CCCXJKXI. Reynher der Junge, des Burggrafen Sohn von Bernkastel, quittirt dem Gerhard Vogt lind Herrn zu Hunolstein über 120 Gulden für Hengste, Schaden, Dienst und Verlust. 1368 Mai 23. Ich Reynher der Junge, des Burggreuen son von Bernkastel, dun kunt allen luden vnd erkennen offenlich. daz vmb solich missel vnd zweyunge. die ich hatte mit dem ediln Herren Hern Gerhard Voyt vnd Herren zu Hnnoltstein. von hengsten, perden, schaden, dynst vnd alle verlost by s an dysen hutigen dag. die er mir schuldig was. der her Thilman vom Steyne vnd Fryderich von Krube thüschen yme vnd mir geretet vnd gemacht hant. daz mir der selbe Herre geben sal vor die hengst, perden vnd schaden, dynst vnd alle verlost zwentzich vnd hondirt gulden. nu zu Meyhe sestzich vnd off sant Remeisdag nehste dar nach kommende die andern sestzich. der summen han ich entfangen aluart zu Meyhe sestzich gulden. vnd sage den vurgen. herren der egen. sestzich gulden quyt, loiz vnd ledich. mit Orkunde mins Ingesygels an dysen brieff gehangen. Datum a. d. Millesimo trecentesimo sexagesimo octavo feria tercia ante festum pentecostes. Orig. mit Siegel im furstl. Wittgenst. Arch. zu Berleburg. 265