[M]agnifico viro domino Nicolao de Gara, regni Hungarie palatino et iudici Comanorum, amico eorum honorando, capitulum ecclesie Wesprimiensis amiciciam paratam cum honore. Noveritis, quod cum nos receptis litteris vestris adiudicatoriis, modum et formam possessionarie divisionis in se exprimentibus, pro partibus infrascriptis loquentibus, nobis amicabiliter directis, iuxta quarum continenciam unacum magistro Ladislao de Alba, notario et homine vestro, in eisdem litteris vestris inter alios homines vestros nominatim conscriptos, nostros homines, videlicet dominum Paulum, socium et concanonicum nostrum ac magistrum Michaelem, rectorem altaris Sancti Iohannis evangeliste, nostris pro testimoniis ad contenta dictarum litterarum vestrarum perficienda et exequenda pro ipsis partibus duxissemus transmittendos; demum iidem exinde ad nos reversi nobis uniformiter retulerunt, quod ipsi quintodecimo die festi Pasce Domine proxime preteriti [1429. ápr. 10.] et aliis diebus ad id aptis et sufficientibus ad faciem possessionis Theleky vocate comitatus Symigiensis, vicinis et commetaneis eiusdem universis illuc legitime convocatis et eisdem ac domino Paulo decano, procuratore honorabilis capituli Albensis, preterea religioso viro abbate Tykoniensi, necnon Iohanne litterato religiosarum dominarum sanctimonialium de insula Leporum, item Paulo litterato de ordine cruciferorum ecclesie Sancti Regis Stephani de Strigonio, legitimis procuratoribus, necnon priore de Leweld ac magistris Bartholomeo et Ladislao, filiis Ffanch de Gordwa, qui personaliter pro se ac pro Stephano fratre eorum cum sufficientibus litteris procuratoriis adhesissent, presentibus accessissent.||
1. Ubi primo iuxta donacionem Sancti Regis Stephani annotato capitulo Albensi pro viginti septem mansionibus sessiones populosas et desertas, non largas, prout in illis partibus sessiones servare dinoscuntur, cum particula terre, in ordine earundem sesssionum, a parte Balatini adiacencium, pro locis sessionum apte; pro silva vero quasi sexaginta guinque iugerum, rubetum quinque iugerum usualium inter vineas, dicto capitulo deventas, adiacentes, eo quod silvas in territorio eiusdem possessionis invenire non valuissent, pro ipsis autem sexaginta iugeribus silvarum ibidem totidem iugera terre usualia; pro ipsis siquidem vineis incultis quatraginta tres incultas, pro residuis autem triginta septem terras arabiles et iuniperosas, non largas, eo quod inibi plures vineas incultas reperire nequivissent, preterea vineas sexaginta cultas supra et iuxta easdem sessiones ipsius capituli, quarum una Vallentini villici, filii Iohannis, secunda condam Blasii Beke, tercia Alexii filii Nicolai Sartoris, quarta Petri Chykeez, quinta Michaelis et Ladislai, filiorum Mathie Wrdugh, sexta Anthonii Sclaui, septima Andree, filii Benedicti, dicti de Zaraztho, octava Gregorii Zalay, nona predicti Valentini villici, filii Iohannis, decima Petri filii dicti Benedicti de Zaraztho, undecima Sebastiani, filii Paska, duodecima Gregorii, filii dicti Paska, tredecima Gregorii, filii Andree et Pauli Sartoris, quartadecima Dyonisii, filii Iohannis Sclavi, quintadecima Benedicti, filii Pauli, sedecima prefati Valentini villici, filii Iohannis, decima septima et decima octava Gregorii dicti Torma, decima nona Anthonii Sclavi prefati, vigesima Blasii Iwanch, vigesima prima Andree Iuanch, vigesima secunda prefati Sebastiani Paska, vigesima tercia Georgii Gender, vigesima quarta et vigesima quinta Stephani, filii Thome, vigesima sexta Iacobi Chikeez, vigesima septima Georgii Iuanch, vigesima octava ecclesie Sancti Andree apostoli in eadem Theleky fundate, vigesima nona Georgii Torsa, tricesima Andree Ianch (!), tricesima prima Alberti dicti de Warangh, tricesima secunda Valentini Anyani, tricesima tercia tercia (!) Petri Gombos, tricesima quarta et quinta Pauli dicte ville Theleky, tricesima sexta Georgii Gender, tricesima septima relicte Blasii Beke, tricesima octava Anthonii Chege, tricesima nona Stephani Wrdugh, quadragesima Clementis, filii Wrdugh dictorum, quadragesima prima Iacobi, filii Petri, quadragesima secunda Blasii, filii Galli, quadragesima tercia Bartholomei, filii Michaelis, quadragesima quarta dicte ecclesie Sancti Andree apostoli, quadragesima quinta Dyonisii dicti Banyas, quadragesima sexta relicte Michaelis litterati, quadragesima septima Anthonii Wrdugh, quadragesima octava Petri Kyral, quadragesima nona Stephani Chorba dictorum, quinquagesima prefati Alberti Warangy, quinquagesima prima Demetrii, filii Mathe, quinquagesima secunda Cozme, filii dicti Mathie (Mathe!) quinquagesima tercia dicti Demetrii, filii Mathe, quinqaagesima quarta Anthonii, filii Iohannis, quinquagesima quinta Blasii, filii Galli prefati, quinquagesima sexta Benedicti Villici dicti de Fuzed, supra vallem Balatonywelgh ab occidente adiacens, quinquagesima septima ibidem Thome Pomka dicti, quinquagesima octava prefati Demetrii, filii Mathe, quinquagesima nona Gregorii Paska, sexagesima Thome Chok dicti, haberentur, reliquissent. Quas quidem sessiones, vineas cultas, incultas, rubetum et terras prenarratas ab aliorum porcionibus sub infrascriptarum metarum cursibus taliter sequestrassent.||
Quod primo incepissent in valle Apathyuulgh dicta, supra quam dicta ecclesia Sancti Andree apostoli fundata haberetur; in qua quidem valle rivulus scaturiret et flueret ad orientem, ubi iuxta rivulum ab aquilone prope ortum Alexii, filii Nicolai Sartoris ad unam arborem salicis metam terream cumulassent. Inde in eadem valle versus plagam occidentis iuxta ipsum rivulum usque caput ipsius procedendo, metam terream, deinde in ipsa valle non longe, plagam ad prescriptam usque caput ipsius vallis directe ascensive procedendo sub eodem capite metam erexissent; dehinc ... et directe ad ipsam plagam parvum pergendo venissent ad viam magnam, que de dicta possessione Teleky ante dictam ecclesiam Sancti Andree apostoli exiret et duceret versus villam Wyz, ubi iuxta ipsam viam metam terream cumulassent. Inde de ipsa via saliendo ad aliam viam ad partem septentrionalem et modicum eundo penes ipsam viam, similiter metam terream, abhinc in ipsa via versus dictam plagam per competens spacium pergendo, metam terream secus ipsam viam a parte orientis, deinde via in eadem ad ipsam plagam similiter per competens spacium eundo, penes ipsam viam a parte orientis in margine rubeti metam terream, abinde in eadem via ad dictam plagam pergendo, incidissent in aliam viam, iuxta quam a parte orientis metam terream agregassent. Abhinc in ipsa via reflectendo et descensive ad dictam plagam orientalem in eadem via inter vineas procedendo venissent usque ad aliam viam, de ipsa possessione Teleky egrediendo similiter inter vineas ad dictam plagam septentrionis iacentem, penes quam metam terream elevassent. Abhinc in eadem via versus dictam plagam septentrionis satis per competens spacium pergendo iuxta eandem viam a parte orientis metam terream, deinde in eadem via ad eandem plagam per bonum spacium eundo et de ipsa via saliendo, venissent ad caput montis Balatonyfe vocati, ubi metam terream elevassent. Inde reflectendo ad partem occidentis et descendendo inter vineas ad vallem Balatonuuelgh dictam, et de eadem ad magnam arborem piri silvestris, metam terream cumulassent. Dehinc ascendendo montem ad dictam plagam occidentis et in latere eiusdem metam terream, abhinc reflectendo et in eodem latere ipsius montis ad dictam plagam septentrionalem per competens spacium eundo, in descensu ipsius montis iuxta quandam vineam metam terream fecissent. Deinde per medium ipsius vinee ad dictam plagam septentrionalem per modicum spacium pergendo, subtus quasdam arbores nucum metam terream cumulassent. Abinde parvum descendendo, reflexive ad partem orientis in latere eiusdem montis metam terream elevassent. Inde ad predictam vallem Balatonyuuelgh descendendo, iuxta viam magnam, in eadem valle existentem, metam terream agregassent. Dehinc ad partem orientalem declinando, sub capite montis Monosohegye apellati, ipso monte ad partem meridionalem ipsi capitulo remanente, pergendo, ad partem orientalem venissent usque latus ipsius montis, a dicta plaga orientis existentis. Et deinde ad dictam plagam meridionalem reflectendo et sub eodem monte in marginibus dictarum vinearum ipsius capituli versus dictam villam Teleky pergendo, venissent non longe circa sessiones, in porcionem dicti abbatis deventas, et alveum dictas sessiones ipsorum abbatis et capituli distingentem (!), in quo alveo magne arbores nucum et rivulus scaturiens haberentur. Ubi inter terras arabiles metam terream fecissent ipsis capitulo et abbati sequestrando. Inde ad eandem plagam meridiei non longe eundo, venissent iuxta ipsum alveum, et in margine eiusdem a parte orientis metam terream eisdem capitulo et abbati distingentem cumulassent. Inde descendendo in medium ipsius alvei et plagam ad prescriptam in eodem alveo et rivulo ac inter sessiones dictorum capituli et abbatis necnon loca sessionalia transivissent usque in illum locum, ubi idem rivulus caderet seu flueret in prescriptum priorem rivulum, et deinde in eodem priori rivulo contra meatum eiusdem versus dictam plagam occidentalem pergendo, venissent ad priorem metam. Pro ipsis autem terris quatuor aratrorum, in eisdem litteris sancti regis Stephani explicatis, terras terras (!) arabiles subtus vineas predictas iamfati capituli, inter easdem scilicet vineas et viam, que de ipsa possessione Teleky veniret versus possessionem Euzed, a dicto alveo usque metas eiusdem possessionis Euzed existentes, preterea alias terras arabiles, in terris Kuzepfeld inter prescriptam viam et aliam viam, a parte prati existentem, consimiliter de eadem Teleky ad eandem possessionem Euzed ducentem, ac inter tres metas, in dictis terris Kuzepfeld et aliis terris arabilibus, iuxta pratum prescriptum et a parte dicte possessionis Teleky et plagam meridiei existentibus, de novo erectas, eisdem capitulo et abbati separando. Item similiter aliam terram viginti iugerum usualium inter duas vias de ipsa Teleky progrediendo, quarum una ad possessionem Warangh, secunda vero ad villam Chepel ducerent, et inter metas eiusdem possessionis Warangh existentem, ceterum terras arabiles a quodam fonte scaturiente, in valle Zenauapaya existente, iuxta dictum pratum adiacentes usque quandam metam, in margine dicti prati pro parte dicti abbatis de novo erectam, nichilominus alias terras arabiles inter viam, de dicta Teleky ad possessionem Raad ducentem, necnon metas dictarum sanctimonialium et abbatis de Tykonis (!) de novo erectas et inter metas possessionis Balaton-Zemes adiacentem, easdem terras, semper per iugera usualia commetatas, pro quolibet videlicet aratro centum quinquaginta iugera usualia; in feneto autem, ad eandem possessionem Teleky spectante, inter possessiones Teleky predictam et Zolad, necnon predium Septer ecclesie Sancti Nicolai confessoris de dicta Alba existente, viginti iugera usualia, quodlibet eorundem in latitudine decem et septem ulnas Budenses cum media faciens, inter duas metas, in finibus terrarum arabilium predictarum et dicti prati de novo erectas, usque ad metas dicte possesssionis Zolad ac predii predicti in longitudine et plagam orienientalem se extendente eidem capitulo Albensi in perpetuum tenere et habere conmisissent.||
2. Deinde autem pro prefata ecclesia Tykoniensi secundum donacionem Andree regis, patris Bele regis quarti, pro decem et septem vinitoribus sessiones et terras pro locis sessionum aptas, non largas, pro eisdem vinitoribus conpetentes, quas ab aliorum porcionibus sic distinxissent. Quod incepissent in predicto alveo, ubi in margine eiusdem unam metam terream de novo elevassent. Inde in eodem alveo et predicto rivulo ibidem scaturiente venissent in illum locum, ubi prescriptus rivulus caderet in prefatum alium rivulum, deinde autem ad partem orientis se demitteret; et iuxta ipsum rivulum, necnon quandam viam metam terream fecissent. Abhinc ad plagam septentrionalem flectendo et in ipsa via modicum transeundo, metam terream secus ipsam viam elevassent. Deinde ad eandem plagam in eadem via procedendo et de eadem saliendo, prope quandam magnam arborem nucis metam terream erexissent. Dehinc ad dictam plagam occidentalem flectendo venissent per continuas metas, de novo erectas, ad priorem metam, in margine eiusdem alvei erectam, et ibi terminassent.||
Ceterum vineas in monte Tathharazthya, necnon terras arabiles, in eodem monte existentes, pro porcione dicti abbatis -- quarum quidem vinearum una Stephani Chorba, secunda Gregorii Torma, tercia, quarta et quinta Benedicti Chuuek, sexta Petri Kyral, septima Stephani, filii Georgii, octava Georgii, filii Clementis, nona Nicolai, filii eiusdem Clementis, decima Andree, filii iamfati Clementis, undecima Gregorii, filii Vitalis, duodecima Cozme, filii Mathe, tredecima Egidii, filii Ladislai, quartadecima eiusdem Egidii, quintadecima Mathie, Magni dicti de Zolad, sedecima prefati Georgii, filii Clementis, decima septima Nicolai, filii ipsius Clementis, decima octava dicti Andree, filii iamfati Clementis, decima nona et ultima Gregorii Zalay dicti existens -- quas quidem vineas et terras arabiles, hoc modo ab aliorum iuribus separassent. Quod primo incepissent in dicta via, que veniret de dicta ecclesia Sancti Andree in loco, ubi ipsa caderet in predictam viam, que transiret inter vineas infra ad plagam orientis, ubi penes ipsas vias et dictam metam prefato capitulo sequestrando, duas alias metas terreas, quarum una prefato abbati, secunda vero dictis sanctimonialibus distingerent, elevassent. Abhinc in eadem via versus partem aquilonis modicum eundo, incidissent in aliam viam et in ipsa via per competens spacium eundo iuxta eandem viam a parte orientis metam terream cumulassent. Hinc plagam ad eandem ipsa via transeundo in defectum ipsius vie prope terras arabiles metam terream elevassent. Inde ad partem orientalem reflectendo et parvum procedendo, in sumpmitate montis metam terream fecissent. Inde ad eandem plagam ad dictam vallem Balatonyuuelgh descendendo, in latere montis metam terream cumulassent. Deinde magis descendendo, venissent ad dictam arborem piri silvestris, ad quam metam terream, prefato capitulo separantem erexissent, iuxta quam aliam metam terream elevassent. Dehinc ad eandem plagam de ipsa valle ascendendo ad montem, venissent ad aliam metam, ipsi capitulo in cacumine ipsius montis erectam, iuxta quam aliam metam terream prope quandam arborem piri silvestris fecissent. Deinde ad eandem plagam parvum eundo, incidissent in predictam viam, que ad partem orientalem predictam sequestraret dicto capitulo, et in eadem via reflectendo ad partem meridiei versus dictam possessionem Teleky et per competens spacium in ipsa via pergendo, iuxta eandem metam terream a parte occidentis in opposito alterius mete terree, dicto capitulo separantis, cumulassent. Inde in eadem via per bonum spacium eundo, venissent usque ad illum locum, ubi ipsa via caderet in ipsam aliam viam, et ibi prescriptam metam terream, primitus pro dicto capitulo erectam, pro ipsis capitulo et abbati distingere conmisissent. Inde in ipsa via ad partem occidentis reflectendo, ascensive venissent ad priorem metam, ubi incepissent.||
Item similiter pro porcione eiusdem abbatis terras arabiles, a prescriptis metis, in fine dicti prati necnon in terris arabilibus Kuzepduleufeld et prope sessiones, dicto abbati deventas, erectis, incipiendo, usque quandam semitam, de fluvio molendini, in monte ad plagam meridiei existentis, ad ipsam Teleky ducentem, et metas, dictis sessionibus separantes, eidem abbati Tykoniensis, item de predicto ffeneto viginti iugera a parte meridiei iuxta fenetum dicti capituli, ex parte autem aquilonis secus idem fenetum eiusdem capituli decem iugera, ipsa iugera similiter cum dicta ulna modo prenarrato mensurata, similiter eidem abbati.||
3. Ulterius autem pro dictis sanctimonialibus illam possessionem seu porcionem, quam domina regina, mater domini Stephani regis, et idem dominus Stephanus rex eis contulisset, et pro aliis eorum iuribus sessiones ac terram, pro locis sessionum congruentem, in uno ordine subtus ecclesiam Sancti Andree predictam cum ortis, ad ipsum rivulum priorem adiacentibus, quas a porcionibus aliorum eomodo separassent. Quod primo incipiendo a plaga occidentali iuxta ipsum rivulum, in predicta valle Apatywelgh fluentem, a quadam meta terrea, sub arbore nucis de novo erecta, et ab alia meta terrea, similiter de novo cumulata, prope quoddam precipicium, vulgo Ay dictum, inde sub dicto monte ad plagam orientalem transeundo, venissent ad plateam et in eadem platea ad dictam plagam orientalem procedendo venissent ad quandam viam magnam, ubi metam terream fecissent.||
Preterea pro tribus locis sessionum vduarnicalium, quas ex donacione regis Ladislai, filii Stephani, habuissent, quandam terram seu montem, a dicta plaga orientali retro ortos sessionum, ad porcionem dictorum filiorum Fanch deventarum, adiacentes, quas per hunc modum separassent. Quod incepissent iuxta ipsam magnam viam et eandem saliendo ad dictam plagam orientis et modicum procedendo, iuxta prescriptum rivulum metam terream elevassent. Abhinc reflectendo ad partem meridiei subtus ipsum montem in fossato procedendo, pervenissent ad truncum arboris exuste. Inde parvum eundo, venissent usque viam, que exiret de ipsa Teleky et transiret versus predictam possessionem Nezde, ubi secus dictam viam metam terream elevassent. Deinde versus plagam occidentis declinando, venissent usque dictam magnam viam, ubi ipse due vie coniungerentur, ibique metam terream agregassent. Inde in eadem via versus Balatinum flectendo, venissent ad prescriptum rivulum et ibi terminassent.||
Item unam sessionem supra curiam et domum dicti plebani, ante dictam ecclesiam Sancti Andree existentem, similiter eisdem dominabus; deinde autem terras arabiles, in monte Komlohegh adiacentes inter dictam semitam, de dicto fluvio molendini ad ipsam Teleky ducentem, necnon inter dictum fluvium molendini ac dictam viam, de Teleky ad dictam Warangh ducentem, et inter fontem Werche kutha appellatum ac molendinum Nogmalom nominatum, ad ipsam Warangh pertinens, eisdem dominabus; nichilominus terram, in latere dicti m(ontis) iuxta dictam ecclesiam pro vinea uti in septem iugeribus adiacentem, nemorosam cum una vinea ibidem existente similiter eisdem sanctimonialibus; preterea vineas et terras arabiles, in monte Meuethmal adiacentes, quarum quidem vinearum una Nicolai dicti Tallas, secunda dicte ecclesie Sancti Andree, tercia et quarta Martini dicti Twrhegh, quinta Petri dicti Cheok, sexta Iacobi Cwuek, septima Bartholomei, filii Michaelis, octava Pauli Sartoris, nona Benedicti, filii Iohannis Sclaui, decima et undecima Dominici dicti Luka, duodecima Thome Hegedys, tredecima Benedicti Eleuhaso, quarta decima et ultima Anthonii Sclaui haberentur, consimiliter eisdem dominabus; ipsasque vineas et terras sub istarum metarum cursibus separassent. Quod primo incepissent in ipsa incepcione abbatis, ubi ex parte occidentali secus dictam viam et metas, ipsis abbati et capitulo separantes, metam terream erexissent. Deinde ad partem meridici in eadem via per bonum spacium procedendo, iuxta eandem viam, a parte occidentis et secus aliam metam, dicto capitulo separantem, metam terream agregassent, deinde ad eandem plagam via in eadem per competens spacium pergendo, metam terream a parte occidentis iuxta aliam metam, a parte orientis, ipsi capitulo positam, cumulassent. Inde ad eandem plagam meridiei in ipsa via per bonum spacium eundo, metam terream a parte occidentali ipsius vie prope aliam metam terream, dicto capitulo erectam, elevassent et ab ipsa meta ibidem incidissent in aliam viam, de ipsa ecclesia Sancti Andree ducentem, et in ipsa ad eandem plagam occidentis reflectendo, venissent ad vallem et locum, ubi ipsa via dupplicaretur, ibique duas metas terreas, quarum una dictis sanctimonialibus, a parte orientis, et alia dictis cruciferis separaret, erexissent; hinc in eadem valle versus plagam septentrionalem reflectendo et per bonum spacium eundo in finibus vinearum a parte occidentis, duas metas ex utraque parte ipsius vie dictis cruciferis et sanctimonialibus erexissent. Inde meando ibidem, in aliam viam, in eadem valle existentem, ad ipsam plagam septentrionalem per bonum spacium pergendo, secus ipsam viam ac infra vineas unam metam terream cumulassent. Inde in eadem valle ad montem asscendendo versus dictam plagam septentrionalem venissent directe ad unam viam, que exiret de Teleky et transiret versus dictam dictam (!) possessionem Wyz, secus quam metam terream posuissent. Inde flectendo ad plagam orientis in ipsa via et in eadem ad eandem plagam per bonum spacium pergendo venissent ad predictas tres metas, ubi inchouassent. Post hoc autem in dicto feneto quatraginta (!) octo iugera, penes porcionibus dicti prioris de Leueld existencia, eisdem dominabus sanctimonialibus.||
4. Post hoc autem pro dicta ecclesia sancti regis Stephani de Strigonio pro tota terra Salatielis, filii Ieconie, et aliis iuribus eiusdem sessiones populosas ac terram, pro locis sessionum aptam, ad partem occidentis et dictam domum predicti plebani cum ortis adiacentibus inter duas vias ac arborem sambuci, in transitu ipsius ecclesie existentem, necnon metas, a parte dicte possessionis Chepel de novo erectas, item in terris arabilibus, inter dictam viam, de Teleky ad ipsam Chepel ducentem, necnon metas eiusdem possessionis ac aliam viam, de dicta ecclesia Sancti Andree versus ipsam possessionem Wyz transeuntem, et inter vallem Orduelgh, necnon prescriptas duas metas, pro eisdem cruciferis ex parte eiusdem possessionis Chepel cumulatas, centum triginta duo iugera usualia sub metis circumquaque erectis similiter eisdem cruciferis; nichilominus vineas et terras arabiles in monte Cherheg appellato, quarum quidem vinearum una Iohannis, filii Bekes, secunda Ladislai, filii Nicolai dicti Karady, tercia Stephani, filii Georgii, in Albaregali residentis, quarta Dyonisii dicti Banyas, quinta Petri similiter Banyas dicti, sexta Stephani Chorba, septima Benedicti, filii Iohannis Sclaui, octava Dominici Sclaui, nona Georgii Iuanha, decima Nicolai, filii Clementis, undecima Bartholomei, filii Michaelis Sartoris, duodecima Petri et Benedicti, filiorum Iacobi Furath nominatorum existerent inter duas vias, unam versus dictam possessionem Wyz et aliam versus dictam ecclesiam Omnium Sanctorum ducentes, ipsasque sub limitibus metarum, infra denotandarum, taliter ab aliorum porcionibus separassent.||
Quod primo incepissent in prescriptis duabus metis, quarum una dictis sanctimonialibus et alia abbati Tykoniensi separarent, ubi eciam quedam semita caderet in dictam viam, que de dicta Teleky veniret in dictam possessionem Wyz, inter vineas in valle Ordwelg erectis, inde vero in eadem via de ipsis metis et valle ad montem inter vineas predictas versus eandem possessionem Wyz et plagam occidentalem transeundo, in latere eiusdem montis prope quasdam arbores merasii iuxta eandem viam duas metas terreas, unam dictis cruciferis a parte septentrionali, et aliam a parte meridiei prefato priori et conventum de Leueld separantes de novo erexissent. Deinde ad eandem partem occidentalem ascensive pergendo, in cacumine eiusdem montis prope ipsam viam in fine vinearum duas metas terreas elevassent, quarum una ex parte metarum dicte possessionis Chepel, porcionis scilicet dicti capituli Albensis, ipsis priori et conventui de Leueld, aliam autem dictis cruciferis sequestrarent. Inde descendendo ad vallem in latere dicti montis ad dictam plagam occidentalem metam terream posuissent. Abhinc reflectendo ad partem septentrionalem et modicum transeundo, metam terream elevassent. Abhinc ad dictam plagam occidentalem in vallem descendendo, in fine cuiusdam vinee metam terream cumulassent. Abinde ad plagam aquillonalem ad montem ascendendo, inter vineas prope quandam arborem nucis exustam metam terream erexissent. Inde ad eandem plagam inter vineas in quadam semita per competens spacium pergendo, in fine vinearum metam terream fecissent. Post hoc autem ad eandem plagam pergendo, venissent usque dictam viam, de dicta Teleky ad dictam ecclesiam Omnium Sanctorum ducentem, iuxta quam metam terream agregassent. Deinde via in eadem flectendo, ad partem occidentalem versus dictam possessionem Teleky per bonum spacium procedendo, descendissent ad dictam vallem Ordwelgh prope quandam arborem piri silvestris, iuxta ipsam viam metam terream fecissent. Inde via in eadem magis ad dictam vallem descendendo, venissent usque metam terream, in fine vinearum dictis sanctimonialibus erectam, ubi aliam metam terream a parte meridiei iuxta ipsam viam agregassent. Abhinc reflectendo ad dictam plagam meridiei et in ipsa via procedendo, pervenissent ad priorem metam, ubi inchouassent (!). -- Item in dicto feneto inter porcionem dicti abbatis et filiorum Fanch ad quadraginta iugera, in latitudine se extendencia, eisdem cruciferis in perpetuum reliquissent.||
5. Postmodum autem, quia prefati filii Fanch eis duas litteras -- unam domini nostri regis Sigismundi donacionalem super porcione Iohannis Ffanch in Teleky et alias habita, ipsis filiis Fanch collata, et aliam conventus Symigiensis, per mures corrosam, que pro anno non plures dicciones, sed solum has duas dicciones: «Anno tercio» habuisset -- exhibuissent, in cuius serie vidissent contineri, quomodo Dominicus, fllius Pauli, ab una parte, ex altera vero Fanch, frater eiusdem, coram dicto conventu astando, inter se in eorum porcionibus fecissent divisionem, in qua quidem dicisione porcio Murob et Mathie, in Teleky existens, dicto Fanch devenisset. Et ideo hiis exhibitis, dictas ambas litteras eisdem filiis Fanch tempore reportacionis premissorum ipsi vestri et nostri homines coram nobis reexhibere conmittendo, sessiones populosas quatuor et unam desertam, necnon terram, pro duabus sessionibus aptam et sufficientem -- quarum quidem sessionum tres populose et terre pro ipsis duabus sessionibus in una linea inter sessiones dictarum sanctimonialium et loca sessionalia prioris de Leueld usque quandam arborem ulmi, vulgo Zylfa dictam, due vero earundem sessionum, subtus ecclesiam predictam a parte orientis similiter in uno ordine existentes -- eisdem flliis Fanch, terras vero arabiles, a metis possessionis Euzed incipiendo, usque predictam vallem Zenauapaya, penes prefatum pratum adiacentem, eisdem sessionibus sufficientes, item vineas, in dicto monte Cherheg, et terras arabiles, inter duas vias predictas ac iuxta porcionem dictorum cruciferorum, necnon metas dictarum religiosarum dominarum ac inter terras dicte ecclesie Omnium Sanctorum existentes -- ipsarum itaque vinearum una Dominici, filii Luka, secunda Iacobi dicti Cwek, tercia Egidii, filii Ladislai, quarta iamfati Dominici, filii Luka, quinta, sexta, septima et octava eorundem filiorum Fanch haberentur -- preterea in prefato prato quadraginta octo iugera, inter dictas metas ipsius possessionis Euzed et porcionem iamfatorum cruciferorum, metis consignatam, prescriptis filiis Fanch conmisissent perpetuo possidere.||
6. Ultimatim autem secundum iura prefatorum prioris et conventus de Leueld pro porcionibus eorum terram, pro sessionibns aptam, in ordine dictarum sessionum ipsorum filiorum Fanch, a dicta arbore ulmi et via ibidem habita versus prefatam possessionem Warangh usque dictas duas vias adiacencium; nichilominus terras arabiles, inter metas prefatorum cruciferorum ac inter metas dicte possessionis Chepel, necnon vallem Ordwelgh et inter prescriptam viam, que ab ipsa ecclesia Sancti Andree exiret, adiacentes; item vineas et terras, supra easdem vineas et infra in dicto monte Cherheg inter prescriptas metas dictorum cruciferorum et viam predictam, a parte dicte possessionis Chepel existentes, iuxta scilicet quam tam pro parte dictorum cruciferorum, quam eciam pro parte eorundem prioris et conventus metas terreas erexissent, usque alias metas eiusdem possessionis Chepel ab occidente ac inter vineas ecclesie Sancti Nicolai de Alba predicte et prescriptam vallem Ordwelgh adiacentes; nichilominus in prefato prato a parte dicte possessionis Warangh usque porcionem dictarum sanctimonialium quadraginta iugera, modo prescripto in latitudine mensurata, eisdem priori et conventui de Leueld pro porcionibus eorum in perpetuum possidenda reliquissent et conmisissent.||
Datum decimo die diei execucionis prenotate. Anno Domini millesimo quadringentesimo vigesimo nono. [1429. ápr. 19.]||
[Eredeti hátirata]: Magnifico domino Nicolao de Gara, regni Hungarie palatino et iudici Comanorum pro domino fratre Petro priore de Leweld, ordinis Carthusiensis, contra filios Ffanch de Gordwa super quadam possessionaria divisione sequestracioneque et metarum erectione ac statucione.||
[Közel egykorú hátirata]: In hac littera habetur, qualiter iuxta iudiciariam commissionem villa Teleky est divisa inter nos ac inter capitulum Albense et ceteras partes intrascriptas et cuiuslibet pars est cum metis sequestrata a parte alterius; et licet secundum privilegium Lewstasii pallatini plus deberemus habere in villa Teleky, tamen illud privilegium in iudicio non fuit curatum propter litteras ceterarum parcium antiquiores. Ideo consulitur prioribus futuris, ne de facili incipiant litigare iam pro possessione illa, ne paciantur dampnum et labores gratis et in vanum.