LI. Van der porten to slutende.\ Item int iar vnses hern MIIIICXXXII1I vp den XIII dach in Junio wort geordeneret by dem olderman vnd gemenen koepman, dat men der Dutschen hof des auendes sluten schal des winters to VIII uren vnd des sommers to negen, vnd elkerlik schal bynnen gan vnd nicht later stan vor dem haue. Vnd weret dat iemant buten to schaffende hadde buten tiden vorgeschreuen, de schal sen, dat he ene slotel hedde vptoslutende, vp vnd wedder to. Vnd weret sake, dat emant na den tiden in ofte vt dem haue ginge vnd de dor nicht na sick to en dede, de schal geuen in de bussen V schillink sterlinges, so vaken he darmede befunden wert. Vnd de meider schal daruau hebben den dordendel van den V Schillingen vorgeschreuen.