CCLI. Die Brüder Gerhard und Friedrich Vögte und Herrn zu Hunolstein vergleichen sich mit dem Grafen Johann von Spanheim wegen der Verleihung der Kirche zu Birkenfeld. 1346 Juni 24. TV^ir Gerhard vnd Friedrich Gebrüdere Voyde vnd Herren zu Hunoltstein dun kunt allen luten, als von dem kriege vnd von der forderungen, die lange zyt gewesen sind an dem geistlichen gerichte des koirbischoffs Bumuntz des titels sant Mauricius kirche zu Triere zwischen vns vff einer syte vnd jungfrauwen Elisen von Kerpen, die ee was seligen Gerharts von Zussel, den man sprache von Waltrachen, eliche frauwen, für sich vnd in Momparschafft wegen irer kinde vff die ander syte, von der Erbgaben der kirchen zu Birkenfeld, das man nennet jus patronatus. vnd dieselbe jungfrauwe Else hat eime Edeln manne vnseren lieben herren Grave Johann von Spanheim vnd sinen kindern vffgetragen vnd gegeben für gericht alles das recht, das ir vurgen. Mann an derselben kirch gaben gehabt hat, mit alme rechte als in den briefen geschrieben stet, die darvff gemacht sint. des hant wir Gerhart vnd Friedrich Gebrüdere, so wie wir vur- genannt sint, für vns vnd vnsere kinde vnd vnser erben vnd nachkommen eine rechte mutbescheit gemacht mit dem vurgen. graven Johann vnserm lieben Herrn. daz er zu einre zyt vnd wir zu der andern zyt die egen. kirchen zu Birkenfeld geben sullen als sie fallende ist. Also das wir Gerhart vnd Friedrich vurgen. dieselbe kirchen zu Birkenfeld sullen geben zu diser genwerdigen zyt vnd dar nach abe sy ledig wurde, so sal der egen. grave Johann dieselbe kirche geben zu der andern zyt. vnd wann dan dieselbe kirche darnach aber ledig wurd, so sullen wir egen. Voyde oder vnser erben und vnser kinde vnd nachkommen die vorgen. kirche geben vnd er aber darnach oder die sinen, als sie vallende ist, vnd das ewiklich als dicke als sine gift kommet, das man nennet zu latin vicis- situdo juris patronatus. Vnd globent wir Gerhard vnd Friedrich gebrüdere vurgen. für vns vnd vnser kinde vnd vnsere erben vnd nachkommen, daz wir den vurgen. edlen herrn Johann vnsern lieben herren vnd sine kinde vnd sine erben vnd nachkommen in einicher hande wyse an der vurgen. Kirchengaben zu Birkenfeld zu aller der zyt als yn gebürt zu geben, als vurgeschr. stet, nyt hindern sullen, vnd weres daz das geschee, daz der vurgen. greve oder die sinen gehindert wur den vnd davon einigen schaden empfangen, das got verbiete, so was kuntlichen schaden oder hindernisse der egen. greve oder die sinen davon litten, davon 4 26* 204 sullen wir yne entheben vnd schadelos machen in guten truwen. Auch globen wir in guten truwen für vns vnd vnsere kint vnd vnser erben vnd nachkommen, so Avas kuntlichen schaden vnd costen wir gelitten hant in der tedinge vnd in dem criege mit jungfrauwe Eilsen vnd yren kinden, erben vnd nachkommen, nymmerme ensullen gevordern noch heischen als von der zweyunge vnd teding der egen. kirchen zu Birkenfeld, vsgescheiden vnd vsgenommen allerley argeliste. Des zu vrkundo vnd vester stedicheit han wir Gerhart vnd Friedrich gebrüdere vurgen. vnsere Ingesiegele an diesen brief gehangen, der gegeben wart vnd ge macht in den jaren drutzehenhundert vnd sehs vnd viertig jare vff sant Johanns tag baptisten. Orig. perg. im Pr. Arch. zu Coblenz.