CCL. Hugel Vogt zu Hunolstein, des seligen Boemunds Sohn, bewitthumt seine Gemahlin Ida, Tochter Ulrichs vom Stein, mit der Hälfte seines Hauses zu Hunolstein. 1346 Mai 31. Kunt sy allen luden, die diesen brief sehent oder horent lesen, daz ich Hugel Voyt zu Hunoltsteyn, Herrn Boumontz seligen sone, voyt was zu Hunolt- steyn, bekennen in diesem genwertien brieue, daz ich geben vnd widemen, ge geben vnd gewidemet han rieglich vnd redlich ane widerruffen Iden mynre elichen husfrowen, Herrn Vlrichs dochter von me Steyne, myп hus halff zu Hunoltsteyn mit wysen, velden, garten halff vnd mit alle deme rechte, so wie ich it zu lehne han von myme Herrn, Herrn vnd grebe Simont von Salmen, vnde ver- zigen luterlichen daruff vur mich vnd myne naekomen vnde geloben in guden truwen nimmer darwider zu done mit einicherleye argelist, mit rade oder mit helffen, mit worten oder mit werken, ich oder ieman in mynen wegen. Vmbe daz diese vurgeschrieben gabe vnd wiedem ganz vnd stede sy vnd verlybe, so han ich gebeden zu einer merer stedicheit vnd vrkunde mynen lieben Herren Grebe Simont von Salmen vurgen., daz er syn Ingesigel mit deme myne hencke an diesen brief. Vnd wir Grebe Simont von Salmen vurgen. vmb bede willen Hugels vnsers Mannes vurgeschr., so han wir vnser Ingesigel dun hencken an diesen brief zu deme syne, vmb daz die vugeschr. stück ganz vnd stede ver- lyben. Dieser brief wart gegeben do man zalte na gots geburte drutzenhundert jar vnd ses vnd viertzig jar des lesten dagis in deme Meyen. Alte Copie im Hausarchiv, dessen Katalog vom Jahre 1590 noch das Orig. perg. mit 2 Siegeln aufführt. 203