Ich, Margret hern Hainreiches witib von Swechent vergich und tu^en chunt allen den die disen brief lesent oder ho^erent lesen, di nu lebent oder hernach chu^enftich werdent, daz ich mit verdachtem mu^et und willen recht und redleich ain halb phunt pfenning wienner mu^enss ewigs geltz ze chauffen han geben prueder Hainreich von Molerstorf umb fu^enf phunt pfenning gu^eter und eber wienner mu^enss, der ich gar und ganczlich von nu gewert pin von dem weingart tail an dem Wrgendru^ezzel, daz ein hat Ott der Prwer und sein erben, daz gelegen ist zenaechst Nyclaus dez Chrumpnawer und ze naechst O^ertleins von Jens do man alle jar uns dient einen halben empmer weins ze rechtem perchrecht und nicht mer und daz weingart tail ist her chomen von Trautmann dem hu^eter daz vorgenant halb phunt geltz het ich vor gechauft auf dem offtgenanten weingart tail von den erbern gaistleichen hern di prueder ze Prukk sant Augustins orden an der Leyta und dez chauffs pin nu ledich wan ich daz egenant gelt ledich han geben dem vorgenanten bru^eder Hainreich von Molerstorf sant Augustins orden als ich vor an disem brief verrechen han daz ich noch chain mein fru^entt nit han zesprechen dar auf und mag nu fu^erwaz der vorgenant her pru^eder Hainreich allen seinen frum do mit schaffen wi er bedarf und wil und dar u^eber ze einem waren urchu^end und zu^egnu^ess gib ich im disen brief versigelt mit meinem insigel daz daran hanget und mit mines pru^eders insigel haben Pilgreims von Pu^egen der diser sach zu^eg ist der brief ist geben do man zalt von Christes gepurt driwzehen hundert iar darnach an dem driw und fu^enfzigisten iar an sant geo^ergen tag .