CCLXII. Baugraf Wilhelm belehnt den Grafen Johann von Spanheim mit seinem Vasallen • Hugel Vogt von Hunolstein und allen Lehen, die derselbe von ihm hat. 1350 Juni 30. Wir в ugreve Wilhelm dun kund allen luten vnd verjehen vns, das wir vmb gunst, dienst vnd fruntschafft, die der Edel vnser lieber Neve grave Johann von Spanheim vns vnd den vnsern dicke gedan hat vnd hernach dun mag, han yme zv Mannlehen geluwen vnd lihen in disem genwuertigen brieue vnsern man Hu geln Voit von Hunoltstein mit allem dem, das er von vns vnd vnsern Altvordern vnd Vorfaren bis an disen hutigen tag zu Mannlehen gehabt hat * Es sy burg, lant vnd lute, gerichte, gulte, welde, wege, wasser, weyde, wenig oder viel, be nannt vnd vnbenannt, ersucht vnd vnersucht, nuss nit vsgenommen. Vnd sol der vorgenannt grave Johann von Spanheim vnd sin erben denselben Hugeln und sin lehens erben vnd die vorgen. gute von vns vnd vnsern erben zu lehen em- pfaen vnd halten mit eyde, truwen vnd dienste, als solichs lehens recht vnd ge- wonheit ist, vsgescheiden allerley argeliste vnd geverde in allen disen vorgeschriben stücken. Des zu vrkunde vnd stedekeit, so han wir vnser ingesiegel an diesen brief gehangen, der da geben wart da man zalte nach gotdis geburte dusent druhundert vnd in dem fünfzigesten jare des nesten tages nach sant Peters vnd Paulus der heiligen zwolffbotten tage. Spanheimer Copialbuch Nro. IV, S. 762 im General - Landesarchiv zu Carlsruhe. — *) Ueber diese Lehen vergl. Nro. CLXXIX, СС1I I und CCCXXVII.