CCXXIII. Johann Vogt von Hunolstein, Herr zu Neumagen, huldigt dem Erzbischof Bal- dewin und dem Erzstift Trier. 1340 October 26. Ich Johan Voget von Hunoldistein Hen're zu Neumagen dun kunt allen luden, daz ich dem erwerdigen in gode vader vnd herren, mime herren, Hern Baldewin Ertzebischoff zu Triere vnd sime Stiefte in guden truwen gelobt han 183 vnd globen an diesem brieue, daz ich yn getruwe vnd holt sin sal vnd will vnd ire schaden wenden vnd warnen, wo ich mag, vnd ensal nümmer wider sy gedun heimelich oder offenbar, vnd wo ich zu schaffene hette oder gewunnen mit mime vorgenannten Herren oder den sinen, oder sie mit mir, so sal ich zu rechte stan von geistlichen sachen, vnd ouch wo iz geistlichen luden angat vor sime official, oder von werntlichen sachen vor mime vorgen. Herren oder sinen amptlüden vnd vor sinen mannen, vzgescheiden allerley argelist vnd geuerde. Vnd des zu eime orkunde han ich min ingesigel an diesem brieff dun henken vnd han gebeden vnd bidden an diesem brieue Hern Johan des Herren son von der Vels, minen swager, vnd Hern Ensfrid von Gudimberg, daz sy ire inge- sigele an diesem brief ouch wollen henken zu eime gezugnisse aller dieser vorgen. dinge. Vnd wir Johan des Herren son von der Vels vnd Ensfrid von Gudimberg, rittere, vorgenannt bekennen, daz wir durch bede willen des vorgen. vogedes vnsere ingesigele an diesem brief han gehangen zu eime orkunde vnd gezugnisse aller dieser vorgeschriebener stücke. Dieser brieff wart gegeben do man zalte von Cristus geburte drutzenhundert vnd vierzig jar vf den nehesten Donrstag vor sente Symons vnd sente Judastage der heiligen aposteln. Orig. im Pr. Arch. zu Coblenz.