciet in premissis, quod iuri videbitur expediri. Et post hec huiusmodi exhibicionis, admonicionis et certificacionis seriem cum admoniti et statui commissorum nominibus terminum ad predictum, ut fuerit expediens, nostre personali presencie prenotate fideliter rescribatis et secus non faciatis. Datum Bude in crastino festi Invencionis Sancte Crucis, anno Domini MDXXVI. [1526. máj. 4.]||
... igitur ... frater Sebastianus Dalmady ... sabbatho proximo ante festum Penthecostes ... litteras vestre maiestatis ... Stephano Ezeny ... in possessione Ozthar ... exhibuit ... Datum decimo die diei exhibitionis, anno supradicto.